Neesa Banga Raja Yogam: ’மேஷம் முதல் மீனம் வரை!’ நீச பங்க ராஜயோகம் என்றால் என்ன? நீசம் பெற்ற கிரகம் என்ன செய்யும்?

நீசம் என்றால் என்ன?

நீசம் என்பது ஒரு கிரகம் முழுமையாக வலு இழந்துவிட்டது என்று பொருள் ஆகும். ஒரு கிரகத்தின் ஒளித்தன்மையை முழுமையாக இழந்துவிட்டது என்றும் பொருள்படும். 

சந்திரனை பொறுத்தவரை விருச்சிகம் ராசியில் அவர் நீசம் அடைந்தாலும், அமாவாசை காலத்தில் நீசம் அடைந்துவிட்டதாகவே பொருள்படும். ஏனெனில் அந்த நாளில் அவர் முழு ஒளித்தன்மையை இழப்பார். 

ஒரு கிரகம் உச்சம் அடைந்து இருக்கும் போது உச்ச ஒளி பொருந்திய தன்மை உடன் இருக்கும். ஆனால் நீசம் பெற்றால் அதன் ஒளித் தன்மையை இழந்துவிடும். நீச்சத்திற்கு பங்கம் கிடைத்து அதுவே யோகமாக மாறுறது. நீசம் பெற்ற கிரகம் இழந்த ஒளியை வேறு ஒரு ஒளி பொருந்திய கிரகத்தின் மூலமாக அல்லது வீடு கொடுத்தவரின் மூலமாக அல்லது அல்லது வக்கரம் அடைவதன் மூலமாக அல்லது வர்க்கோத்தமம் அடைவதன் மூலமாக திரும்ப பெறுவதே நீச பங்கம் எனப்படும். 

நீசமும் நீச பங்கமும்!

மூன்று நான்கு கிரகங்கள் நீச்சம் அடைந்திருந்தாலும் சூரிய சந்திரன் போன்ற ஒளிபொருந்திய கிரகங்கள் யாரேனும் ஒருவர் உச்சம் பெற்றோ ஆட்சி பெற்றோ இருந்துவிட்டால் அனைத்து கிரகங்களுக்கும் நீச்சபங்கம் கிடைத்துவிடும்.

நீசம் என்பது ஒரு நிலை. நீசபங்கம் என்பது இன்னொரு நிலை. நீசபங்க ராஜயோகம் என்பது மூன்றாவது நிலை. ஒரு நீச்சம் பங்கம் ராஜயோகம் பெற்ற கிரகம் என்ன செய்யும் என்று தற்போது பார்க்கலாம். 

உதாரணமாக சனி பகவான் மேஷத்தில் நீசம் அவர் நீச்சம் அடைந்து விடுகிறார். இவருக்கு வீடு கொடுத்த செவ்வாய் மகரத்தில் உச்சம். என்றால் சனியும் செவ்வாயும் பரிவர்த்தனை ஏற்பட்டு நீசபங்கம் கிடைக்கும். இது ராஜயோகத்தில் சேராது. 

ஆனால் சுக்கிரன் துலாம் ராசியில் இருந்து ஆட்சி பெற்றபடி சனி பகவானை பார்த்தால் நீசபங்க ராஜயோகம் ஏற்படும். குருபகவான் தனுசு ராசியில் ஆட்சி பெற்ற நிலையில் சனியை பார்த்துட்டு இருக்கார் எனும் போதும் நீச பங்க ராஜயோகம் ஏற்படும். 

நீச பங்க ராஜயோகம் பெற்ற கிரகம் என்ன செய்யும்?

நீச பங்க ராஜயோகம் பெற்ற கிரகம் ஆனது தனது ஆதிபத்திய காரகத்துவ விசேஷங்களை ஆரம்ப காலகட்டத்தில் உங்களுக்கு தராமல் தடைகள் செய்து பிறகு மிகப்பெரிய விஷேஷங்களை தரும் என்பதே நீச்சபங்க ராஜயோகத்தின் சூட்சம் ஆகும். 

பொறுப்பு துறப்பு

இந்தக் கட்டுரையில் உள்ள எந்தவொரு தகவல்/பொருள்/கணக்கீட்டின் துல்லியம் அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்கள் / ஜோதிடர்கள் / பஞ்சாங்கங்கள் / சொற்பொழிவுகள் / நம்பிக்கைகள் / வேதங்களில் இருந்து சேகரித்து உங்களுக்குத் தெரிவிக்கப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.