Delhi Fire Accident: டெல்லியில் பயிற்சி மையத்தில் தீ விபத்து - இரண்டாவது மாடியில் இருந்து கயிறு கட்டி தப்பித்த மாணவர்கள்

• டெல்லி முகர்ஜி நகர் பகுதியில் அமைந்திருக்கும் பயிற்சி மையம் ஒன்றில் திடீர் தீ விபத்து ஏற்பட்ட நிலையில் அங்கிருந்த மாணவர்கள் உயிரை காப்பாற்றி கொள்ள இரண்டாவது மாடியில் இருந்து கயிற்றை பிடித்து கொண்டு கீழே இறங்கிய சம்பவம் நிகழ்ந்துள்ளது. இந்த தீ விபத்தில் உயிர் சேதம் எதுவும் ஏற்படவில்லை. ஆனால் மாணவர்கள் சிலருக்கு காயம் ஏற்பட்ட நிலையில் சிகிச்சைக்காக மருத்துவமனை அனுமதிக்கப்பட்டுள்ளனர். நண்பகல் 12.30 மணியளவில் பயிற்சி மையத்தில் தீ விபத்து ஏற்பட்டுள்ளது. இதுபற்றி தகவல் தெரிவிக்கப்பட்ட நிலையில் தீயணைப்பு வீரர்கள் உடனடியாக அங்கு வந்த தீயை அணைக்கும் முயற்சியில் ஈடுபட்டனர். அத்துடன் இரண்டாவது மாடியில் இருந்த பயிற்சி மையத்தின் உள்ளே சிக்கி கொண்டிருந்த மாணவர்களை ஜன்னல் வழியே கயிறு உதவியுடன் தீயணைப்பு வீரர்கள் பத்திரமாக மீட்டனர். தீ விபத்து ஏற்பட்டதற்கான காரணம் இன்னும் கண்டறியப்படவில்லை. மாணவர்கள் மாடியிலிருந்த கயிறு மூலம் தப்பிக்கும் அதிரவைக்கும் விடியோ வெளியாகியுள்ளது.