Afghanistan: பாகிஸ்தானை முதல் முறையாக வீழ்த்திய ஆப்கானிஸ்தான்! வான வேடிக்கையுடன் வீதிகளில் பொதுமக்கள் கொண்டாட்டம்

• உலகக் கோப்பை 2023 கிரிக்கெட் போட்டியில் முதல் முறையாக பாகிஸ்தான் அணியை வீழ்த்திய ஆப்கானிஸ்தான் அணி வரலாற்று வெற்றி பெற்றது. சென்னையில் நடைபெற்ற போட்டியில் ஆப்கானிஸ்தான் அணி 283 ரன்கள் இலக்கை சேஸ் செய்து 8 விக்கெட் வித்தியாசத்தில் பாகிஸ்தானை வீழ்த்தி வெற்றி பெற்றது. ஆப்கானிஸ்தான் அணியை பொறுத்தவரை மிகப் பெரிய வெற்றியாக அமைந்திருக்கும் நிலையில் அங்குள்ள மக்கள் அனைவரும் வீதிகளில் வெற்றி கொண்டாட்டத்தில் ஈடுபட்டனர். பட்டாசுகள் வெடித்து, வானவேடிக்கை நிகழ்த்தப்பட்டு இந்த கொண்டாட்டமானது ஆப்கானிஸ்தான் தலைநகர் காபூல் உள்பட பல்வேறு பகுதிகளில் நிகழ்ந்தது. பாகிஸ்தானை வீழ்த்திய மகிழ்ச்சியில் ஆப்கானிஸ்தான் அணி வீரர்களும் பார்டி மோடுக்கு சென்றனர். டிரெஸிங் ரூமிலும், பேருந்தின் உள்ளேயும் நடனமாடி தங்களது கொண்டாட்டத்தை வெளிப்படுத்தினர். பாகிஸ்தானுக்கு எதிராக விளையாடி 8 போட்டிகளில் ஆப்கானிஸ்தான் அணி முதல் முறையாக அந்த அணியை வீழ்த்தியுள்ளது.