சிவகளை அகழாய்வு பணிகளில் தங்கம் சார்ந்த பொருள் கண்டுபிடிப்பு!

பராக்கிரமபாண்டி திரட்டில் முதுமக்கள் வாழ்விட பகுதிகள் கண்டறியும் அகழாய்வு பணிகளில் காணப்பட்ட இந்த தங்கப்பொருளை தொல்லியல் துறை அலுவர்கள் ஆய்வு செய்து வருகின்றனர்.

சிவகளையில் தொல்லியல் துறை இயக்குநர் பிரபாகரன் தலைமையில் நடைபெற்று வரும் அகழாய்வு பணிகளில் 15க்கும் மேற்பட்ட குழிகள் அமைக்கப்பட்டு, 40க்கும் மேற்பட்டோர் பணியாற்றி வருகின்றனர்.

இதில் ஒரே குழியில் 16 முதுமக்கள் தாழிகள் கண்டெடுக்கப்பட்டன. அதேபோல் பழங்கால கல்வட்டங்கள் உள்பட ஏராளமான பொருள்கள் கிடைத்துள்ளன.