ஆடி பெளர்ணமி: அரிவாள் மீது ஏறிநின்று பக்தர்களுக்கு அருள்வாக்கு கூறிய பூசாரி

இக்கோவிலில் மாதம் தோறும் பௌர்ணமி தினத்தன்று சிறப்பு பூஜைகளும், ஆண்டுக்கு ஒரு முறை ஆடி மாத பௌர்ணமியை முன்னிட்டு கொடை விழா நடைபெறுவது வழக்கம். இந்தாண்டு ஆடி மாத பெளர்ணமி கொடை விழா கடந்த 5ஆம் கொடியேற்றி காப்பு கட்டுதல் நிகழ்ச்சியோடு தொடங்கியது.

விழாவின் முக்கிய நிகழ்ச்சியான கோயில் பூசாரி அரிவாள் மீது ஏறிநின்று அருள்வாக்கு கூறும் நிகழ்ச்சி நேற்றிரவு நடைபெற்றது. இதை முன்னிட்டு ஆற்றுக்கு சென்று புனித நீர் எடுத்து வந்து பின்னர் பால், சந்தனம் உள்ளிட்டவைகளை கொண்டு பதினெட்டாம்படி கருப்பணசாமி மற்றும் பரிவார தெய்வங்களுக்கு பூசாரி சிறப்பு அபிஷேகங்கள் செய்தார். அதனைத் தொடர்ந்து தீ மிதி உற்சவம் நடந்தது. திரளான பக்தர்கள் தீ மிதித்து நேர்த்தி கடன் செலுத்தி, கருப்பணசாமியை வழிபட்டனர்.

பௌர்ணமி கொடை விழாவில் தூத்துக்குடி மாவட்டத்தைச் சேர்ந்த பக்தர்கள் மட்டுமின்றி இராமநாதபுரம், மதுரை, விருதுநகர், திருநெல்வேலி உள்ளிட்ட பல்வேறு பகுதிகளில் இருந்து ஏராளமானோர் கலந்துகொண்டு சாமி தரிசனம் செய்தனர். மேலும், இங்குள்ள ஸ்ரீ சுந்தரராஜ பெருமாள் சுவாமிக்கு மதுரை கள்ளழகர் கோயிலில் இருந்து புனித நீர் எடுத்து வரப்பட்டு சிறப்பு அபிஷேகங்கள் செய்யப்பட்டது.