Name: Courtalam Falls: குற்றாலம் அருவிகளில் வெள்ளப்பெருக்கு - சுற்றுலா பயணிகள் குளிக்க தடை
Uploaded: 2024-06-25T17:41:01+05:30
Channel: Tamil Hindustan Times

Courtalam Falls: குற்றாலம் அருவிகளில் வெள்ளப்பெருக்கு - சுற்றுலா பயணிகள் குளிக்க தடை

video

<ul><li>தென்காசி மாவட்டத்தின் பல்வேறு பகுதிகளில் பரவலாக மழை பெய்து வருகிறது. மேற்கு தொடர்ச்சி மலைப்பகுதிகளிலும் கனமழை பெய்ததால் குற்றாலம் மெயின் அருவியில் திடீர் வெள்ளப்பெருக்கு ஏற்பட்டது. இதன் காரணமாக குளித்துக்கொண்டிருந்த சுற்றுலா பயணிகளை காவல்துறையினர் அபாய ஒலி எழுப்பி வெளியேற்றினர். மேலும், ஐந்தருவி, பழைய குற்றாலம் உள்ளிட்ட அருவிகளிலும் வெள்ளப்பெருக்கு காரணமாக சுற்றுலா பயணிகள் குளிப்பதற்கு தடை விதிக்கப்பட்டுள்ளது. இதனால் குற்றால சீசனை அனுபவிக்க வந்த சுற்றுலாப் பயணிகள் ஏமாற்றுத்துடன் திரும்புகின்றனர்.</li></ul>

துணை வேந்தர்கள் மாநாடு: ‘தமிழ்நாடு அரசுடன் அதிகார மோதல் இல்லை’ ராஜ்பவன் விளக்கம்!

paragraph

<p>துணை வேந்தர்கள் மாநாடு குறித்து ஆளுநர் மாளிகைக்கும் மாநில அரசுக்கும் இடையே அதிகாரப்போட்டி நடப்பது போல் சில ஊடகங்கள் சித்தரிப்பதாகவும், அவை உண்மைக்கு புறம்பானவை என்றும் ஆளுநர் மாளிகை மறுப்பு தெரிவித்து உள்ளது.</p><h2>ஊடக செய்திகளுக்கு மறுப்பு</h2><p>இது தொடர்பாக ஆளுநர் மாளிகை வெளியிட்டுள்ள செய்திக்குறிப்பில், நமது மாநிலத்தில் உள்ள மத்திய, மாநில மற்றும் தனியார் பல்கலைக்கழகங்கள் உள்ளிட்ட உயர்கல்வி நிறுவனங்களின் தலைவர்களின் வருடாந்திர மாநாடு குறித்து, ராஜ்பவனுக்கும், மாநில அரசுக்கும் இடையேயான அதிகாரப் போட்டி போல, சில தவறான ஊடகச் செய்திகள் சமீப நாட்களாக வெளிவந்து கொண்டிருக்கின்றன. இந்த அறிக்கைகள் முற்றிலும் தவறானவை மற்றும் குறும்புத்தனமானவை.</p><h2>மாணவர்களை தயார் செய்ய மாநாடு&nbsp;</h2><p>உயர்கல்வி நிறுவனங்களின் தலைவர்களின் வருடாந்திர மாநாடுகள் 2022 முதல் ஒவ்வொரு ஆண்டும் ஏப்ரல் மாதம் மாண்புமிகு தமிழ்நாடு கவர்னரால் கவனமாக திட்டமிடப்பட்டு ஏற்பாடு செய்யப்படுகின்றன. இதில் தமிழகம் மட்டுமின்றி நாடு முழுவதும் உள்ள கல்வியாளர்கள், தொழில்துறைகளின் தலைசிறந்த தலைவர்கள் பங்கேற்று எங்கள் உயர்கல்வி நிறுவனங்களின் தலைவர்களுடன் தங்கள் கருத்துகளையும் அனுபவங்களையும் பகிர்ந்து கொள்கிறார்கள்.&nbsp;</p><p>மாநாட்டில் பங்கேற்பாளர்கள் நமது மாணவர்களுக்கான வளர்ந்து வரும் சவால்கள் மற்றும் வாய்ப்புகள் குறித்தும், புதிய அறிவியல் மற்றும் தொழில்நுட்ப வளர்ச்சி குறித்தும் ஆலோசித்து, நமது மாநிலம் மற்றும் மாணவர்களின் நலனுக்காக அந்தந்த நிறுவனங்களை போட்டித்தன்மையுடன் இருக்கவும் முன்னேறவும் தயார்படுத்துவதற்கான வழிகளையும் வழிமுறைகளையும் வகுக்கின்றனர். இந்த மாநாடுகளின் நேர்மறையான முடிவுகள் அளவிடக்கூடிய அளவுருக்களில் பெருகிய முறையில் தெரியும்.</p><h2>கல்வி மற்றும் தொழில் துறை நிபுணர்கள் பங்கேற்பு&nbsp;</h2><p>முன்னர் எமது நிறுவனங்கள் விசேடமாக அரச பல்கலைக்கழகங்கள் ஒன்றுக்கொன்று தொடர்பு கொள்ளவில்லை என்பதோடு எமது மாணவர்களுக்கு பாதகமாக அந்தந்த குழிகளில் பெரும்பாலும் செயற்பட்டு எமது நிறுவனங்களின் வளர்ச்சிக்கு பாதகமாக இருந்தது. ஒவ்வொரு ஆண்டும் மாநாட்டிற்கான ஏற்பாடுகள் பல மாதங்களுக்கு முன்பே தொடங்கி, மாநாட்டின் கட்டமைப்பை வடிவமைக்கவும், கருத்தாய்வுக்கான தலைப்புகள் மற்றும் கருப்பொருள்களைத் தேர்வு செய்யவும் மற்றும் சிறந்தவர்களை அடையாளம் காணவும் துணைவேந்தர்கள் மற்றும் கல்வித்துறை மற்றும் தொழில்துறையின் புகழ்பெற்ற நிபுணர்களுடனான சந்திப்புகள் நடத்தப்படுகின்றன.</p><h2>அதிகாரப்போட்டியாக காட்ட முயற்சி</h2><p>இந்த ஆண்டும் ஜனவரி மாதமே மாநாட்டுக்கான ஏற்பாடுகள் தொடங்கின. அதை மேலும் பலப்படுத்த பல கூட்டங்கள் நடத்தப்பட்டன. கற்பித்தல், கற்றல், புத்தாக்கம் மற்றும் நிறுவனங்களில் சிறந்து விளங்கும் நோக்கத்துடன் இந்த நல்ல நோக்கத்துடன் கூடிய கல்விப் பயிற்சியை சமீபத்திய நீதிமன்றத் தீர்ப்போடு தவறாக இணைத்து, ராஜ்பவனுக்கும் மாநில அரசுக்கும் இடையேயான அதிகாரப் போட்டியாகக் காட்ட ஊடகங்கள் முயற்சிப்பது துரதிர்ஷ்டவசமானது. இவை அவதூறானவை மற்றும் உண்மைக்கு அப்பாற்பட்டவை என தெரிவிக்கப்பட்டு உள்ளது.&nbsp;</p><p>&nbsp;</p>

<ul><li>நல்ல நோக்கத்துடன் கூடிய கல்விப் பயிற்சியை சமீபத்திய நீதிமன்றத் தீர்ப்போடு தவறாக இணைத்து, ராஜ்பவனுக்கும் மாநில அரசுக்கும் இடையேயான அதிகாரப் போட்டியாகக் காட்ட ஊடகங்கள் முயற்சிப்பது துரதிர்ஷ்டவசமானது.</li></ul>

எதிர்நீச்சல் சீரியல் ஏப்ரல் 23 எபிசோட்:  மணி விழா ஒரு கேடா.. லெஃப்ட் அண்ட் ரைட் வாங்கிய ரேணுகா!

<p>எதிர்நீச்சல் சீரியல் ஏப்ரல் 23 எபிசோட்: எதிர்நீச்சல் சீரியல் இருந்து இன்று வெளியான முன்னோட்டத்தில், குணசேகரன் தனது மணி விழாவில் ஈஸ்வரியை வந்து பூஜை செய்ய வைக்க, தனது தம்பிகளிடம் உதவி கோரினார். </p><p>தம்பிகள் தங்களுடைய மனைவி மார்களிடம் சென்று நீங்கள்தான் ஈஸ்வரியை சம்மதிக்க வைக்க வேண்டும் என்று கோரிக்கை வைத்தனர். இதைக்கேட்ட மனைவிகள் கொந்தளித்தனர். குறிப்பாக ரேணுகா நிச்சயமாக ஈஸ்வரி இதற்கு வரமாட்டார். அதற்கு வாய்ப்பே இல்லை என்றார். </p><p>மேலும் படிக்க | <a href="https://tamil.hindustantimes.com/entertainment/ethirneechal-serial-22-april-2025-episode-watch-on-sun-television-and-sun-nxt-app-131745306512556.html" target="_blank">எதிர்நீச்சல் சீரியல் ஏப்ரல் 22 எபிசோட்: வீட்டிலேயே நடக்கும் பூஜை.. தம்பிகளை தூது அனுப்பிய குணசேகரன்!</a></p><p>அதோடு மட்டுமல்லாமல் ஏற்கனவே சக்தி ஒருவருடைய வாழ்க்கையின் முடிவை இன்னொருவர் எடுக்கக் கூடாது என்று சொன்னதை குறிப்பிட்டு பேசி, யாரும் அப்படி வாழ முடியாது; வாழ்க்கையில் ஒருவர் மீது ஒருவர் அக்கறை கொள்ள வேண்டும்; ஒருவருக்காக இன்னொருவர் முடிவு எடுக்க வேண்டும் என்று பேசினார். இதையடுத்து அவர்கள் என்ன செய்வது என்று தெரியாமல் நின்று கொண்டிருந்தனர்.’ இது தொடர்பான நிகழ்வுகள் இடம் பெற்று இருக்கின்றனர். </p><h2>நேற்று நடந்தது என்ன? </h2><p>நேற்று நடந்த எபிசோடில், ஈஸ்வரி என்ன செய்வது என்று தெரியாமல் இருந்து கொண்டிருந்தாள். இந்த நிலையில் வீட்டிற்கு வந்த ஜோசியர் குணசேகரின் நேரம் தற்போது சரியாக இல்லை. அவர் பிரச்சினைகளில் இருந்து விடுபடுவதற்கு செய்யும் நல்ல காரியங்களுக்கு கூட அவ்வளவு தடைகள் வருகின்றன. ஆயுள்யாயாகமும் தடைபட்டு நின்றது. </p><p>ஆகையால், குணசேகரனுக்கு மணிவிழா எடுத்து இயலாதவர்களுக்கு உணவு, உடை கொடுத்து பரிகாரம் செய்ய வேண்டும் என்று கூறினார். இதனைக் கேட்ட குணசேகரன் அதற்கு ஈஸ்வரி சம்மதிக்க வேண்டும் என்பதனால், தனது தம்பிகளை அவர்களது மனைவி மார்களிடம் பேசி, ஈஸ்வரியை இதற்கு ஒத்துக்கொள்ள வைப்பதற்கான வேலைகளில் ஈடுபடுமாறு கேட்டார்.  </p><p>மேலும் படிக்க | <a href="https://tamil.hindustantimes.com/entertainment/kushboo-sundar-interview-actress-kushboo-sundar-latest-interview-about-her-why-she-reduce-her-weight-drastically-131745382242045.html" target="_blank">‘ஒரு நாளைக்கு 7 கப் டீ .. முட்டியில் மட்டும் 3 அறுவை சிகிச்சைகள் ’ - உடல் எடை குறைத்த காரணம் சொன்ன குஷ்பு!</a></p><p>இதனையடுத்து அவர்கள் மனைவிகளிடம் சென்று இதனை  சொல்ல, அப்போது ரேணுகா மணிவிழா என்றால் என்ன என்று கேட்க, என்னவாக இருந்தால் என்ன என்று கூறி இதைக் கேட்டு கதிர் டென்ஷனான். மீதம் இருப்பவர்கள் அவரை சாந்தப்படுத்தினார்கள். இந்த நிலையில் பொறுமையாக இருந்த ஞானம் என்னவென்று நீங்களே சொல்லுங்கள் என்று கேட்க, அது அறுபதாம் கல்யாணம் என்று கூறினாள். </p><p>மேலும் படிக்க | <a href="https://tamil.hindustantimes.com/entertainment/kerala-film-body-advised-malayalam-actor-shine-tom-chacko-and-gave-him-a-chance-to-correct-his-mistakes-131745395699142.html" target="_blank">நடிகையிடம் அத்துமீறல்.. நடிகருக்கு இறுதி எச்சரிக்கையோடு வாய்ப்பும் கொடுத்த கேரள திரைத்துறை..</a></p><p>இதையடுத்து பேசிய ரேணுகா அறுபதாம் கல்யாணம் என்றால், நாங்கள் மண வாழ்வில் சந்தோஷமாக வாழ்ந்திருக்கிறோம். எங்களைப் போன்று நீங்களும் வாழ வேண்டும். ஆகையால், எங்களிடம் ஆசீர்வாதம் வாங்குங்கள் என்பதற்காக நடத்தப்படும் விழா, அந்த விழா உங்கள் அண்ணனுக்கு அவசியமா? என்று கேட்க அனைவரும் என்ன செய்வதென்று தெரியாமல் விழித்துக்கொண்டிருந்தனர். அத்துடன் இன்றைய எபிசோடு முடிவடைந்தது.</p><p>பொறுப்புத் துறப்பு:</p><p>இந்தக் கட்டுரையில் உள்ள எந்தவொரு தகவல்/பொருள்/அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.</p><p> </p>

எதிர்நீச்சல் சீரியல் ஏப்ரல் 23 எபிசோட்: வாழ்க்கையில் ஒருவர் மீது ஒருவர் அக்கறை கொள்ள வேண்டும்; ஒருவருக்காக இன்னொருவர் முடிவு எடுக்க வேண்டும் என்று பேசினார். இதையடுத்து அவர்கள் என்ன செய்வது என்று தெரியாமல் நின்று கொண்டிருந்தனர்.’ இது தொடர்பான நிகழ்வுகள் இடம் பெற்று இருக்கின்றனர்.

கவர்மெண்ட் வேலை கிடைக்குமா?.. இப்படி இருந்தா கிடைக்கும்.. ஜோதிட கணிப்புகள் கூறுவது என்ன?

<p>ஆசையிருக்கு தாசில்தாராக, அதிர்ஷ்டம் இருக்கு கழுதை மேய்க்க. அரைக்காசு உத்தியோகம்னாலும் அரசாங்க உத்தியோகமாக இருக்கணும்" இப்படி அரசாங்க வேலையையும் அதன் மதிப்பையும் சொல்லும் பழமொழிகள் ஏராளம்.</p><p>பெண்ணுக்கு மாப்பிள்ளை பார்க்கும்போதுகூட கவர்மெண்ட் வேலையில் இருப்பவருக்கு தான் முதல் சாய்ஸ். கவர்மெண்ட் வேலை என்றால் கெத்துதான். அதற்கு காரணம், மாதம் பிறந்தால் தொல்லை இல்லாத சம்பளம், பாதுகாப்பான வாழ்க்கை, சமூகத்தில் மதிப்பு, மரியாதை, கௌரவம், இப்படி பல இருப்பதால்தான் அரசு வேலையைப் பலரும் விரும்புகிறார்கள்.</p><p><strong>மேலும் படிங்க|</strong><a href="https://tamil.hindustantimes.com/astrology/here-we-will-find-out-which-zodiac-signs-will-be-happy-in-the-family-due-to-mars-transit-in-leo-131745394144967.html" target="_blank"> செவ்வாய் பகவானின் அதிர்ஷ்ட பலன்களை அனுபவிக்கும் ராசிகள்</a></p><h2>அரசு வேலை</h2><p>எப்படியாவது அரசாங்க உத்தியோகத்தில் சேர்ந்து விட வேண்டும் என்பது இன்றைய இளைஞர்களின் லட்சியம், கனவு. கவர்மெண்ட் வேலைக்காக பலர் மெனக்கெட்டு உழைக்கின்றனர். சிலருக்கு அரசு வேலை உடனே கிடைக்கும். சிலருக்கு பெரும் முயற்சிக்கு பிறகு கைகூடும். சிலருக்கோ எவ்வளவு முயன்றும் பகல் கனவாக போய்விடும்.</p><p>அரசாங்க உத்தியோகத்திற்காக முயற்சி செய்து முயற்சி செய்து காலம், நேரத்தை வீணடித்து, பின்னர் வருத்தப்படுவார்கள். நிறைய பேர் கவர்மெண்ட் வேலைக்காக தூக்கத்தை தொலைத்து அலைந்து திரிவார்கள். காலம் கடந்த பிறகு வருந்துவதைவிட, சுய ஜாதகத்தை ஆராய்ந்து முன்கூட்டியே அரசாங்க உத்தியோகம் யோகம் உண்டா?, இல்லையா? என்பதை தெரிந்து கொண்டு செயல்பட்டால் கைமேல் பலன் கிடைக்கும் எனக் கூறப்படுகிறது.</p><p><strong>மேலும் படிங்க| </strong><a href="https://tamil.hindustantimes.com/astrology/zodiac-signs-that-will-experience-extraordinary-benefits-due-to-the-triketaya-yoga-formed-by-guru-and-mercury-131745389166651.html" target="_blank">குரு புதன் சேர்க்கை மூலம் ராஜயோகம் கொட்டும் ராசிகள்</a></p><h2>யாருக்கு கிடைக்கும் அரசாங்க உத்தியோகம்</h2><p>அரசாங்க உத்தியோகம் என்றாலே அதற்கு காரக கிரகம் சூரியன் தான். சூரியன் பலமாகவும், சிம்மம் ராசி சுபமாகவும் இருந்தாலே அரசாங்க உத்தியோகம் கிடைத்து விடும். சூரியன் ஆட்சி, உச்சமாக இருந்து, சிம்மம் வீட்டில் சுப கிரகங்கள் அமர்ந்து அல்லது சுப கிரகங்களின் பார்வை சிம்மத்திற்கும், சிம்மாதிபதியான சூரியனுக்கு கிடைத்தாலும் அரசு வேலை யோகம் உண்டு எனக் கூறப்படுகிறது. சூரியனுக்கு அடுத்தபடியாக செவ்வாய், குருவும் அரசு வேலை கிடைப்பதற்கு முக்கிய பங்காற்றுகிறது.</p><p>அரசு அலுவலங்களில் வேலை செய்வதற்கு 6-ம் பாவத்தையும் பார்க்க வேண்டும். ஏனென்றால், ஆறாம் பாவம் அடிமை தொழிலைக் குறிக்கும். அரசு அலுவலங்களில் உயர் பொறுப்பில் அதிகாரியாக (Gazetted Officer) இருக்க வேண்டுமென்றால் அதற்கு 10-ம் பாவத்தையும் பார்க்க வேண்டும் எனக் கூறப்படுகிறது.</p><p>லக்னத்திற்கு 10-ல் சூரியன், செவ்வாய் இருந்தால் திக் பலம் என்ற மறைமுக வலுவை பெறுவார்கள். 10-ம் வீட்டில் சூரியன், செவ்வாய் இருந்து, 10-ம் வீட்டிற்கு குரு, சுக்கிர பார்வை கிடைத்தாலும் அரசாங்க உத்தியோகம் கிடைக்கும். இதேபோல், ராசிக்கு 10-ம் இடத்தில் சூரியன், செவ்வாய் இருந்து, 10-ம் வீட்டை குரு, சுக்கிரன் பார்வை இருந்தால் தீவிர முயற்சிக்கு பிறகு அரசாங்க வேலை கிடைக்கும் எனக் கூறப்படுகிறது.</p><p><strong>மேலும் படிங்க| </strong><a href="https://tamil.hindustantimes.com/astrology/these-are-the-zodiac-signs-that-will-experience-the-lucky-benefits-of-venus-transit-in-aries-131745385484606.html" target="_blank">சுக்கிரன் மேஷத்தில் நுழைவதால் அதிர்ஷ்டத்தை பெறுகின்ற ராசிகள்</a></p><p>அரசாங்கப் பணியில் அமர்வதற்கு லக்னம், பூர்வ புண்ணியஸ்தானமான 5-ம் இடம், ஜீவனஸ்தானமான 10-ம் இடம் ஆகியவற்றையும் பார்க்க வேண்டும். சூரியன், சந்திரன், குரு மற்றும் சனி பகவான் ஆகிய கிரகங்கள் பலம் பெற்று இருந்தாலும் அரசுப் பணி கிடைக்கும்.</p><p>மேலே சொன்ன அனைத்தும் அமைய பெற்றாலும், தசா, புத்தி எதிர்மறையாக இருந்தால் அரசாங்க உத்தியோகம் கைகூடாது எனக் கூறப்படுகிறது. லக்ன சுப கிரகங்களின் தசா, புத்தி மற்றும் 10-ம் இடத்து அதிபதியின் தசா, புத்தி நடப்பில் இருந்தால் அரசாங்க உத்தியோகம் எளிதில் கைகூடும். லக்ன அவயோகிகள் அல்லது அவயோக தசா, புத்தி நடப்பில் இருந்தாலும் அரசாங்க உத்தியோகம் இல்லை என்று எடுத்துக் கொள்ளலாம்.</p><h2>கட்டுரையாளர்</h2><p>ஜோதிட சிரோன்மணி ஆர்.கே.வெங்கடேஸ்வர்</p><p>astrovenkataeswar@gmail.com</p><p>91590 13118</p><h2>பொறுப்பு துறப்பு</h2><p>இந்தக் கட்டுரையில் உள்ள எந்தவொரு தகவல்கள்/பொருள்/கணக்கீட்டின் துல்லியம் அல்லது நம்பகத்தன்மைக்கு எந்த விதமான உத்திரவாதமும் இல்லை. இதில் குறிப்பிட்டுள்ள தகவல்கள் அனைத்தும் பல்வேறு ஊடகங்கள்/ஜோதிடர்கள்/பஞ்சாங்கங்கள்/சொற்பொழிவுகள்/நம்பிக்கைகள் வேதங்களில் இருந்து சேகரித்து உங்களுக்கு தெரிவிக்கப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக் கொள்வது பயனர்களின் பொறுப்பாகும்.</p>

<ul><li>சூரியன் பலமாகவும், சிம்மம் ராசி சுபமாகவும் இருந்தாலே அரசாங்க உத்தியோகம் கிடைத்து விடும் எனக் கூறப்படுகிறது. சூரியன் ஆட்சி, உச்சமாக இருந்து, சிம்மம் வீட்டில் சுப கிரகங்கள் அமர்ந்து அல்லது சுப கிரகங்களின் பார்வை சிம்மத்திற்கும், சிம்மாதிபதியான சூரியனுக்கு கிடைத்தாலும் அரசு வேலை யோகம் உண்டு.</li></ul>

யார் இந்த பாபா வங்கா.. அமெரிக்காவால் உலகிற்கு ஆபத்தா.. அதிர வைக்கும் பாபா வங்கா!

slide

அடுத்த 41 ஆண்டுகளில் அமெரிக்கா உலகத்தை அச்சுறுத்தும் அளவிற்கு ஒரு ஆயுதத்தை கண்டுபிடிக்க உள்ளதாக பாபா வாங்க கணிப்பு கூறியுள்ளது. இது மக்களை மிகப்பெரிய அச்சத்தில் ஆழ்த்தியுள்ளது.

எதிர்காலத்தை கணிக்க கூடிய தீர்க்கதரிசியான பாபா வாங்கா 2066 ஆம் ஆண்டு அமெரிக்கா ஒரு ஆபத்தான ஆயுதத்தை உருவாக்கும் எனும் கணித்துள்ளார். அந்த ஆயுதம் மூலம் உலக சுற்றுச்சூழலுக்கு பெரும் அச்சுறுத்தல் ஏற்படும் என கூறியுள்ளார்.


1911 ஆம் ஆண்டில் பல்கேரியாவில் பாபா வாங்கா பிறந்தார். வான்ஜெலியா பாண்டேவா டிமிட்ரோவா என்பதுதான் இவரது இயற்பெயர். குழந்தையாக இருக்கும் பொழுது இயற்கை சீற்றத்தால் இவருக்கு பார்வை பறிபோய் உள்ளது.

பாபா வாங்கா எதிர்காலத்தை முன்கூட்டியே கணிக்கும் திறனை வளர்த்துக்கொண்டு ஏராளமான கணிப்புகளை கூறியுள்ளார். ஒவ்வொரு ஆண்டும் பிறக்கும் பொழுதும் பெரும்பாலான மக்கள் பாபா வாங்கா கணிப்புகள் குறித்து தெரிந்து கொள்ள ஆர்வமாக இருக்கின்றனர்.

பாபா வாங்காவின் பல கணிப்புகள் நிஜமாக நடந்து அனைவரையும் ஆச்சரியம் மற்றும் அதிர்ச்சிக்கு உள்ளாக்கியுள்ளது. அவருடைய கணிப்புகள் பல ஆண்டுகளுக்குப் பிறகு நிறைவேறுவது இன்றும் அனைவராலும் அறிய முடியாத மர்மமாகவே இருந்து வருகிறது.


அந்த வகையில் அடுத்த 41 ஆண்டுகளில் அமெரிக்கா உலகத்தை அச்சுறுத்தும் அளவிற்கு ஒரு ஆயுதத்தை கண்டுபிடிக்க உள்ளதாக பாபா வாங்க கணிப்பு கூறியுள்ளது. 

இது உலகம் முழுவதும் உள்ள மக்களை மிகப்பெரிய அச்சத்தில் ஆழ்த்தியுள்ளது. இந்த நிலையில் தான் ஸ்டாக் ஹோம் சர்வதேச அமைதி ஆராய்ச்சி நிறுவனத்தின் அறிக்கை படி 2024 ஆம் ஆண்டின் அமெரிக்க ஆயுத விற்பனை மொத்தம் USD 318.7 பில்லியனாக இருந்தது. 

ஸ்டாக் ஹோம் சர்வதேச அமைதி ஆராய்ச்சி நிறுவனத்தின் அறிக்கை படி 2024 ஆம் ஆண்டின் அமெரிக்க ஆயுத விற்பனை மொத்தம் USD 318.7 பில்லியனாக இருந்தது. இது அதற்கு முன்பு இருந்த ஆண்டை விட 29 விழுக்காடு அதிகம் எனக் கூறப்படுகிறது. இது உலக அளவில் ஆயுத ஏற்றுமதியில் 42 விழுக்காடு ஆகும். மேலும் வரும் காலங்களில் இது அதிகரிக்கும் என கூறப்படுகிறது.

பொறுப்பு துறப்பு : இந்த தகவல் நம்பிக்கைகள், வேதங்கள் மற்றும் பல்வேறு ஊடகங்களை மட்டுமே அடிப்படையாகக் கொண்டது. தகவல் நோக்கங்களுக்கு மட்டுமே. எந்தவொரு தகவலையும் ஏற்றுக்கொள்வதற்கு முன் நிபுணர்களை அணுகவும்.


காஷ்மீர் தாக்குதல் எதிரொலி! ’மத்திய உள்துறை இணையமைச்சர் ஆகும் அண்ணாமலை!’ அமித்ஷாவின் பலே திட்டம்!

<p>பாஜக முன்னாள் மாநிலத் தலைவர் அண்ணாமலைக்கு மத்திய உள்துறை இணை அமைச்சர் பதவியை வழங்க அமித்ஷா திட்டமிட்டு உள்ளதாக தகவல்கள் வெளியாகி உள்ளது.</p><h2>ஐபிஎஸ் To அரசியல்வாதி</h2><p>கர்நாடகாவில் ஐபிஎஸ் அதிகாரியாக பணியாற்றி வந்த அண்ணாமலை, அப்பதவியை ராஜினாமா செய்துவிட்டு விவசாயத்தில் கவனம் செலுத்த போவதாக அறிவித்தார். பின்னர் பாஜகவில் இணைந்து அக்கட்சியின் மாநிலத் துணைத் தலைவரக ஆனார். 2021 சட்டமன்றத் தேர்தல் தோல்விக்கு பிறகு பாஜக மாநிலத் தலைவராக அண்ணாமலை நியமனம் செய்யப்பட்டார். 2024ஆம் ஆண்டு நடந்த நாடாளுமன்றத் தேர்தலிலும் கோவை தொகுதியில் போட்டியிட்டு வெற்றி வாய்ப்பை இழந்தார்.&nbsp;</p><p>மேலும் படிக்க:- <a target="_blank" href="https://tamil.hindustantimes.com/tamilnadu/annamalai-likely-to-enter-rajya-sabha-via-andhra-pradesh-say-bjp-sources-amid-speculation-131745310791578.html">’ஆந்திராவில் இருந்து எம்பி ஆகும் அண்ணாமலை!’ மத்திய அமைச்சர் ஆகவும் வாய்ப்பு! அமித்ஷாவின் மெகா ப்ளான்!</a></p><h2>ராஜ்யசபாவுக்கு செல்லும் அண்ணாமலை&nbsp;</h2><p>அவரது பதவிக்காலம் நிறைவு பெற்றதால், புதிய தலைவராக நயினார் நாகேந்திரன் தேர்வு செய்யப்பட்டார். பின்னர் நடந்த கூட்டத்தில் அண்ணாமலைக்கு தேசிய பொதுக்குழு உறுப்பினர் பொறுப்பு வழங்கப்பட்டது. "அண்ணாமலையின் நிர்வாக திறமைகளை தேசிய அளவில் பயன்படுத்திக் கொள்ளப் போகிறோம்" என்று ஏற்கெனவே மத்திய உள்துறை அமைச்சர் அமித்ஷா தெரிவித்து இருந்தார். இந்த நிலையில் அண்ணாமலையை ஆந்திராவில் இருந்து ராஜ்யசபா எம்.பி ஆக்க பாஜக தேசிய தலைமை திட்டமிட்டு உள்ளதாக தகவல் வெளியானது.&nbsp;</p><h2>மத்திய உள்துறை இணையமைச்சர் பதவி</h2><p>மத்திய அமைச்சரவை விரைவில் மாற்றி அமைக்கப்படலாம் என தகவல்கள் வெளியாகி உள்ளது. காஷ்மீர் பயங்கரவாத தாக்குதல் நடந்து முடிந்துள்ள நிலையில், அமைச்சரவை மாற்றத்தில் முன்னாள் ஐபிஎஸ் அதிகாரி அண்ணாமலைக்கு மத்திய உள்துறை இணை அமைச்சர் பதவி வழங்கப்படலாம் என தகவல்கள் வெளியாகி உள்ளது.</p><p>இது தொடர்பாக மூத்த பத்திரிகையாளர் பிரகாஷ் எம்.சாமி தனியார் யூடியூப் சேனல் ஒன்றுக்கு அளித்த பேட்டியில், ஆந்திராவில் காலியாக உள்ள ராஜ்யசபா இடத்தில் இருந்து அண்ணாமலை எம்.பி.யாக தேர்ந்தெடுக்கப்படலாம் என்றும், இதற்கு பிரதமர் மோடி மற்றும் ஆந்திர முதலமைச்சர் சந்திரபாபு நாயுடு ஆதரவு அளிக்கின்றனர் என்றும் கூறினார்.</p><h2>உள்துறையை நிர்வாகம் செய்ய திட்டம்&nbsp;</h2><p>அண்ணாமலை தற்போது ஓய்வு கோரியுள்ளதாகவும், தனது குடும்பத்துடன் நேரம் செலவிட விரும்புவதாகவும் தெரிவித்த அவர், "மே மாத இறுதியில் அல்லது நடுப்பகுதியில் அண்ணாமலை எம்.பி.யாகி, உள்துறை இணை அமைச்சராக நியமிக்கப்படுவார். அவரது ஐபிஎஸ் பின்னணி மற்றும் சட்டம்-ஒழுங்கு துறையில் அனுபவம் இருப்பதால், தேசிய பாதுகாப்பு மற்றும் காவல்துறை அமலாக்கத்தில் அவர் திறமைசாலி," என்று கூறினார்.&nbsp;</p><p>மேலும் பிரதமர் மோடியிடம் அமித்ஷா பேசும் போது, ‘நான் அண்ணாமலையை பார்த்துக் கொள்கிறேன், அவரை என்னிடம் விடுங்கள்’ கூறியதாகவும் கூறினார். எனவே, அண்ணாமலை உள்துறை இணை அமைச்சராக நியமிக்கப்படுவதற்கு வாய்ப்பு அதிகம்," என்று பிரகாஷ் சாமி தெரிவித்தார்.</p><p>மேலும் படிக்க- <a target="_blank" href="https://tamil.hindustantimes.com/tamilnadu/enforcement-directorate-cleared-to-raid-tasmac-by-madras-high-court-in-major-legal-development-131745387459983.html">’டாஸ்மாக் நிறுவனத்தில் அமலாக்கத்துறை ரெய்டு நடத்தலாம்!’ உயர்நீதிமன்றம் அதிரடி உத்தரவு! தமிழக அரசின் மனு தள்ளுபடி!</a></p><h2>ஆந்திரவில் இருந்து எம்பி &nbsp;</h2><p>தமிழ்நாட்டில் ராஜ்யசபா தேர்தல் வரவுள்ள நிலையில், திமுகவுடன் போட்டியிட முடியாது என்றும், அதிமுகவின் ஆதரவை அண்ணாமலை விரும்பவில்லை என்றும் பிரகாஷ் குறிப்பிட்டார். "ஆந்திராவில் ஒரு எதிர்க்கட்சி எம்.பி. ராஜினாமா செய்ததால், மூன்று அல்லது மூன்றரை ஆண்டு பதவிக்காலம் கொண்ட காலி இடம் உள்ளது. அங்கிருந்து அண்ணாமலை எம்.பி.யாக தேர்ந்தெடுக்கப்பட வாய்ப்புள்ளது. நிதி அமைச்சர் நிர்மலா சீதாராமன், வெளியுறவுத்துறை அமைச்சர் ஜெய்சங்கர் ஆகியோர் தமிழ்நாட்டில் இருந்து எம்.பி.க்களாக தேர்வு செய்யப்படவில்லை. அவர்கள் பாஜக ஆளும் மாநிலங்களில் இருந்து தேர்ந்தெடுக்கப்பட்டனர். ஆந்திராவில் தெலுங்கு தேசம் கட்சி மற்றும் ஜனசேனா ஆதரவுடன் அண்ணாமலை எம்.பி.யாகலாம்," என்று அவர் விளக்கினார்.</p><p>சந்திரபாபு நாயுடு மோடியின் பேச்சை மீற மாட்டார் என்றும், அண்ணாமலையை எம்.பி.யாக தேர்ந்தெடுப்பதில் எந்த தடையும் இருக்காது என்றும் பிரகாஷ் தெரிவித்தார். இருப்பினும் "இது உறுதியான தகவல் இல்லை, ஆனால் வாய்ப்புகள் அதிகம் உள்ளதாக தகவல்கள் வந்துள்ளன," என்று அவர் எச்சரிக்கையுடன் தனது பேட்டியை முடித்தார்.</p><h2>ஆந்திராவில் ராஜ்யசபா இடைத்தேர்தல்&nbsp;</h2><p>ஆந்திராவில் ஒய்.எஸ்.ஆர்.காங்கிரஸ் கட்சியின் ராஜ்யசபா எம்பி விஜயசாய் ரெட்டி தனது பதவிக்காலம் முடிவதற்கு முன்பே தனது பதவியை ராஜினாமா செய்ததால் காலியான இடத்தை தெலுங்கு தேசம் கட்சி தற்போது கைப்பற்றும் நிலை உள்ளது. .மே 9, 2025 அன்று நடைபெறவுள்ள ராஜ்யசபா இடைத்தேர்தலில் அண்ணாமலை தேர்ந்தெடுக்கப்பட்டால், அவரது பதவிக்காலம் 2028 வரை இருக்கும்.</p><p>மேலும் படிக்க:- <a target="_blank" href="https://tamil.hindustantimes.com/tamilnadu/madras-high-court-quashes-acquittal-of-minister-durai-murugan-in-disproportionate-assets-case-131745395238527.html">’சொத்து குவிப்பு வழக்கில் அமைச்சர் துரைமுருகனை விடுதலை செய்த உத்தரவு ரத்து!’ உயர்நீதிமன்றம் அதிரடி!</a></p>

<ul><li>”காஷ்மீர் பயங்கரவாத தாக்குதல் நடந்து முடிந்துள்ள நிலையில், அமைச்சரவை மாற்றத்தில் முன்னாள் ஐபிஎஸ் அதிகாரி அண்ணாமலைக்கு மத்திய உள்துறை இணை அமைச்சர் பதவி வழங்கப்படலாம் என தகவல்கள் வெளியாகி உள்ளது”</li></ul>

ஐபிஎல் 2025: பஹல்காம் தாக்குதல்.. சன் ரைசர்ஸ் - மும்பை இந்தியன்ஸ் போட்டியில் வாணவேடிக்கை, சியர்லீடர் கிடையாது - பிசிசிஐ

<p>காஷ்மீரில் உள்ள பஹல்காம் பகுதியில் நடந்த பயங்கரவாத தாக்குதலைத் தொடர்ந்து இந்திய கிரிக்கெட் கட்டுப்பாட்டு வாரியம் (பிசிசிஐ) சில நடவடிக்கைகளை எடுத்துள்ளது. செவ்வாய்க்கிழமை பிற்பகல் பிரபலமான சுற்றுலா தலத்துக்கு அருகில் பயங்கரவாதிகள் துப்பாக்கி சூடு நடத்தினர். இதில் 26 பேர் வரை கொல்லப்பட்டனர்.</p><h2>வாணவேடிக்கை, சியிர்லீடர்கள் கிடையாது</h2><p>2019ஆம் ஆண்டு புல்வாமா தாக்குதலுக்குப் பிறகு, காஷ்மீர் பகுதியில் நடந்த மிக மோசமான தாக்குதல் இதுவாகும். இந்த துயர சம்பவத்தை தொடர்ந்து நாடு தொடர்ந்து துக்கத்தையும் துக்கத்தையும் தெரிவித்து வரும் நிலையில், புதன்கிழமை (ஏப்ரல் 23) ஹைதராபாத் ராஜீவ் காந்தி சர்வதேச மைதானத்தில் நடைபெற இருக்கும் சன்ரைசர்ஸ் ஹைதராபாத் - மும்பை இந்தியன்ஸ் அணிகளுக்கு இடையிலான போட்டியில், வாணவேடிக்கைகள், சியர்ஸ் கேர்களின் நடனம் போன்ற கேளிக்கை விஷயங்களை அனுமதிக்க போவதில்லை என்று பிசிசிஐ முடிவு செய்துள்ளது.</p><p><strong>மேலும் படிக்க: </strong><a target="_blank" href="https://tamil.hindustantimes.com/cricket/rajasthan-royals-accused-of-match-fixing-vs-lsg-investigation-demanded-by-rca-131745311535367.html">ஐபிஎல் 2025: ராஜஸ்தான் ராயல்ஸ் அணி மீது மேட்ச் பிக்ஸிங் குற்றச்சாட்டு.. பின்னணி என்ன?</a></p><p>இந்த கொடூர தாக்குதலில் உயிரிழந்தவர்களுக்கு இரங்கல் தெரிவிக்கும் வகையில் வீரர்கள் மற்றும் நடுவர்கள் கையில் பட்டைகள் அணிவார்கள் என்பதை இந்துஸ்தான் டைம்ஸ் செய்தி நிறுவனத்திடம் பிசிசிஐ வட்டார தகவல்கள் உறுதிப்படுத்தியுள்ளது.</p><h2>மெளன அஞ்சலி</h2><p>அத்துடன், பேட் கம்மின்ஸ் தலைமையிலான சன் ரைசர்ஸ் ஹைதராபாத், ஹார்கிக் பாண்டியாவின் தலைமையில் மும்பை இந்தியன்ஸ் இடையேயான போட்டி தொடங்குவதற்கு முன்பு ஒரு நிமிடம் மௌன அஞ்சலி செலுத்தப்படும்.</p><p>"இந்த தாக்குதலால் நாங்கள் அதிர்ச்சியடைந்தோம். இன்றைய ஐபிஎல் போட்டியில் ஹைதராபாத்தில் சியர்லீடர்கள் மற்றும் வாணவேடிக்கைகள் இருக்காது என்று நாங்கள் முடிவு செய்துள்ளோம். வீரர்கள் மற்றும் நடுவர்கள் கருப்பு கையில் பட்டைகள் அணிவார்கள். ஆட்டம் தொடங்குவதற்கு முன்பு ஒரு நிமிடம் மௌன அஞ்சலி செலுத்தப்படும்" என்று பிசிசிஐ வட்டாரங்கள் ஹிந்துஸ்தான் டைம்ஸிடம் தெரிவித்தன.</p><h2>கோலி, பாண்டியா இரங்கல்</h2><p>முன்னதாக, செவ்வாய்க்கிழமை பஹல்காமில் நடந்த சம்பவம் குறித்து விராட் கோலி மற்றும் ஹார்திக் பாண்டியா இன்ஸ்டாகிராமில் தங்கள் வருத்தத்தை தெரிவித்தனர்.</p><p>"பஹல்காமில் அப்பாவி மக்கள் மீது நடத்தப்பட்ட கொடூரமான தாக்குதலால் மிகவும் வருத்தமடைந்தேன். பாதிக்கப்பட்டவர்களின் குடும்பங்களுக்கு ஆழ்ந்த இரங்கல்கள். உயிர் இழந்த அனைவரின் குடும்பங்களுக்கும் அமைதியும் பலமும் கிடைக்கவும், இந்த கொடூரமான செயலுக்கு நீதி கிடைக்கவும் பிரார்த்திக்கிறேன்" என்று கோலி தனது இன்ஸ்டாவில் தெரிவித்துள்ளார்.</p><p>மும்பை இந்தியன்ஸ் கேப்டன் ஹர்திக் பாண்டியா, "பகல்ஹாமில் இருந்து வந்த செய்தியால் நான் மிகவும் வருத்தமடைந்தேன். பாதிக்கப்பட்டவர்கள் மற்றும் அவர்களது குடும்பத்தினர் பற்றி எண்ணுகிறேன்" என்று இன்ஸ்டாவில் குறிப்பிட்டுள்ளார்.</p><p><strong>மேலும் படிக்க: </strong><a target="_blank" href="https://tamil.hindustantimes.com/cricket/can-chennai-super-kings-still-qualify-for-ipl-2025-playoffs-after-loss-vs-mi-131745253692468.html">ஐபிஎல் 2025: ஆர்சிபி போல் வித்தையை இறக்க வேண்டிய கட்டாயத்தில் சிஎஸ்கே.. இனி ப்ளேஆஃப் செல்ல வழி என்ன?</a></p><p>ஐபிஎல் 2025 தொடரில் டெல்லி கேபிடல்ஸ் வழிகாட்டியான இங்கிலாந்து முன்னாள் கேப்டன் கெவின் பீட்டர்சன், இந்த தாக்குதலைக் கண்டித்து தனது எக்ஸ் பக்கத்தில். "இன்று டெல்லியில் கொடிகள் அரைக்கம்பத்தில் பறக்கவிடப்படுவதை நான் காண்கிறேன், அது சரியானது. நேற்று காஷ்மீரில் நடந்தது வெறுக்கத்தக்கது! உயிர் இழந்த அனைவருடனும், அவர்களது குடும்பத்தினருடனும், நண்பர்களுடனும் எனது எண்ணங்கள் இருக்கின்றன" என்று குறிப்பிட்டுள்ளார்.</p><h2>பஹல்காமில் நடந்தது என்ன?</h2><p>காஷ்மீர் காவல்துறையின் கூற்றுப்படி, குறைந்தது நான்கு பயங்கரவாதிகள் சுற்றுலா பயணிகள் மீது மிக அருகில் இருந்தவாறு துப்பாக்கிச் சூடு நடத்தியுள்ளனர். பாதிக்கப்பட்டவரின் மகள் ஒருவர் செய்தி நிறுவனமான பிடிஐயிடம் பயங்கரவாதிகள் முக்கியமாக, ஆண் சுற்றுலாப் பயணிகளை குறிவைத்ததாகத் தெரிவித்தார்.</p><p>"சுற்றி பல சுற்றுலாப் பயணிகள் இருந்தனர். ஆனால் பயங்கரவாதிகள் குறிப்பாக ஆண் சுற்றுலாப் பயணிகளை குறிவைத்து, அவர்கள் இந்துவா அல்லது முஸ்லிமா என்று கேட்டனர்," என்று அவர் கூறினார்.</p><p><strong>மேலும் படிக்க: </strong><a target="_blank" href="https://tamil.hindustantimes.com/cricket/ipl-2025-lucknow-super-giants-vs-delhi-capitals-40th-match-result-read-more-details-dc-beat-lsg-by-8-wickets-131745343463839.html">ஐபிஎல் 2025: கேஎல் ராகுல் சாதனை..லக்னோவுக்கு எதிராக இரண்டு போட்டிகளிலும் டெல்லி ஆதிக்கம் மிக்க வெற்றி&nbsp;</a></p><p>காஷ்மீரில் நடந்த இந்தத் தாக்குதலைத் தொடர்ந்து, இந்தியப் பிரதமர் நரேந்திர மோடியும் தனது செளதி அரேபியா பயணத்தை முடித்துக்கொண்டு டெல்லிக்கு திரும்பினார்.</p>

<ul><li>பஹல்காம் தாக்குதலுக்கு கடும் கண்டனத்தை தெரிவித்துள்ள பிசிசிஐ, மும்பை இந்தியன்ஸ் போட்டியில் வாணவேடிக்கை, சியர்லீடர் கிடையாது என முடிவு செய்துள்ளது. அத்துடன் போட்டி தொடங்கும் முன் மெளன அஞ்சலியும், போட்டியின்போது வீரர்கள் கருப்பு பட்டை அணிந்து விளையாடுவார்கள் என தெரிவித்துள்ளது.</li></ul>