’கும்பம் ராசிக்கு அரசு வேலை தேடி வரும்! அதிர்ஷ்டம் காலை சுற்றும்!’ ராகு கேது பெயர்ச்சி 2025 பலன்கள்!

மாய சிந்தனையை உருவாக்கும் நிலையை ராகு பகவானும், ஞான சிந்தனையை உருவாக்கும் நிலையை கேது பகவானும் அளிக்கின்றனர். இந்த இரண்டு கிரகங்களும் இருக்கும் வீட்டின் உடைய அதிபதியின் பலன்களை தரும் தன்மைகளை பெற்று உள்ளன.

கும்பம் 

கும்பம் ராசிக்காரர்களுக்கு ராசிக்குள் ராகுவும், 7ஆம் இடத்தில் கேதுவும் வருகின்றனர். ராகு பகவானால் நன்மைகள் உண்டாகும். வெளியூர் மற்றும் வெளிநாடுகளுக்கு செல்லும் யோகம் உண்டாகும். சிலர் குடும்பத்தினரை விட்டு பிரிந்து சென்று தூரத்தில் வசிக்கும் நிலை உண்டாகலாம். 7ஆம் இட கேது பகவானால் வாழ்கை துணைக்கு சில உடல் உபாதைகள் உண்டாகலாம். 

கும்பம் ராசிக்காரர்களின் உண்மை உழைப்புக்கு பலன்கள் கிடைக்கும். சிலர் உயர்கல்விக்காக வெளிநாடு செல்வீர்கள். வெளிநாட்டில் இருந்து வியாபார வாய்ப்புகள் கிடைக்கும். பயணம் மூலம் ஆதாயமும், லாபங்களும் கிடைக்கும் காலம் இது. அரசுத் தரப்பில் இருந்து தள்ளி போன ஆதாயங்கள் தேடி வரும். அரசியல்வாதிகளுக்கு புதிய பதவிகள் மற்றும் பொறுப்புகள் கிடைக்கும். 

கடன் தொல்லையில் இருந்த சிக்கல்கள் தீரும். சிறுவர்களுக்கு உடல்நல பாதிப்புகள் வரலாம். மாணவர்களுக்கு கவனச்சிதறல்கள் உண்டாகும் என்பதால் எச்சரிக்கை தேவை. வண்டி வாகனங்களை இயக்கும் போது கவனம் தேவை. வாகனம் இயக்கும் போது சாகசம் செய்தால் விபத்துகள் உண்டாகலாம். 

சிலர் வீடு, வாகனம், மனை வாங்கி மகிழ்வீர்கள். மது உள்ளிட்ட போதை பொருட்கள் பழக்கத்தில் இருந்து தள்ளி இருப்பது நல்லது. ரியல் எஸ்டேட் செய்பவர்களுக்கு ஆதாயம் கிடைக்கும். விற்பனை ஆகாத வண்டி வாகனங்கள், நிலங்கள் மூலம் கூடுதல் வருமானம் கிடைக்கும். பெட்ரோலியம், எண்ணெய் வித்துக்கள், மளிகை கடைகள் மற்றும் இரும்பு சார்ந்த தொழில்கள் செய்பவர்களுக்கு கூடுதல் வருமானம் கிடைக்கும். 

பணம் கொடுக்கல் வாங்கல்களில் தகராறு வரலாம் என்பதால் எச்சரிக்கை தேவை. தொழில் கூட்டாளிகள் உடன் பிணக்குகள் வரலாம். செயல்களில் பொறுமையும், நிதானமும் தேவை. இரவு நேர பயணங்களை தவிர்த்து கொள்வது நல்லது. தலை மற்றும் தலை சார்ந்த உறுப்புகளை கவனமாக பார்த்துக் கொள்ளவும். ராகு பகவான் சதயம் நட்சத்திரத்திற்குள் வரும் போது மிகுந்த நன்மைகள் கிடைக்கும். உயர் பதவிகள் தேடி வரும். கேது பகவான் மகம் நட்சத்திரத்திற்கு வரும் போது அரசு வேலை வாய்ப்புகள் கிடைக்கும். 

பொறுப்புத் துறப்பு

இந்தக் கட்டுரையில் உள்ள எந்தவொரு தகவல்/பொருள்/கணக்கீட்டின் துல்லியம் அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்கள் / ஜோதிடர்கள் / பஞ்சாங்கங்கள் / சொற்பொழிவுகள் / நம்பிக்கைகள் / வேதங்களில் இருந்து சேகரித்து உங்களுக்குத் தெரிவிக்கப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.