Name: MPs hold protest: எதிர்க்கட்சி எம்.பிக்கள் நாடாளுமன்ற வளாகத்தில் நூதனப் போராட்டம்!
Uploaded: 2024-08-08T17:40:12+05:30
Channel: Tamil Hindustan Times

MPs hold protest: எதிர்க்கட்சி எம்.பிக்கள் நாடாளுமன்ற வளாகத்தில் நூதனப் போராட்டம்!

video

<ul><li>வெங்காயம் உள்ளிட்ட மற்ற காய்கறிகளின் விலை உயர்வை கண்டித்து நாடாளுமன்ற வளாகத்தில் வெங்காய மாலை அணிந்து எதிர்க்கட்சி எம்.பிக்கள் நூதனப் போராட்டத்தில் ஈடுபட்டனர். அப்போது, காய்கறிகளின் விலையை குறைக்க வேண்டும் என திமுக, விசிக உள்ளிட்ட கட்சிகளின் எம்.பிக்கள் முழக்கம் எழுப்பினர்.</li></ul>

RAI விருதுகள்- 2025 இந்திய சிறப்பு சில்லறை வணிகத்தில் சிறந்த நிறுவனமாக கிரி நிறுவனம் தேர்வு

paragraph

<p>சென்னை, 19 ஜூலை 2025 - இந்தியாவின் ஆன்மீக மற்றும் பாரம்பரிய பொருட்களின் சில்லறை விற்பனையில் முன்னணி வகிக்கும் சில்லறை வணிக விற்பனையாளரான கிரி நிறுவனம், இந்திய சில்லறை சங்கம் (Retailers Association of India) வழங்கும் 'சிறந்த சிறப்பு சில்லறை விற்பனையாளர் 2025' என்ற பெருமை மிகுந்த விருதை பெற்றுள்ளது.</p><p>இந்த நிகழ்வு சென்னையின் அடையாளமான ஐடிசி கிராண்ட் சோலா ஹோட்டலில் மிகச் சிறப்பாக நடைபெற்றது. இந்திய சில்லறை வணிகத் துறையின் முக்கிய பிரபலங்கள் அனைவரும் இதில் கலந்து கொண்டனர். சில்லறை வணிகத்தில்</p><p>கிரியின் மகத்தான பங்களிப்பு அதிலும் சிறப்பாக பாரம்பரியம் புதுமை மற்றும் வாடிக்கையாளர்களை திருப்திப் படுத்தும் பாங்கு, ஆழ்ந்த அர்ப்பணிப்பு உணர்வு ஆகியவற்றை இந்த விருது அங்கீகரித்துள்ளது.</p><p>கலாச்சாரம் பாரம்பரியம் மற்றும் ஆன்மீகம் தொடர்பான சில்லறை வணிகத்தில் முன்னணி வகிக்கும் கிரி தனது சமீபத்திய சாதனையான பெருமைமிகு சிறப்பு சில்லறை வணிக பிரிவின் விருதிற்கு தேர்வானதை தெரிவிப்பதில் பெரு மகிழ்ச்சி கொள் கிறது. இந்த அங்கீகாரமானது சென்னை ஐடிசி கிராண்ட் சோலா வில் நடந்த சில்லறை விற்பனை வணிகக் கூட்டத்தில் வழங்கப்பட்டது. இது கிரியின் 70 வருட பயணத்தின் ஒரு முக்கியமான மைல்கல் ஆகும்.</p><p>இந்திய பாரம்பரியத்தை உயர்த்துவதில் முனைப்புடன் செயல்பட்டு வரும் கிரி நிறுவனத்திற்கு வழங்கப்பட்ட இந்த விருதானது, அதன் ஆழமான உறுதிபாட்டையும் இணையதளம் மற்றும் நேரடி விற்பனை கூடங்களிலும் வாடிக்கையாள ருக்கு உயர்ந்த மற்றும் சிறப்பான சேவையை வழங்கி வருகிறது. சில்லறை வணிகத்தில் அதன் மகத்தான பங்களிப்பு அதிலும் சிறப்பாக பாரம்பரியம், புதுமை மற்றும் வாடிக்கை யாளரிடம் ஆழ்ந்த</p><p>அர்ப்பணிப்பு உணர்வு ஆகியவற்றை இந்த விருது அங்கீகரித் துள்ளது. சில்லறை விற்பனை உலகில் தனக்கென தனி முத்திரை பதித்துள்ள கிரி ஸனாதனதர்மத்தை அடிப்படையாகக் கொண்ட சேவையையே தொடர்ச்சியாக வழங்கி வருகிறது.</p><p>2025 சென்னை சில்லறை வணிகக் கூட்டத்தில் நடந்த நிகழ்வின் ஒரு பகுதியாக கிரி தனது ஆன்மீக கலாச்சாரப் பொருட்களை அணிவகுப்பாக கண்காட்சி வைத்திருந்தது, வர்த்தக வல்லு னர்கள் மற்றும் வாடிக்கையாளர்களிடையே பெரும் வரவேற்பைப் பெற்றது. இந்நிகழ்வில் கிரி நிறுவன இயக்குனர்களில் ஒருவரான திருமதி சாரதா பிரகாஷ் அவர்கள், இந்திய சில்லறை வணிகத்துறையில் எதிர்கால வளர்ச்சி குறித்து சிறப்புரையாற்றினார்.</p><p>இந்த விருதைப் பெற்றதை மிகவும் கௌரவமாகக் கருதுகிறோம். இந்திய பாரம்பரிய த்தை நவீன முறை களுடன் இணைத்து வழங்குவதே எங்களின் தலையாய பணி. எங்களின் பயணத்தில் நம்பிக்கையோடு எங்களை ஆதரித்த அனைவருக்கும் இந்த வெற்றி உரியது. இந்த அங்கீகாரம் இந்திய சிறப்பு சில்லறை வணிகத் துறையில் கிரி நிறுவனத்தின் முன்னணி நிலையை மேலும் வலுப்படுத்துகிறது.  </p><p style="text-align:justify;">இந்த நிறுவனம் ஆன்மீகம் சார்ந்த 80,000 க்கும் கூடுதளான பொருட்கள், 35 க்கும் மேற்பட்ட கிளைகள் என்று உலகாளாவி இருக்கும் வாடிக்கை யாளரின் தேவை யை உடனுக்குடன் நிறைவேற்றி வருகிறது. </p><h2>கிரி பற்றி</h2><p style="text-align:justify;">1951 முதல் நம்பிக்கைக்குரிய அடையாளமாக ஒன்றாக, கிரி நிலைபெற்றுள்ளது. நமது பாரதத்தின் அம்சமான ஆன்மீகம் சார்ந்துள்ள பூஜை பொருட்களை மக்களிடம் கொண்டு சேர்பதற்கான முதன்மையான சில்லறை விற்பனைநிலையமாக தன்னை நிலை நிறுத்திக் கொண்டுள்ளது. செழுமையான கலாச்சாரம் மற்றும் பாரம்பரியத்திற்கு பெயர் பெற்ற கிரி, புத்தகங்கள்,பூஜைப் பொருட்கள், சிலைகள், பாரதிய பண்டிகை பொருட்கள், இயற்கை உணவுப் பொருட்கள், கைவினைப் பொருட்கள் மற்றும் பாரம்பரிய உடைகள் சார்ந்த வடியாளர்களின் தேவைகளை கிரி தனது 70 ஆண்டு கால சேவையின் வாயிலாக பூர்த்தி செய்து வருகிறது. </p><p style="text-align:justify;">தமிழ்நாடு கர்நாடகா தெலுங்கானா புதுச்சேரி மகாராஷ்டிரா புதுடெல்லி மாநிலங்களிலும், சர்வதேச அளவில், அமெரிக்கா, இங்கிலாந்து ஆஸ்திரேலியா, மற்றும் ஐக்கிய அரபு நாடுகள் போன்ற நாடுகளிலும், 36 ஷோரூம்களை நிறுவி,  தனது உலகளாவிய இருப்பை பதிவு செய்துள்ளது. 2024 ஆம் ஆண்டிற்கான மகளிர் மேம்பாடு மற்றும் சம-அதிகார பகிர்வை ஊக்குவித்து செயல்படுத்தியதற்காக, FICCI   இன் உயரிய விருதையும், 2019ல் தமிழகத்தில் சிறந்த சுற்றுலா பயணிகளின் சிறந்த ஷாப்பிங் சென்டர் விருதையும் பெற்றுள்ளது.</p>

கிரியின் மகத்தான பங்களிப்பு அதிலும் சிறப்பாக பாரம்பரியம் புதுமை மற்றும் வாடிக்கையாளர்களை திருப்திப் படுத்தும் பாங்கு, ஆழ்ந்த அர்ப்பணிப்பு உணர்வு ஆகியவற்றை இந்த விருது அங்கீகரித்துள்ளது.

‘மனசுல இருந்து நன்றி சொல்றேன்..’ - இரத்ததானம் செய்த இளைஞர்களுக்கு  விருந்து வைத்த நடிகர் கார்த்தி!

<p>தமிழ் சினிமாவில் முன்னணி நடிகராக இருப்பவர் கார்த்தி. இவருக்கு தமிழ், தெலுங்கு, மலையாளம், கன்னடம் என ஏராளமான ரசிகர்கள் பட்டாளம் உள்ளது. இவர்கள் வெறும் ரசிகர்கள் மட்டுமில்லாமல் மாவட்டம் தோறும் பொது மக்களுக்கு பல நல்ல விஷயங்களை செய்பவர்களாகவும் இருக்கிறார்கள்.</p><h2>ரசிகர்களை சந்தித்த கார்த்தி </h2><p>அந்த வகையில் கடந்த மே 25 ஆம் தேதி நடிகர் கார்த்தி தனது 48வது பிறந்தநாளை கொண்டாடினார். அவரது பிறந்தநாளை முன்னிட்டு தமிழகம் முழுக்க ரசிகர்கள் பல்வேறு அரசு மருத்துவமனையில் இரத்த தானம் செய்தார்கள். சென்னையில் உள்ள ரசிகர்கள் ராஜீவ் காந்தி அரசு மருத்துவமனையில் இரத்த தானம் செய்தார்கள். இவ்வாறு இரத்த தானம் செய்தவர்களில் 250 ரசிகர்களை நடிகர் கார்த்தி நேரில் சந்தித்தார்.</p><h2>புகைப்படம் எடுத்துக்கொண்ட கார்த்தி</h2><p>சென்னை தியாகராய நகரில் இரத்த தானம் செய்தவர்களுக்கு நடிகர் கார்த்தி சான்றிதழ் வழங்கி, விருந்தளித்தார். மேலும், இரத்த தானம் செய்ததற்கு நன்றி தெரிவித்த நடிகர் கார்த்தி, அவர்களுடன் புகைப்படமும் எடுத்துக் கொண்டார்.</p><p>அதன்பின் நடிகர் கார்த்தி பேசும் போது, " பிறந்த நாளில் உங்களை பார்க்க முடியாமல் போய்விட்டது. நான் ஊரில் இல்லை. ஆனால், இவ்வளவு பேர் இரத்தம் கொடுத்ததை நினைத்து சந்தோஷமாக இருந்தது. என் நண்பர் வைத்திருக்கும் வாட்ஸ்அப் க்ரூப்பில் இரத்தம் கிடைக்கவில்லை என்று சொல்லி கொண்டே இருப்பார்கள்.‌ </p><h2>மனதில் இருந்து நன்றி</h2><p>அதை கேட்கும் போது ஆச்சரியமாக இருக்கிறது. இன்றும் இரத்தம் கிடைப்பது பிரச்சினையாக இருக்கும் நிலையில், நீங்கள் அனைவரும் இரத்தம் கொடுத்து இருப்பது பல அம்மாக்கள், குழந்தைகள் மற்றும் அவர்களின் குடும்பத்தினரை சந்தோஷப்படுத்தி இருக்கிறது. </p><p>இதற்கு உங்கள் அனைவருக்கும் மனதில் இருந்து நன்றி தெரிவித்து கொள்கிறேன். இரத்த தானம் கிடைத்த பிறகு  ‘அவங்க உயிருக்கு பயம் இல்லை’ என்ற நிலை வரும் போது அவர்கள் முகத்தில் தெரியும் சிரிப்பு விலை மதிப்பற்றது.</p><p>உங்களை பார்க்கும் போது மறுபடியும் தோன்றுவது, உடன் பிறந்த அண்ணனோ, தம்பியோ இல்லை. ஆனால், நீங்கள் என் மீது காட்டும் அன்பிற்கு காலம் முழுக்க நன்றி சொன்னாலும் போதாது. காலத்திற்கும் உழைத்து கொண்டு இருக்க வேண்டும். நீங்கள் பெருமை கொள்ளும் அளவுக்கு விஷயங்களை செய்து கொண்டிருக்க வேண்டும் என‌ ஆண்டவனை வேண்டிக்கொள்கிறேன்.‌ இந்த அன்பு கிடைக்க நான் கொடுத்து வைத்திருக்க வேண்டும். உங்கள் ஒவ்வொருத்தருக்கும் Love You என்று தான் சொல்ல வேண்டும்.</p><p>மார்ஷல் படத்தின் படப்பிடிப்பு தொடங்க இருக்கிறது. மீண்டும் வேட்டி அணிந்து மீசை முறுக்கி நடிக்க இருக்கிறேன் " என்று பேசினார். </p>

உங்களை பார்க்கும் போது மறுபடியும் தோன்றுவது, உடன் பிறந்த அண்ணனோ, தம்பியோ இல்லை. ஆனால், நீங்கள் என் மீது காட்டும் அன்பிற்கு காலம் முழுக்க நன்றி சொன்னாலும் போதாது. காலத்திற்கும் உழைத்து கொண்டு இருக்க வேண்டும். - நடிகர் கார்த்தி பேச்சு!

துலாம், விருச்சிகம், தனுசு, மகரம், கும்பம், மீன ராசியினரே.. இன்று ஜூலை 19 உங்கள் ராசிக்கு சாதகமா? பாதகமா?

<p>வேத ஜோதிடத்தில் மொத்தம் 12 ராசிகள் விவரிக்கப்பட்டுள்ளன. ஒவ்வொரு ராசியும் ஒரு கிரகத்தால் ஆளப்படுகிறது. கிரகங்கள் மற்றும் நட்சத்திரங்களின் இயக்கத்தின் அடிப்படையில் ஜாதகம் கணக்கிடப்படுகிறது. ஜோதிட கணக்குப்படி, ஜூலை 19ஆம் தேதியான இன்று (சனிக்கிழமை) சில ராசிக்காரர்களுக்கு மிகவும் மங்களகரமானதாக இருக்கும், சில ராசிக்காரர்களுக்கு வாழ்க்கையில் சிறிய பிரச்னைகளை சந்திக்க வேண்டியிருக்கும்.</p><p>அந்தவகையில், துலாம், விருச்சிகம், தனுசு, மகரம், கும்பம், மீனம் ஆகிய 6 ராசிக்காரர்களுக்கு இன்று வேலை, தொழில், காதல், வருமானம், ஆரோக்கியம், கல்வி எப்படி இருக்கும் என்பதை பற்றி இங்கு தெரிந்து கொள்ளலாம்.</p><h2>துலாம்</h2><p>துலாம் ராசியினரே சிந்தனைகளில் தெளிவுகள் பிறக்கும். தோற்றப்பொலிவில் மாற்றம் ஏற்படும். சுப காரிய எண்ணங்கள் கைகூடும். பயணங்களால் அறிமுகங்கள் ஏற்படும். தவறிய சில வாய்ப்புகள் மீண்டும் கிடைக்கும். மனதிற்கு பிடித்த விஷயங்களை செய்து முடிப்பீர்கள். நண்பர்களின் ஒத்துழைப்பால் ஆதரவுகள் கிடைக்கும்.</p><h2>விருச்சிகம்</h2><p>விருச்சிக ராசியினரே வரவுகளில் இருந்து தாமதங்கள் விலகும். உறவினர்கள் ஆதரவாக செயல்படுவார்கள். அரசு காரியத்தில் அனுகூலம் ஏற்படும். வழக்குகளில் சாதகமான தீர்ப்புகள் கிடைக்கும். வியாபார பணிகளில் இருந்த தடைகள் விலகும். வித்தியாசமான செயல்களால் பலரின் கவனத்தை ஈர்ப்பீர்கள். உத்தியோகத்தில் சில புதிய வாய்ப்புகள் கிடைக்கும்.</p><h2>தனுசு</h2><p>தனுசு ராசியினரே புதிய முயற்சிகளில் சிந்தித்து செயல்படவும். உறவுகள் வழியில் இருந்த வேறுபாடுகள் விலகும். அக்கம் பக்கம் இருப்பவர்களின் ஆதரவுகள் கிடைக்கும். தடைப்பட்ட சில ஒப்பந்தங்கள் சாதகமாக அமையும். அலுவல் பணிகளில் கால தாமதம் ஏற்படும். இலக்கிய துறைகளில் தனிப்பட்ட ஆர்வம் ஏற்படும். உணவு விஷயங்களில் திருப்தி இன்மை ஏற்படும்.</p><h2>மகரம்</h2><p>மகர ராசியினரே தொழில்நுட்ப கருவிகளால் விரயங்கள் ஏற்படும். நீண்ட நாள் முதலீடு விஷயங்களில் ஆலோசனை வேண்டும். மனை விற்பனையில் தாமதம் ஏற்படும். விருப்பமான பொருட்களை வாங்கிய மகிழ்வீர்கள். சமூகப் பணிகளில் இருப்பவர்களுக்கு முன்னேற்றம் ஏற்படும். அக்கம் பக்கம் இருப்பவர்களிடம் விட்டுக் கொடுத்து செல்லவும்.</p><h2>கும்பம்</h2><p>கும்ப ராசியினரே மனதளவில் புதிய பொலிவுடன் செயல்படுவீர்கள். பிரச்சனைகளுக்கு தீர்வுகள் கிடைக்கும். அரசு துறைகளில் இருப்பவர்களுக்கு ஆதாயம் உண்டாகும். எதிராக இருந்தவர்கள் விலகி செல்வார்கள். பயணங்களால் நன்மை ஏற்படும். தனிப்பட்ட தேவைகள் நிறைவேறும். வியாபார ரீதியான பெரிய மனிதர்களின் அறிமுகங்கள் கிடைக்கும்.</p><h2>மீனம்</h2><p>மீன ராசியினரே குடும்பத்தின் தேவைகளை நிறைவேற்றுவீர்கள். கனிவான பேச்சுக்கள் நம்பிக்கையை மேம்படுத்தும். விலகி இருந்த உறவினர்கள் விரும்பி வருவார்கள். எதிர்பாராத சில செலவுகளால் நெருக்கடிகள் உண்டாகும். தன வரவுகளில் ஏற்ற இறக்கம் உண்டாகும். வியாபாரத்தில் இருந்த மந்த நிலை விலகும். உத்தியோகத்தில் புதிய வாய்ப்புகள் கிடைக்கும்.</p><h2>பொறுப்பு துறப்பு</h2><p>இந்தக் கட்டுரையில் உள்ள எந்தவொரு தகவல்/பொருள்/கணக்கீட்டின் துல்லியம் அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்கள் / ஜோதிடர்கள் / பஞ்சாங்கங்கள் / சொற்பொழிவுகள் / நம்பிக்கைகள் / வேதங்களில் இருந்து சேகரித்து உங்களுக்குத் தெரிவிக்கப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.</p>

ஜோதிட கணக்கீடுகளின்படி, ஜூலை 19 ஆம் தேதியான இன்று துலாம் முதல் மீனம் வரை எந்தெந்த ராசிக்காரர்களுக்கு என்னென்ன பலன்கள் கிடைக்கும், யாரெல்லாம் முன்னெச்சரிக்கையாக இருக்க வேண்டும் என்பது பற்றி தெரிந்து கொள்வோம்.

மேஷம், ரிஷபம், மிதுனம், கடகம், சிம்மம், கன்னி ராசியினரே.. இன்று ஜூலை 19 ஏற்றம், மாற்றம் யாருக்கு ? - ராசிபலன் இதோ!

<p>வேத ஜோதிடத்தில் மொத்தம் 12 ராசிகள் விவரிக்கப்பட்டுள்ளன. ஒவ்வொரு ராசியும் ஒரு கிரகத்தால் ஆளப்படுகிறது. கிரகங்கள் மற்றும் நட்சத்திரங்களின் இயக்கத்தின் அடிப்படையில் ஜாதகம் கணக்கிடப்படுகிறது. ஜோதிட கணக்குப்படி, ஜூலை 19 ஆம் தேதியான இன்று (சனிக்கிழமை) சில ராசிக்காரர்களுக்கு மிகவும் மங்களகரமானதாக இருக்கும், சில ராசிக்காரர்களுக்கு வாழ்க்கையில் சிறிய சிரமங்களை சந்திக்க வேண்டியிருக்கும்.</p><p>அந்தவகையில், மேஷம், ரிஷபம், மிதுனம், கடகம், சிம்மம், கன்னி ஆகிய 6 ராசிக்காரர்களுக்கு இன்று வேலை, தொழில், காதல், வருமானம், ஆரோக்கியம், கல்வி எப்படி இருக்கும் என்பதை பற்றி இங்கு தெரிந்து கொள்ளலாம்.</p><h2>மேஷம்</h2><p>மேஷ ராசியினரே குடும்பத்தில் சிறு சிறு விவாதங்கள் தோன்றி மறையும். எதிலும் தாழ்வு மனப்பான்மை இன்றி செயல்படவும். வேலையாட்களிடம் அனுசரித்து நடந்து கொள்ளவும். தற்பெருமையான பேச்சுக்களை குறைத்துக் கொள்ளவும். உயர் அதிகாரிகள் இடத்தில் பொறுமை காக்கவும்.</p><h2>ரிஷபம்</h2><p>ரிஷப ராசியினரே வெளியூர் பயணங்கள் சாதகமாக முடியும். உடலில் ஒரு விதமான அசதிகள் ஏற்பட்டு நீங்கும். கடன் பிரச்சனைகள் குறையும். மறைமுகமான எதிர்ப்புகள் ஏற்பட்டு நீங்கும். அலுவலகப் பணிகளில் விவேகத்துடன் செயல்படவும். வெளி உணவுகளை குறைத்துக் கொள்ளவும். வேலையாட்களால் புதிய அனுபவங்கள் ஏற்படும்.</p><h2>மிதுனம்</h2><p>மிதுன ராசியினரே மனதளவில் புதுவிதமான சிந்தனைகள் பிறக்கும். தேவைகளை நிறைவேற்றிக் கொள்வதற்கான வாய்ப்புகள் அமையும். மனதிற்கு பிடித்த விதத்தில் சிலரின் அறிமுகங்கள் அமையும். உறவுகள் இடத்தில் பொறுமை வேண்டும். அதிகாரிகள் இடத்தில் மதிப்புகள் உயரும். வியாபாரத்தில் லாபகரமான சூழல்கள் அமையும்.</p><h2>கடகம்</h2><p>கடக ராசியினரே மனதளவில் எதையும் சமாளிக்கும் பக்குவம் ஏற்படும். குழந்தைகளிடத்தில் அனுசரித்து செல்லவும். நெருக்கமானவர்களின் தேவைகளை நிறைவேற்றுவீர்கள். உயர் அதிகாரிகளின் அறிமுகம் ஏற்படும். சக ஊழியர்களின் எண்ணங்களை புரிந்து கொள்வீர்கள். முயற்சிகள் இருந்த மறைமுக தடைகளை அறிவீர்கள்.</p><h2>சிம்மம்</h2><p>சிம்ம ராசியினரே பயணங்களால் ஏற்பட்ட சோர்வுகள் விலகும். எதிர்பாராத சில வரவுகள் ஏற்படும். குடும்பத்தில் ஒத்துழைப்புகள் உண்டாகும். விட்டுக் கொடுத்து செயல்படுவதன் மூலம் மதிப்புகள் உயரும். சுப நிகழ்ச்சிகளில் கலந்து கொண்டு மனம் மகிழ்வீர்கள். வியாபாரத்தில் புதிய அனுபவம் ஏற்படும். பணி நிமித்தமான சில ஆலோசனைகள் கிடைக்கும். தர்ம காரியங்களில் ஒரு வித ஈர்ப்பு ஏற்படும்.</p><h2>கன்னி</h2><p>கன்னி ராசியினரே பணிபுரியும் இடத்தில் எதிர்பாராத மாற்றங்கள் உண்டாகும். உடன் பிறத்தவர்களிடம் அனுசரித்து செல்லவும். புதிய முயற்சிகளில் ஆலோசனை பெறவும். நண்பர்களிடத்தில் விட்டுக் கொடுத்து செல்லவும். வழக்கு சார்ந்த விஷயங்களில் விவேகம் வேண்டும். அரசு தொடர்பான செயல்களில் சிறு சிறு தடைகள் ஏற்பட்டு நீங்கும். பொறுமை வேண்டிய நாள்.</p><h2>பொறுப்பு துறப்பு</h2><p>இந்தக் கட்டுரையில் உள்ள எந்தவொரு தகவல்/பொருள்/கணக்கீட்டின் துல்லியம் அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்கள் / ஜோதிடர்கள் / பஞ்சாங்கங்கள் / சொற்பொழிவுகள் / நம்பிக்கைகள் / வேதங்களில் இருந்து சேகரித்து உங்களுக்குத் தெரிவிக்கப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.</p>

ஜோதிட கணக்கீடுகளின்படி, ஜூலை 19 ஆம் தேதியான இன்று மேஷம் முதல் கன்னி வரை எந்தெந்த ராசிக்காரர்களுக்கு என்னென்ன பலன்கள் கிடைக்கும், யாரெல்லாம் முன்னெச்சரிக்கையாக இருக்க வேண்டும் என்பது பற்றி தெரிந்து கொள்வோம்.

‘திமுகவுக்கு அடிமை சாசனம் எழுதிக் கொடுத்த கம்யூனிஸ்ட்’ நன்னிலத்தில் எடப்பாடி ‘அட்டாக்’ பேச்சு!

<p>‘மக்களைக் காப்போம், தமிழகத்தை மீட்போம்’ எழுச்சிப்பயணம் மேற்கொள்ளும் அதிமுக பொதுச்செயலாளரும், சட்டமன்ற எதிர்க்கட்சித் தலைவருமான எடப்பாடி பழனிசாமின இன்று திருவாரூர் மாவட்டத்தில் நன்னிலம், திருவாரூர் மற்றும் கீழ்வேளூர் சட்டமன்றத் தொகுதிகளில் மக்களை சந்தித்து வருகிறார். மயிலாடுதுறை - திருவாரூர் சாலையில் கொல்லுமாங்குடி என்ற இடத்தில் ரோடு ஷோ நடத்திய இபிஎஸ், நன்னிலம் பேருந்து நிலையத்திற்கு வந்து சேர்ந்தார். அங்கு முன்னாள் அமைச்சர் காமராஜுடன் மாட்டு வண்டி ஓட்டிச்சென்ற இபிஎஸ் அதன் பிறகு மக்களிடம் உரை நிகழ்த்தினார். </p><p>“இந்த எழுச்சி பயணத்தில் எழுச்சியுடன் திகழும் மக்களைப் பார்க்கையில் நன்னிலம் சட்டமன்றத் தொகுதியில் வெற்றி பெறுவது உறுதியாகத் தெரிகிறது. தேர்தல் வெற்றி விழாவை போன்று கூட்டம் உள்ளது.</p><p>இந்த மாவட்டம் செழிப்பான விவசாய மாவட்டம் இந்த மண் புனிதமான மண். இரவு, பகல், வெயில், மழையில் உழைத்து உணவு உற்பத்தி செய்கிறார்கள். எது வேண்டுமானாலும் இல்லாமல் இருக்கலாம் உணவில்லாமல் இருக்க முடியாது. அதனை உருவாக்கும் விவசாயிகள் இந்த மாவடத்தில் வாழ்வதும் அங்கு நான் இருப்பதும் பெருமையாக உள்ளது.</p><h2>திமுகவில் குறைந்த உறுப்பினர் சேர்க்கை</h2><p>ஸ்டாலின் 200 தொகுதிகள் வெற்றி பெறும் என்று கனவு காண்கிறார். நன்னிலம் எழுச்சிக்குரல் ஸ்டாலின் செவிகளில் விழுகிறபோது அதிமுக 210 வெல்லும் என்பது உறுதியாகிறது. உதயநிதியிடம் இதை பற்றி பேட்டி கேட்டார்கள். அவரால் பதில் பேச முடியவில்லை. பொய்களை மூட்டை மூட்டையாக அவிழ்த்துவிடுகிறார்கள். திமுகவில் உறுப்பினர்கள் குறைந்துவிட்டனர். அதனால் ’ஓரணியில் தமிழ்நாடு’ என்று மக்களை சந்திக்கிறார்கள். ஏமாந்து விடாதீர்கள். திமுக பரிதாபமான நிலைக்கு வந்துவிட்டது. ஸ்டாலின், உதயநிதி இரண்டு பேரும் பொறுப்பேற்றதில் இருந்து திமுக வழுவிழந்துவிட்டது.</p><p>உங்களுடன் ஸ்டாலின், 46 திட்டங்களை 45 நாட்களில் தீர்த்துவைப்பேன் என்று சொல்கிறார். சிதம்பரத்தில் இரண்டு நாட்களுக்கு முன்பு தொடக்கிவைத்தார். நான்காண்டுகள் என்ன செய்தீர்கள்? அப்படியென்றால் இன்னமும் மக்களிடம் நிறைய பிரச்னைகள் இருப்பதை ஒப்புக்கொள்கிறாரா ஸ்டாலின்? இத்தனை பிரச்னை இருக்கிறது என்றால் அது சிறப்பான ஆட்சியா? மோசமான ஆட்சி.</p><p>எதிர்க்கட்சியாக இருந்தபோது இப்படித்தான் புகார் பெட்டி என்று திட்டத்தை ஊர் ஊராக கொண்டு சென்றார். மனுக்களை பெட்டிக்குள் போடச்சொல்லி, ஆட்சிக்கு வந்ததும் குறைகள் நிவர்த்தி செய்யப்படும் என்றார். அப்புறம் எதுக்கு இது? மக்கள் நான்கு வருடங்களுக்கு முன்னாடியே பிரச்னைகளை சொல்லிட்டாங்களே, ஏன் தீர்வு காணவில்லை? மக்களை எப்படி எல்லாம் ஏமாற்றுகிறார்கள் பாருங்கள். சதுரங்க வேட்டை படம் போல ஆசையைத் தூண்டி மக்களை ஏமாற்றுகிறார். ஒருமுறை ஏமாந்துட்டீங்க, இன்னொருமுறை ஏமாறாதீங்க.</p><h2>இந்த பூமியை இனி யாரும் தொட முடியாது</h2><p>ஸ்டாலின் துணை முதல்வராக இருந்தபோதுதான் மீத்தேன் புரிந்துணர்வு ஒப்பந்தம் போட்டாங்க. உங்க நிலத்தை பறிக்கவும் புடுங்கவும் திட்டம் போட்டவர் ஸ்டாலின். அதே நேரத்தில் நிலத்தை பாதுகாத்து, இப்பகுதியை பாதுகாக்கப்பட்ட வேளாண் மண்டலமாக அறிவித்தேன். இனி எத்தனை ஆண்டுகளானாலும் எந்தக் கொம்பனாலும் உங்க பூமியை எந்தத் திட்டத்துக்கும் தொடக்கூட முடியாது. விவசாயிகள் வயிற்றில் பால் வார்த்தது அதிமுக அரசு. உங்கள் பூமியைக் காத்த அதிமுக கட்சிக்கு துணை நிற்க வேண்டும். நானும் விவசாயி, உங்களோடு துணை நிற்பேன். உடுக்கை இழந்தவன் கைபோல இடுக்கண் களைவதாம் நட்பு அதுபோல விவசாயிகள் பாதிப்பின் போது அதிமுக துணை நின்றது.</p><p>இரண்டு ஆண்டுகளுக்கு முன்பு ஸ்டாலின் இங்கு வந்து வீர வசனம் பேசினார், நானும் டெல்டாகாரன் என்றார். மேட்டூர் தண்ணீர் திறந்தார். ஆனால், பயிர்க் காப்பீடு திட்டத்தில் விவசாயிகளை சேர்க்கவில்லை. அதற்கான இழப்பீடு கொடுக்கவில்லை. ஆனால் அதிமுக அரசில் தான் 12000 கோடி ரூபாய் பயிர்க்காப்பீடு திட்டம் மூலம் இழப்பீடு பெற்றுக்கொடுத்தோம். 50 ஆண்டுகாலம் காவிரி நீர் பிரச்னையை உச்சநீதிமன்றம் மூலம் நல்ல தீர்ப்பு பெற்றுக்கொடுத்தோம்.</p><h2>ஜால்ரா போடும் கம்யூனிஸ்ட் கட்சி</h2><p>இங்கு பருத்தி அதிகமா விலைகிறது. ஆனால், நியாயமான விலை கிடைக்கலை இங்க வியாபாரிகள் சிண்டிகேட் போட்டுள்ளனர். அதற்காக ஆர்ப்பாட்டம் நடத்தினோம். இன்று ஐ.ஏ.எஸ் அதிகாரிகள் எல்லாம் வந்து பேசி, பருத்தி விலை நியாயமான விலை கிடைக்கிறது என்கிறார்கள். அதுக்கு இங்குள்ள கம்யூனிஸ்ட் கட்சி ஜால்ரா போடுது. கம்யூனிஸ்ட் கட்சி அடிமை சாசனம் எழுதிக் கொடுத்துவிட்டது. என்றைக்கு கைநீட்டி திமுகவிடம் பணம் வாங்குனீங்களோ அன்றே உங்க கட்சிக்கு செல்வாக்கு போச்சு. பணத்தை வாங்கியதற்காக மெளனம் சாதிக்கிறீங்க. பஞ்சு விலைக்கு அதிமுக போராட்டம் நடத்தியது, கடைக்கோடிக்கு தண்ணீர் வரலைன்னு நீங்க போராட்டம் நடத்தலை, நடத்தினால் திமுக சீட் குறைத்துவிடும் என்று அச்சப்படுகிறார்கள். குறை சொல்ல வேண்டும் என்பதல்ல, கம்யூனிஸ்ட் தேய்ந்துகொண்டிருக்கிறது அதுதான் வேதனை அளிக்கிறது. அவர்கள் உண்மையான மக்கள் பிரச்னைக்கு குரல் கொடுக்க வேண்டும்’’ என்று எடப்பாடி பழனிசாமி அப்போது வேண்டுகோள் வைத்தார்.</p>

‘எதிர்க்கட்சியாக இருந்தபோது புகார் பெட்டி என்று திட்டத்தை ஊர் ஊராக கொண்டு சென்றார். மனுக்களை பெட்டிக்குள் போடச்சொல்லி, ஆட்சிக்கு வந்ததும் குறைகள் நிவர்த்தி செய்யப்படும் என்றார். அப்புறம் எதுக்கு இது? மக்கள் நான்கு வருடங்களுக்கு முன்னாடியே பிரச்னைகளை சொல்லிட்டாங்களே, ஏன் தீர்வு காணவில்லை?’

திமுகவின் மக்களவை - மாநிலங்களவை உறுப்பினர்கள் கூட்டம்.. பல தீர்மானங்கள் நிறைவேற்றம்! முழு விவரம்

<p>தமிழ்நாடு முதலமைச்சர், திமுக கழக தலைவர் மு.க.ஸ்டாலின் தலைமையில், வெள்ளிக்கிழமை (ஜூலை 18) காலை சென்னை, அண்ணா அறிவாலயம், கழக அலுவலகத்தில் உள்ள முரசொலி மாறன் கூட்ட அரங்கத்தில் திமுக மக்களவை - மாநிலங்களவை உறுப்பினர்கள் கூட்டம் நடைபெற்றது. இந்தக் கூட்டத்தில் பல்வேறு தீர்மானங்கள் நிறைவேற்றப்பட்டன. அதன் விவரங்கள் பின்வருமாறு:</p><p>கடந்த 11 ஆண்டுகளாகத் தமிழ்நாட்டை வஞ்சித்து வரும் ஒன்றிய பாஜக அரசின் வஞ்சகத்தை நாடாளுமன்றத்தில் எடுத்துரைத்து, தமிழ்நாட்டுக்கான கல்வி - நிதி உள்ளிட்ட உரிமைகளை நிலைநாட்டுவோம்</p><p>ஜனநாயக உரிமைகளுக்காகவும், மாநிலங்களின் உரிமைகளுக்காகவும், என்றென்றும் வலுவான குரலை எழுப்பி வரும் திராவிட முன்னேற்ற கழகம், தேசிய அரசியலில் மிக முக்கியமான பேரியக்கமாக திகழ்கிறது. ஒவ்வொரு முறை நாடாளுமன்ற கூட்டத்தின் போதும், தமிழ்நாட்டு மக்களின் ஒருமித்த குரலாக திமுக குரல் இருக்கிறது. கழகத்தின் தலைவரின் ஜனநாயக உரிமை முழக்கம், கழக நாடாளுமன்ற உறுப்பினர்களின் குரலாக எதிரொலிக்கிறது. அந்தக் குரலைத்தான் நாடும் நாட்டிலுள்ள அனைத்துக் கட்சி எம்பிக்களும் நாடாளுமன்ற கூட்ட தொடர்களின்போது எதிர்பார்க்கிறார்கள். அதனை வழிமொழிகிறார்கள்.</p><p><strong>மேலும் படிக்க: </strong><a href="https://tamil.hindustantimes.com/videos/chief-minister-mk-stalin-speech-at-the-partys-general-council-meeting-in-madurai-131748782236393.html" target="_blank">அமித்ஷா அடிக்கடி தமிழகம் வருகை தர காரணம் என்ன? மதுரையில் நடந்த திமுக பொதுக்குழுவில் மு.க. ஸ்டாலின் பேச்சு</a></p><h2>நாடளுமன்றத்தில் எடுத்துரைக்க வேண்டும்</h2><p>தமிழ்நாட்டின் பிரச்னைகளை மட்டுமின்றி, நாட்டின் மிக முக்கிய பிரச்னைகளை நாடாளுமன்றத்தில் எழுப்பி, நாட்டு மக்களின் கவனத்தை ஈர்க்கும் ஜனநாயகப் பேரியக்கமாக விளங்கும் திராவிட முன்னேற்ற கழகத்தின் சார்பில், எதிர்வரும் நாடாளுமன்ற மழைக்காலக் கூட்டத்தொடரில், பிரதமர் நரேந்திர மோடி மற்றும் அனைத்து மாநில முதலமைச்சர்களிடையே திராவிட முன்னேற்றக் கழகத் தலைவரான முதலமைச்சர் அவர்கள் கடந்த மே 25, 2025 அன்று டெல்லியில் நடைபெற்ற நிதி ஆயோக் கூட்டத்தில் வலியுறுத்திய "காவிரி, வைகை, தாமிரபரணி ஆறுகளைச் சுத்தம் செய்து மீட்கும் புதிய திட்டம்", "ஒன்றிய அரசின் திட்டங்களுக்கு, அனைவருக்கும் தொடர்பு மொழியாக இருக்கும் ஆங்கிலப் பெயர்களை சூட்டுதல்", "மும்மொழிக் கொள்கையைத் திணித்து, பின்னர் மகாராஷ்டிரா மக்களின் எதிர்ப்புக்குப் பணிந்து பின்வாங்கினாலும், அது பாஜக ஆளும் மாநிலம் என்பதால் S.S.A. நிதியை அளித்து, தமிழ்நாட்டுக்கு S.S.A. நிதியை மாற்றாந்தாய் மனப்பான்மையுடன் மறுப்பது", "ஒன்றிய வரி வருவாயில் மாநிலங்களுக்கு 50 விழுக்காடு வரிப் பகிர்வு", "15வது நிதிக்குழுவின் பரிந்துரைப்படி தர வேண்டிய 41 விழுக்காடு வரி வருவாய் பங்குக்கு பதிலாக 33.16 விழுக்காடு பங்கு மட்டுமே அளித்து மாநிலங்களுக்கு இழைக்கப்படும் நிதி அநீதி", "ஒன்றிய அரசும் - மாநில அரசும் இணைந்து நிறைவேற்றும் திட்டங்களுக்கு மாநில அரசின் பங்கு தொடர்ந்து உயர்ந்து வருவதால் ஏற்பட்டு வரும் நிதி நெருக்கடி" ஆகியவற்றை நாடாளுமன்றத்தில் அழுத்தமாக எடுத்துரைக்க வேண்டும்.</p><h2>தமிழ்நாட்டுக்கான திட்டங்கள்</h2><p>தமிழர்களின் தனித்துவமிக்க பண்பாட்டை அறிவியல்பூர்வமாக நிரூபித்த இரும்பின் தொன்மை குறித்து ஒன்றிய அரசு மெளனம் காப்பது, கீழடி ஆய்வறிக்கையை ஏற்க மறுப்பது, தமிழ்நாட்டுக்குரிய ரயில் திட்டங்களுக்கு நிதியளிக்காமல் வஞ்சிப்பது, உழைக்கும் கிராமப்புற மக்களுக்கான மகாத்மா காந்தி தேசிய ஊரக வேலை உறுதித்திட்ட நிதியை முறையாக வழங்காமல் தாமதிப்பது, மாநிலத்தின் நிதி தன்னாட்சிக்கு ஆபத்து விளைவிக்கும் வகையில் தமிழ்நாட்டுக்கான நிதியுரிமையைப் பறிப்பது என தமிழ்நாடு தொடர்ச்சியாக வஞ்சிக்கப்படுவதை கண்டித்து, நமக்கான உரிமைக்குரலை ஓங்கி ஒலிக்க வேண்டும்.</p><p><strong>மேலும் படிக்க: </strong><a href="https://tamil.hindustantimes.com/nation-and-world/banking-laws-amendment-bill-cleared-in-rajya-sabha-through-voice-vote-on-wednesday-131743048511239.html" target="_blank">நாடாளுமன்றத்தில் நிறைவேற்றப்பட்ட வங்கி திருத்தச் சட்டங்கள் மசோதா! புதிய நடைமுறைகள் என்ன? விபரம் இதோ</a></p><h2>கல்வியை மாநில பட்டியலுக்கு கொண்டு வருவது</h2><p>ஜம்மு-காஷ்மீருக்கு மாநில தகுதி கொடுக்காமல் தட்டிக்கழிப்பது, வாக்காளர் சீர்திருத்தம் என்ற பெயரில் பீகார் வாக்காளர் பட்டியல் திருத்தத்தில் கோடிக்கணக்கானவர்களின் வாக்குரிமையைப் பறித்து ஜனநாயகத்தின் ஆணிவேரில் வெந்நீரை ஊற்றும் நோக்கில் தன்னாட்சிப் பெற்ற தேர்தல் ஆணையத்தைப் பயன்படுத்துவது, தமிழ்நாடு மீனவர்கள் இலங்கை அரசால் தொடர்ந்து கைது செய்யப்படுவது, கச்சத்தீவு மீட்பு, கல்வியை மாநிலப் பட்டியலுக்குக் கொண்டு வருவது, திருக்குறளைத் தேசிய நூலாக அறிவிப்பது, தமிழ் உள்ளிட்ட அந்தந்த மாநிலங்களின் தாய்மொழிகளைப் புறக்கணித்து இந்தியையும் சமஸ்கிருதத்தையும் திணிப்பது, ஏழை - எளிய மக்களைப் பாதிக்கும் ரயில் கட்டண உயர்வு உள்ளிட்ட பிரச்னைகளையும் திராவிட முன்னேற்றக் கழகத்தின் சார்பில் நாடாளுமன்றத்தில் எழுப்பிட வேண்டும்</p><p><strong>மேலும் படிக்க: </strong><a href="https://tamil.hindustantimes.com/tamilnadu/mk-stalin-interaction-with-disctrict-executives-through-video-conferencing-131752731087395.html" target="_blank">பாஜக, அதிமுக தமிழ்நாட்டுக்கு இழைத்துக்கு அநீதிகளை ஒவ்வொரு குடும்பத்துக்கும் எடுத்து சொல்லுங்கள்.. மு.க. ஸ்டாலின்</a></p><p>தமிழ்நாட்டின் நிதியுரிமை, மொழியுரிமை, கல்வியுரிமை ஆகியவற்றுடன் இந்தியாவின் கூட்டாட்சி உரிமை உள்ளிட்ட அனைத்துக்காகவும் வருகின்ற மழைக்காலக் கூட்டத் தொடரில் திராவிட முன்னேற்றக் கழக எம்பிக்கள் உரக்க குரலை எழுப்பிட வேண்டும். கடந்த 11 ஆண்டுகளாக தமிழ்நாட்டை வஞ்சித்து, தமிழர்களுக்கு எதிரான பண்பாட்டு ஊடுருவலை நிகழ்த்தும் ஒன்றிய பாஜக அரசுக்கு எதிரான தமிழ்நாட்டு மக்களின் உணர்வுகளை கழக தலைவர் முதலமைச்சர் வழிகாட்டுதலின்படி, நாடாளுமன்ற இரு அவைகளிலும் கழக உறுப்பினர்கள் உறுதியாகவும் ஒருங்கிணைந்தும் வெளிப்படுத்துவார்கள். மேற்கூறப்பட்ட அனைத்து விஷயங்களை இந்த கூட்டத்தில் தீர்மானிக்கப்பட்டது.</p>

<ul><li>திமுக சார்பில் மக்களவை - மாநிலங்களவை உறுப்பினர்கள் கூட்டம் கட்சி தலைவர் மு.க. ஸ்டாலின் தலைமையில், சென்னை அண்ணா அறிவாலயத்தில் நடைபெற்றது. இந்தக் கூட்டத்தில் எதிர்வரும் நாடாளுமன்ற மழைக்கால கூட்டத்தொடரில் வலியுறுத்தப்பட வேண்டிய தீர்மானங்கள் நிறைவேற்றப்பட்டன.</li></ul>