Dindigul: விமரிசையாக நடைபெற்ற திண்டுக்கல் ஸ்ரீ ஜடாமுனிஸ்வரர் நாகம்மாள் கோயில் கும்பாபிஷேகம்

• திண்டுக்கல் மாவட்டம், சாணார்பட்டி அருகே கோம்பைப்பட்டி கிராமம் அய்யா பட்டியில் அமைந்துள்ள ஸ்ரீ ஜடாமுனிஸ்வரர், நாகம்மாள் கோயில் மகா கும்பாபிஷேகம் வெகு விமர்சையாக நடைபெற்றது. முன்னதாக, கோயில் பூசாரி முத்துசாமி மற்றும் ஜெயகிருஷ்ணன் தலைமையில் 15 ஆம் தேதி கணபதி ஹோமத்துடன் மூன்று கால யாக பூஜையானது நடைபெற்ற நிலையில், இன்று சிவாச்சாரியார்கள் வேத மந்திரங்கள் முழங்க மூலிகை யாகம் வளர்க்கப்பட்டு பூர்ணாகுதி மற்றும் தீபாராதனை காண்பிக்கப்பட்டு தீர்த்த குடங்கள் கலசம் நோக்கி புறப்பட்டது.பின்னர் கருட தரிசனம் முடிந்து மகா கும்பாபிஷேகமானது வெகு விமர்சையாக நடைபெற்றது. இதில் நத்தம், சாணார்பட்டி, கோபால்பட்டி, அதிகாரிப்பட்டி, அஞ்சுகுளிபட்டி உள்ளிட்ட பல்வேறு பகுதிகளிலிருந்து ஆயிரக்கணக்கான பக்தர்கள் கலந்து கொண்டு சாமி தரிசனம் செய்தனர். இதற்கிடையில், சிலை பிரதிஷ்டை செய்த மறு நொடியே கருவறைக்குள் நல்ல பாம்பு புகுந்து அனைவரையும் ஆச்சரியத்தில் ஆழ்த்தியது.