Rice Water For Weight Loss: கலோரிகள் குறைவு, செரிமானத்துக்கு நன்மை..! அரிசி தண்ணீர் பருகுவதால் கிடைக்கும் நன்மைகள் இதோ

அத்துடன் அரிசி தண்ணீர் செரிமானத்தை மேம்படுத்துவது, நோய் எதிர்ப்பு சக்தியை அதிகரிப்பது, நச்சு நீக்கம் மற்றும் சுவாசத்துக்கு நன்மை என பல்வேறு விதமான நன்மைகளையும் தருகிறது. அரிசி தண்ணீர் உங்களது சருமம், தலை முடி ஆரோக்கியத்தையும் பேனி பாதுகாக்கிறது.

அரிசி தண்ணீர் என்றால் என்ன?

அரிசியை கொதிக்க வைக்கும் போது பாத்திரத்தில் எஞ்சியிருக்கும் வெள்ளை மாவுச்சத்து தான் அரிசி நீர். இதை வடித்த கஞ்சி என்று கூறுவதுண்டு. இந்த நீரை வடிகட்டி பருகலாம். இதில் மாவுச்சத்து மட்டுமின்றி, நம் உடலுக்குத் தேவையான பல்வேறு ஊட்டச்சத்துக்களும் நிறைந்துள்ளன. வைட்டமின் ஈ, மெக்னீசியம், நார்ச்சத்து, துத்தநாகம் மற்றும் மாங்கனீசு ஆகியவற்றுடன் ஆரோக்கியம் நிறைந்த கார்ப்போஹைட்ரேட்கள் இருப்பதால் உடலுக்கு தேவையான ஆற்றலை தருகிறது. இதன் மூலம் நாள் முழுவதும் சுறுசுறுப்பாக செயல்பட உதவுகிறது.

அரிசி தண்ணீர் நன்மைகள்

அரிசி நீர் உணவு பதப்படுத்தும்போது வெளியேறும் கழிவு என குறிப்பிடப்படுகிறது. இது பொதுவாக கச்சா அரிசி தயாரிக்கும் போது அப்புறப்படுத்தப்படுகிறது. இருப்பினும், இது மருந்தாகப் பயன்படுகிறது. வயிற்றுப்போக்கு உள்ள நோயாளிகளுக்கு ஜீரண சக்தியை பெறக்கூடிய ஆரோக்கியமான பானமாக செயல்படுகிறது.

அரிசி நீர் சருமத்தை அழகாகவும், மிருதுவாகவும், சீரான நிறமாகவும் மாற்ற உதவுகிறது என்று ஆய்வுகள் கூறுகின்றன. தலைமுடி பராமரிப்பிலும் முக்கிய பங்காற்றும் அரிசி நீர், ​​பொடுகு தொல்லையிலிருந்து பாதுகாக்கிறது.

அரிசி நீர் எவ்வாறு எடை குறைப்புக்கு உதவுகிறது

குறைவான கலோரிகள்

உடல் எடையைக் குறைக்கும் பயணத்தில் ஆரோக்கியமான, ஆனால் கொழுப்பில்லாத பானத்துக்கான சிறந்த சாய்ஸ் ஆக அரிசி தண்ணீர் உள்ளது.

இது சர்க்கரை பானங்கள் அல்லது சர்க்கரை இல்லாத பானங்களுக்கு குறைவான கலோரியுடன் கூடிய மாற்றாகும்,

கலோரிகளின் அளவு, எந்த வகையான அரிசியைப் பயன்படுத்துகிறோம் என்பதை பொறுத்து அமைகிறது. அரிசி வேகவைக்கப்பட்டதா இல்லையா, மேலும் எவ்வளவு நேரம் வேகவைக்கப்பட்டது என்பதைப் பொறுத்து அமைகிறது. சராசரியாக, 100 மில்லி அரிசி நீரில் சர்க்கரை சேர்க்கப்படாவிட்டால், சுமார் 40-50 அளவில் கலோரிகள் இடம்பெறும்

செரிமானத்துக்கு உதவுகிறது

அரிசி நீரில் இருக்கும் மாவுச்சத்து செரிமான பிரச்னைகளை போக்க உதவுகிறது என பல்வேறு ஆய்வு முடிவுகளில் கூறப்பட்டுள்ளது. மாவுச்சத்து கொழுப்பு திரட்சியைக் குறைக்கவும், கொழுப்பு வளர்சிதை மாற்றத்தை மேம்படுத்தவும் உதவுகிறது.

செரிமானத்தை மேம்படுத்த எடுக்கும் முயற்சியில் நாம் உட்கொள்ளும் உணவில் உள்ள ஊட்டச்சத்துக்களை உடல்கள் மிகவும் திறம்பட பயன்படுத்திக்கொள்ளும். இதன் மூலம் உடல் எடையை குறைப்பதுடன் ஆரோக்கியமாகவும் இருக்க உதவுகிறது

குடல் ஆரோக்கியம்

புளித்த அரிசி நீரில் இருக்கும் புரோபயாடிக்குகள் நமது இரைப்பைக் குழாயில் நன்மை பயக்கும் மற்றும் சிகிச்சை விளைவுகளை ஏற்படுத்தும் என்று கூறுகிறது. அரிசி நீர் குடலில் நன்மை பயக்கும் நொதிகள் மற்றும் பாக்டீரியாக்களை உருவாக்குகிறது என ஆய்வுகள் மூலம் தெரியவந்துள்ளது. இது குடல் நுண்ணுயிரிகளின் ஆரோக்கியத்தை மேம்படுத்தி, நோய் எதிர்ப்பு சக்தியை உருவாக்குகிறது. இதனால் நாள்பட்ட நோய் பாதிப்புகளை தடுக்க உதவுகிறது.

வயிறு நிரம்பிய உணர்வை தருகிறது

உங்கள் உணவுக்கு இடையில் ஒரு கிளாஸ் அரிசி தண்ணீரை குடிப்பது, நீண்ட நேரம் உங்களுக்கு நிறைவான உணர்வை தர உதவுகிறது. இதன்மூலம் உணவுக்கு இடையில் ஆரோக்கியமற்ற தின்பண்டங்களை உண்ணும் வாய்ப்பை குறைக்கிறது. அத்துடன் உடல் எடை இழப்பு பயணத்தில் இருப்பவர்களுக்கு தேவையான ஆற்றலை தருகிறது.

நீரேற்றமாக வைக்க உதவுகிறது

அரிசி நீரில் உடலுக்குத் தேவையான பொட்டாசியம் மற்றும் மெக்னீசியம் போன்ற முக்கியமான எலக்ட்ரோலைட்டுகள் உள்ளன. எனவே இந்த பானம் இயற்கையான நீரேற்ற ஏஜெண்டாக மாற்றுகிறது. உங்கள் வளர்சிதை மாற்றத்தை அதிகரிக்கவும் உதவுகிறது.

அரிசி தண்ணீர் தயார் செய்வது எப்படி?

• ஒரு பானை அரிசி மற்றும் அதை கொதிக்க வைக்க போதுமான தண்ணீர் எடுத்துக்கொள்ள வேண்டும்.
• மூன்று டேபிள் ஸ்பூன் வெள்ளை அரிசி மற்றும் இரண்டு கப் தண்ணீர் எடுத்துக் கொள்ளுங்கள்.
• இந்த கலவையை 20 முதல் 30 நிமிடங்களுக்கு சமைக்கவும்.
• பின்னர் பால் போன்று மிதக்கும் தண்ணீரை வடிகட்டி ஆறவிடவும்.
• அரிசி தண்ணீரை ஒரு வாரம் குளிர்சாதன பெட்டியில் சேமித்தும் பருகலாம்.

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:

Twitter: https://twitter.com/httamilnews 

Facebook" https://www.facebook.com/HTTamilNews 

You Tube: https://www.youtube.com/@httamil 

Google News: https://tamil.hindustantimes.com/ 

ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.

https://www.whatsapp.com/channel/0029Va9NEUA7IUYU4eBTc81v