Dhanush: ருத்ராட்ச மாலையுடன் திருவண்ணாமலையில் நடிகர் தனுஷ் சாமி தரிசனம்!

• Dhanush : திருவண்ணாமலை நகரில் உள்ள அருள்மிகு அருணாசலேஸ்வரர் திருக்கோவிலில் ஆடி கிருத்திகை தினமான இன்று அதிகாலை முதல் ஏராளமான பக்தர்கள் சாமி தரிசனம் செய்து வருகின்றனர். கடந்த சில தினங்களுக்கு முன்பு நடிகர் தனுஷ் நடித்து திரையரங்குகளில் வெளியாகி ரசிகர்களிடையே பெரும் வரவேற்பை பெற்று வரும் ராயன் திரைப்படம் வெற்றி பெற வேண்டி ஆடி கிருத்திகை தினமான இன்று திருவண்ணாமலை அருணாசலேஸ்வரர் திருக்கோவிலில் நடிகர் தனுஷ் இன்று அதிகாலை தனது இரு மகன்களுடன் வந்து சம்பந்த விநாயகர், அண்ணாமலையார் உடனாகிய உண்ணாமுலையம்மனை சாமி தரிசனம் மேற்கொண்டார். ஆடிக்கிருத்திகை தினமான இன்று ஏராளமான பக்தர்கள் அருள்மிகு அருணாசலேஸ்வரர் திருக்கோவில் சாமி தரிசனம் செய்து வந்த நிலையில் நடிகர் தனுஷ் வந்ததை அறிந்து மக்கள் அவருடன் செல்பி எடுக்கவும் முயற்சித்தனர்.