’ராகுவால் லாட்டரி யோகம் அடிக்குது! காதல் திருமணம் நடக்குது!’ கடகம் ராசிக்கான ராகு கேது பெயர்ச்சி பலன்கள்!

2ஆம் இடத்தில் அமர உள்ள கேது பகவானால் அரசு வழியில் நன்மைகளும், அனுகூலங்களும் உண்டாகும். அரசு வேலைக்காக முயற்சி செய்பவர்களுக்கு வேலை வாய்ப்பு உண்டாகும். கடன் சார்ந்த பிரச்னைகளில் உள்ளவர்கள் கவனமாக இருக்க வேண்டும். வீட்டில் பணவரவு கூடும். இட மாற்றம், வீடு மாற்றம், மனை மாற்றம் உண்டாகும். வேலை கிடைப்பதில் இருந்த பிரச்னைகள் விலகும். பணியிடங்களில் இருந்து வந்த சங்கடங்கள் நீங்கும். அரசியல்வாதிகளுக்கு செல்வாக்கு கூடும். 

காதல் திருமணம் கைக்கூடும்

காதல் திருமணம் கைக்கூடும். திருமணம் சார்ந்த உறவுகளில் இருந்து வந்த பிரச்னைகள் விலகும். கணவன், மனைவி இடையே ஒற்றுமை பெருகும். 8ஆம் இடத்தில் உள்ள ராகு பகவான் அதிக செல்வ வரவை உண்டாக்கி தருவார். இதுவரை நீங்கள் அனுபவித்து வந்த சங்கடங்கள் தீரும். வெளியூர் மற்றும் வெளிநாட்டு தொடர்புகள் மூலம் வணிகம் பெருகும். பங்குச்சந்தை முதலீடுகள் லாபத்தை தரும். வட்டித் தொழில், விவசாயம் செய்பவர்களுக்கு ஆதாயம் கிடைக்கும். புதிய முதலீடுகளை செய்வீர்கள். நீதிமன்ற வழக்குகள் முடிவுக்கு வரும். சேமிப்பில் ஆர்வம் பிறக்கும். 

திடீர் யோகம் கிடைக்கும்!

வெளிநாட்டு வேலைக்காக முயற்சி செய்பவர்களுக்கு விசா கிடைக்கும். குடும்பத்தில் மகிழ்ச்சி நிலவும். உங்கள் செயல்பாடுகளுக்கு குடும்பத்தினர் ஆதரவாக இருப்பார்கள். திருமணம் தவறிய உறவுகளில் இருப்பவர்களுக்கு சிக்கல்கள் உண்டாகும். சதயம் நட்சத்திரத்தில் ராகு பகவான் வரும் போது திடீர் யோகம் கிடைக்கும். எதிர்பாராத இடங்களில் இருந்து பணம் கொட்டும். கேது பகவான் மகம் நட்சத்திரத்தில் செல்லும் போது வாழ்வாதார பிரச்னைகள் விலகும். ஸ்ரீரங்கம் ரங்கநாதரை வழிபட்டு வர மாற்றமும், ஏற்றமும் உண்டாகும்.

பொறுப்புத் துறப்பு

இந்தக் கட்டுரையில் உள்ள எந்தவொரு தகவல்/பொருள்/கணக்கீட்டின் துல்லியம் அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்கள் / ஜோதிடர்கள் / பஞ்சாங்கங்கள் / சொற்பொழிவுகள் / நம்பிக்கைகள் / வேதங்களில் இருந்து சேகரித்து உங்களுக்குத் தெரிவிக்கப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.