வீட்டில் தண்ணீர், அரிசி, உப்பு, குங்குமம் போன்ற பொருட்கள் சிந்தி சிதறுவது நம் வாழ்க்கையில் வரப்போகும் ஆபத்தின் அறிகுறியா

தண்ணீர்:

வீட்டில் பொதுவாக தண்ணீரை அதிகம் பயன்படுத்தினால் பெரியவர்கள் எச்சரிப்பார்கள். அந்த நேரத்தில் நாம் அலட்சியமாக கடந்து செல்கிறோம். ஆனால் வீட்டில் தண்ணீர் சிந்தினால் கடன் பிரச்சனைகள் ஏற்படக்கூடும் என்பதைக் குறிக்கிறது. அடிக்கடி நம் வீடுகளில் குழாய் சரி இல்லாமல் சொட்டு சொட்டாக தண்ணீர் சிந்திக் கொண்டே இருக்கும். இந்த அறிகுறிகள் கடன் நெருக்கடி அதிகரிக்க கூடும் என்பதை குறிக்கிறது. இப்படியான அறிகுறிகள் உங்கள் வீட்டில் தோன்றினால் நீங்கள் எச்சரிக்கையாக இருக்க வேண்டும். தேவையற்ற செலவுகளை குறைத்து சிக்கனத்தைக் கடைபிடிக்க வேண்டும். நாம் பொதுவாக கடன்களை வாங்கும் முன் தீவிரமாக ஆலோசிக்க வேண்டும். தேவையற்ற கடன்களை தவிர்க்க வேண்டும். கூடுமானவரை வீட்டில் தண்ணீர் சிந்துவதை தவிர்ப்பது மிக மிக நல்லது. குழாய்கள் சேதம் அடைந்தால் உடனே சரி செய்ய வேண்டும்.

குங்குமம்:

குங்குமம் என்பது மங்களகரமான பொருட்களில் ஒன்றாக பார்க்கப்படுகிறது. இதனால் தான் நம் முன்னோர்கள், வீட்டில் குங்குமம் கொட்டி விட்டால் அன்றைய நாளில் ஏதாவது ஒரு அசம்பாவிதம் நிகழும் என்பார்கள். ஆனால் உண்மையில் குங்குமம் கொட்டினால் ஏதாவது அசம்பாவிதம் நிகழுமா என்று பார்க்கலாம்.

குங்குமம் கொட்டுவது இயல்பான ஒன்று தான் என்றாலும், அன்றைய நாளில் ஏதாவது ஒரு சண்டை, சச்சரவுகள் ஏற்பட வாய்ப்புகள் இருக்கலாம். இவ்வாறு ஒரு சூழ்நிலை ஏற்பட்டதால், உங்களுடைய மனம் சண்டையிட கூடிய நிலையிலேயே இருக்காது. குங்குமம் கொட்டியதால் இவ்வாறு நடக்கிறது என்று சூழ்நிலையை புரிந்து கொண்டு சண்டைகள் தவிர்க்க முயற்சி செய்யுங்கள்.

உப்பு

நாம் வீட்டில் பயன்படுத்தும் உப்பு வெறும் சுவைக்கு மட்டும் பயன்படுவது அல்ல. மகாலெட்சுமி வாசம் செய்யும் பொருட்களில் ஒன்றாக உப்பு பார்க்கப்படுகிறது. வீட்டில் தவறுதலாக கூட உப்பை சிந்துவது அவ்வளவு நல்லதல்ல. உப்பை சிந்தினால் வீட்டில் எதிர்பாராத விதமாக சண்டை, சச்சரவுகள் அதிகரிக்க வாய்ப்பு உள்ளது. ஒருவேளை நீங்கள் வேலை பார்த்து கொண்டிருக்கும் போது உங்களையும் அறியாமல் உப்பை சிந்திவிட்டால் அன்றைய நாளில் நீங்கள் அன்று மௌனத்துடன் இருப்பது மிகவும் நல்லது. வரவிருக்கும் சண்டை, சச்சரவுகளை தடுத்து நிறுத்துவதற்காக நிதானத்தை கையாள்வதற்கான எச்சரிக்கை அது.

அரிசி

வீட்டில் அரிசியை பத்திரமாக பாதுகாக்க வேண்டும். அது கொட்டாமல் பார்த்துகொள்வதில் கவனமாக இருக்க வேண்டும். வீட்டில் அரிசி சிந்துவது நமக்கு நல்ல அறிகுறி அல்ல. ஒரு வேளை நீங்கள் வேண்டிக் கொண்ட ஏதாவது ஒரு வேண்டுதல்களை நிறைவேற்றாமல் விட்டிருக்கலாம். அதனை நினைவுப்படுத்தவே இது போன்ற நிகழ்வுகள் நடைபெறும். அரிசி சிந்துவதால் தெய்வக்குறைகள் ஏற்படும். இதனால் இனி கவனமாக இருப்பது நல்லது.

பொறுப்புத் துறப்பு:

இந்தக் கட்டுரையில் குறிப்பிடப்பட்டுள்ள தகவல்கள் அனைத்தும் ஜோதிடர்கள் / பஞ்சாங்கங்கள் / சொற்பொழிவுகள் / நம்பிக்கைகள் / வேதங்களில் இருந்து சேகரித்து உங்களுக்குத் தெரிவிக்கப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.