Purathasi Rasipalan: ’புரட்டாசியில் கன்னிக்கு செல்லும் சூரியன்!’ துலாம் முதல் மீனம் வரையிலான ராசிகளுக்கான பலன்கள்!
செப்டம்பர் 17 ஆம் தேதி காலை 11:17 மணிக்கு சூரியன் கன்னி ராசியில் நுழைவார். கேது கிரகமும் கன்னி ராசியில் வீற்றிருக்கிறார். அப்படிப்பட்ட நிலையில் கன்னி ராசியில் சூரியனும் கேதுவும் இணைவது உருவாகும்.
சூரியன் தனது ராசியான சிம்ம ராசியில் இருந்து புதனின் ராசியான கன்னிக்கு நாளை பெயர்ச்சி அடைகிறார். கன்னி ராசிக்கு அதிபதியான புதன் கிரகம் சூரியனுக்கு நட்பு கிரகம் ஆகும்.
துலாம் முதல் மீனம் வரையிலான பலன்கள்
துலாம்
துலாம் ராசிக்கு 11ஆம் வீட்டு அதிபதியாக சூரியன் உள்ளார். தற்போது பன்னிரண்டாம் வீட்டில் சூரியன் சஞ்சரிப்பதால் வியாபாரத்தில் விரிவாகம் செய்ய செலவுகளை மேற்கொள்வீர்கள். இந்த காலகட்டத்தில் வருமானத்திற்கு அதிகமாக செலவு செய்யும் சூழ்நிலை உருவாகலாம். தொலைதூரப் பயணங்களால் செலவுகள் கூடும். நீங்கள் போட்டி மற்றும் எதிரிகளை வெல்ல முடியும்.
விருச்சிகம்
10ஆம் வீட்டின் அதிபதியான சூரியன் லாப வீட்டில் சஞ்சரிப்பதால் பொருளாதாரம் மேம்படும். தொழில் விரிவாக்கம், திடீர் நிதி ஆதாயம் உண்டாகும். கடின உழைப்பு மற்றும் பதவி உயர்வு ஆகியவற்றில் சில தடைகள் வரலாம்.
தனுசு
சூரியன் பத்தாம் வீட்டில் சஞ்சரிப்பதால் கடின உழைப்பு, அரசு அமைப்பில் இருந்து பலன்கள் கிடைக்கும். வீடு மற்றும் வாகன வசதி உண்டாகும். ரியல் எஸ்டேட் தொடர்பான விவகாரங்களில் கவனம் முக்கியம்.
மகரம்
8ஆம் அதிபதியான சூரியன் 9ஆம் வீட்டில் சஞ்சரிப்பதால் வீரம், முயற்சி ஆகியவை அதிகரிக்கும். விளையாட்டு துறை தொடர்பு உடையவர்கள் சிறப்பாக செயல்படுவீர்கள். கடினமாக உழைத்தாலும் பலன் குறைவாகவே இருக்கும். உடல்நிலை காரணமாக வேலையில் இடையூறுகள் ஏற்படலாம். தந்தையின் உடல்நிலையில் குறிப்பாக கவனமாக இருக்கவும்.
கும்பம்
7ஆம் வீட்டு அதிபதி 8ஆம் வீட்டில் சஞ்சரிக்கிறார். உங்கள் பேச்சின் தீவிரம் அதிகரிக்கும். குடும்ப விஷயங்களில் மனக்கசப்பு ஏற்படக்கூடும். பணச் செலவு திடீரென அதிகரிக்கலாம். மன அழுத்தம் வயிறு மற்றும் கால் பிரச்சனைகளை ஏற்படலாம்.
மீனம்
6ஆம் வீட்டின் அதிபதியான சூரியன் 7ஆம் வீட்டில் சஞ்சரிக்கிறார். இதன் காரணமாக எப்போதும் பிஸியாக இருப்பீர்கள். மகிழ்ச்சியாக குடும்பத்துடன் நேரம் செலவிடுவீர்கள்.
