Jealous Rasis: இயற்கையாகவே பொறாமை எண்ணம் அதிகமாக கொண்ட ராசிக்காரர்கள்

இந்த உலகத்தில் உள்ள அனைத்து உயிர்களும் வெவ்வேறு விதமான குணாதிசயங்களை அடிப்படையாகக் கொண்டு செயல்படுகின்றன. களத்திற்கு ஏற்றார் போல் தங்களது இயல்பை மாற்றிக் கொண்டு செயல்களில் ஈடுபடுகின்றன.

ஜோதிட சாஸ்திரத்தின் படி 12 ராசிகளும் இயல்பிலேயே வெவ்வேறு விதமான குணாதிசயங்களை பெற்று இருப்பார்கள். இருப்பினும் தான் அதிபதியாக கொண்டிருக்கின்ற கிரகங்களின் அடிப்படையில் பன்னிரண்டு ராசிகளும் சிறப்பு குணாதிசயம் ஒன்றை பெற்று இருப்பார்கள்.

அந்த வகையில் இயற்கையாகவே மற்றவர்கள் மீது பொறாமை கொண்டு தங்களுடைய அழிவைத் தேடிக் கொள்ளும் சில ராசிக்காரர்கள் உள்ளனர். அது எந்தெந்த ராசிகள் என்பது குறித்து எங்கே தெரிந்து கொள்ளலாம்.

ரிஷப ராசி

பொருட்களின் மீது அதிக ஆர்வம் கொண்டவர்கள் இவர்கள். எப்போதும் தன்னை அலங்காரம் செய்து கொள்ள முக்கியத்துவம் கொடுப்பார்கள். அன்புக்காக எத்தனை ஆழம் வேண்டுமானாலும் செல்வார்கள். இதை மற்றவர்கள் எடுத்துக் கொள்ளும் பொழுது பொறாமை தானாக வருகிறது. இவர்கள் தனித்துவத்தை இது போன்ற செயல்களில் ஈடுபடுத்தாமல் இருந்து வந்தால் பொறாமையால் ஏற்படக்கூடிய சிக்கல்களில் இருந்து தப்பிக்கலாம்.

சிம்ம ராசி

தங்களை அனைவரும் கவனிக்க வேண்டும் என்பதில் இவர்கள் மிகவும் குறியாக இருப்பார்கள். புகழ் மற்றும் பாராட்டை அதிகமாக விரும்பக் கூடிய ராசிக்காரர்கள் இவர்கள். இவை அனைத்தும் மற்றவர்களுக்கு கிடைக்கும் போது இந்த ராசிக்காரர்களுக்கு பொறாமை தானாக தலை தூக்குகிறது. இவர்களின் கடுமையான முயற்சியும், உழைப்பும் தவறான பக்கத்தில் திரும்பினால் கட்டாயம் சிக்கல்கள் ஏற்படுவது உறுதி.

விருச்சிக ராசி

இந்த ராசிக்காரர்கள் உணர்ச்சி மற்றும் ஆழ்ந்த உள்ளுணர்வுக்கு அதிக முக்கியத்துவம் கொடுக்கக் கூடியவர்கள். எந்த விஷயமாக இருந்தாலும் அதனை மிகவும் ஆழமாக ஆராய கூடிய திறன் கொண்டவர்கள். அந்த சிந்தனை அவர்களுக்கு தீராத பொறாமை குணத்தை உருவாக்குகின்றது. தான் விருப்பப்பட்ட காரியத்தை அடைவதற்காக இவர்கள் ஈடுபடும் முறை காலப்போக்கில் பொறாமையாக மாற்றமடைந்து சிக்கலாக மாற வாய்ப்பு உள்ளது.

கடக ராசி

உணர்ச்சிகளுக்கு அதிக இடம் கொடுக்கக் கூடிய ராசிக்காரர்கள் இவர்கள். நிதி சம்பந்தப்பட்ட விஷயங்களில் மற்றவர்கள் முன்னேற்றம் அடையும் பொழுது அதன் மீது இவர்களுடைய கவனம் செல்லும். தெரிந்தவர்களாக இருந்தாலும் அன்பை மீறி அவர்கள் மீது பொறாமை ஏற்படக்கூடிய வாய்ப்புகள் உள்ளது. மற்றவர்கள் மீது அதிக நன்றியை வளர்த்துக் கொள்வது இவர்களுக்கு இந்த சிக்கல்கள் இருந்து வெளிவர உதவியாக இருக்கும்.

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல்/பொருள்/கணக்கீட்டின் துல்லியம் அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்கள் / ஜோதிடர்கள் / பஞ்சாங்கங்கள் / சொற்பொழிவுகள் / நம்பிக்கைகள் / வேதங்களில் இருந்து சேகரித்து உங்களுக்குத் தெரிவிக்கப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews

https://www.facebook.com/HTTamilNews

https://www.youtube.com/@httamil

Google News: https://bit.ly/3onGqm9

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.