வக்கிர நிவர்த்தி அடைந்த சனி..கும்ப ராசியில் நேரடி இயக்கம்! அதிர்ஷ்டம், பணவரவு, வாழ்க்கை துணையுடன் இணக்கம் பெறும் ராசிகள்

சனியின் தன்மை

நவக்கிரகங்களில் ஈஸ்வரன் பட்டம் பெற்றவர் சனி பகவான் ஆவார். ஜோதிடத்தை பொறுத்தவரை ஒருவரது செயல்பாடுகளை சீர்த்துக்கி பார்த்து அதற்கு ஏற்ற பலன்களை தரக்கூடிய நீதிமானாக சனி பகவான் விளங்குகிறார். நாம் செய்த நன்மை தீமைகளுக்கு ஏற்பவே அவரது பலன்கள் இருக்கும்.

சனி பகவானின் தாக்கம், நம்மை கடினமாக உழைக்கவும், பொறுமையாக இருக்கவும் கற்றுத்தருகிறது. பல விதமான தொழில்களுக்கு காரக கிரகமான சனி பகவான் நீதி தவறாத பண்பு உடையவர் ஆவார். ஒவ்வொரு ராசியிலும் இரண்டரை ஆண்டுகள் வரை வாசம் செய்யும் சனி பகவான் அந்த ராசிக்காரருக்கு மிகப்பெரிய வாழ்கை அனுபவத்தை வழங்க கூடிய கிரகமாக உள்ளார்.

சனி பகவான் கும்ப ராசியில் சஞ்சாரம்

சனி பகவான் ஒரு ராசியிலிருந்து மற்றொரு ராசிக்கு செல்ல இரண்டரை ஆண்டு காலம் எடுத்துக் கொள்கிறார். அந்த வகையில் 30 ஆண்டுகளுக்கு பிறகு தனது சொந்தமான ராசியான கும்ப ராசியில் தற்போது பயணம் செய்து வருகிறார். இந்த ஆண்டு முழுவதும் இதே ராசியில் பயணம் செய்வார் வரும் 2025 ஆம் ஆண்டு தனது இடத்தை மாற்றுகிறார்.

சனி பகவானின் அனைத்து விதமான செயல்பாடுகளும் அனைத்து ராசிகளுக்கும் தாக்கத்தை உண்டாக்கும். அந்த வகையில் சனி பகவான் கும்ப ராசியில் வக்கிர நிலையில் பயணம் செய்து வந்தார். சனியின் இந்த நிலை சில ராசிக்காரர்களுக்கு மிகவும் நல்ல பலனை தர போகிறது. நவம்பர் 15 முதல் சனி கும்ப ராசியில் சஞ்சரிக்கிறார். அத்துடன் வக்கிர நிவர்த்தி அடைந்துள்ளார். த்ரிக் பஞ்சாங்கத்தின் படி, ஜூலை 12, 2025 வரை சனி நேரடி இயக்கத்தில் சஞ்சரிக்க உள்ளார். கும்ப ராசியில் சனியின் நேரடிப் பயணத்தால் எந்தெந்த ராசிக்காரர்களுக்குப் பலன் கிடைக்கும் என்பதை பார்க்கலாம்

மிதுனம்

கும்ப ராசியில் சனியின் நேரடி சஞ்சாரம் மிதுன ராசிக்காரர்களுக்கு நல்ல பலனைத் தரும். சனிபகவானின் சுப பலன்களால் தொழிலில் முன்னேற்றம் அடைவீர்கள். காதல் வாழ்க்கை இனிமை நிறைந்ததாக இருக்கும். உங்களுக்கும் உங்கள் துணைக்கும் இடையிலான பிணைப்பு வலுவடையும். வருமானம் பெருகி நிதி நிலையும் மேன்மை அடையும். வாழ்வில் நற்பலன்களை பெறுவீர்கள்

துலாம்

கும்ப ராசியில் சனியின் நேரடி சஞ்சாரம் துலாம் ராசியினருக்கு சாதகமாக பலன்கள் தரும். நீங்கள் பல ஆதாரங்களில் இருந்து பணம் சம்பாதிக்கலாம். குடும்பத்தினரின் முழு ஆதரவைப் பெறுவீர்கள். தொழிலில் திறமையால் வெற்றி பெறுவீர்கள். வாழ்க்கை துணையுடனான உங்கள் உறவும் மேம்படும்.

கன்னி

கும்ப ராசியில் சனியின் சஞ்சாரம் கன்னி ராசியினருக்கு பல் நல்ல விஷயங்களை தருகிறது. இந்த நேரத்தில் நீங்கள் முழு நம்பிக்கையுடன் இருப்பீர்கள். எடுத்த காரியம் அனைத்திலும் வெற்றியை அடைவீர்கள். அதிர்ஷ்டத்தின் ஆதரவையும் பெறுவீர்கள். நீங்கள் மிகவும் நேர்மறையாக உணர்வீர்கள். மாணவர்களுக்கு நல்ல நேரமாக இருக்கும்.

பொறுப்புத் துறப்பு: இந்தக் கட்டுரையில் கொடுக்கப்பட்டுள்ள தகவல்கள் முற்றிலும் உண்மை மற்றும் துல்லியமானவை என்று நாங்கள் கூறவில்லை. விரிவான மற்றும் கூடுதல் தகவலுக்கு, நிச்சயமாக தொடர்புடைய துறையில் ஒரு நிபுணரை அணுகவும்.