காஸ்மெட்டிக் பொருட்களாக மாறும் நெகிழி கழிவுகள்! கரியமில வாயுவிலிருந்து எரிபொருள் – அசத்தல் கேம்பிரிட்ஜ் ஆராய்ச்சி
Cambridge Research : மேலும், விவசாயக் கழிவுகள் வழக்கமாக எரிக்கப்படுவதால் எற்படும் சுற்றுச்சூழல் பாதிப்பிலிருந்தும் நாட்டை காக்க முடியும். (தலைநகர் டெல்லியிலேயே வேளாண் கழிவுகளை அருகிலுள்ள மாநிலங்கள் எரிப்பதால், சுற்றுச்சூழல் மாசடைந்தும், சுகாதாரம் பாதிக்கப்பட்டு உயிரிழப்புகள் நிகழ்வது தொடர்கிறது)
உலகம், இந்தியா, தமிழகத்தில் புவிவெப்பமடைதலின் தாக்கம் அதிகரித்து வரும் சூழலில், அதை குறைக்க உரிய தொழில்நுட்ப வசதிகளை பயன்படுத்துவது சிறந்தது என ஆராய்ச்சியாளர்கள் கருதுகிறார்கள். மேலும் ஒவ்வொரு நாடும் பெரிய சவாலான ஒன்றாக இந்த பருவநிலை மாற்றத்தை பார்த்து வருவதுடன் சுற்றுச்சூழலை காப்பதை தங்களின் தலையாய கடமையாக எண்ணி செயல்படுகின்றன.
இந்நிலையில் பல்வேறு ஆராய்ச்சி முடிவுகளும் வெளியாகி அதிர்ச்சி தகவல்களை நமக்கு அளிக்கின்றன. ஐரோப்பாவில் புவிவெப்பமடைதல் காரணமாக கொசுக்களால் ஏற்படும் டெங்கு, சிக்கன்குனியா போன்ற நோய்கள் அதிகமாகும் என ஐரோப்பிய யூனியன் அதிகாரிகள் தெரிவித்துள்ளனர். பெய்ஜிங்கில் இந்த மாதத்தில் வரலாறு காணாத வெப்பம் (41°C) பதிவாகியுள்ளது.
இந்தியாவில் இந்தாண்டு எல் நினோ காரணமாக வெப்பம் அதிகரிக்கும் என்பதால், கோதுமை விளைச்சல் குறையும் என கணிக்கப்பட்டுள்ளது. தமாழகத்தில், இந்த மாதத்தில் மழையளவு வழக்கத்திற்கு மாறாக அதிகம் பதிவாகி வேளாண்மையில் பாதிப்புகளை ஏற்படுத்தியுள்ளது.
இந்நிலையில், புவிவெப்பமடைதலைக் கட்டுபடுத்தும் தொழில்நுட்பங்களை அனைத்து நாடுகளின் அரசுகளும் பின்பற்ற வேண்டிய தேவை ஏற்பட்டுள்ளது.
கேம்பிரிட்ஜ் பல்கலைக் கழகத்தில் செய்த ஆய்வில், கரியமில வாயுவை சின்கேஸ் எனும் எரிபொருளாக மாற்றவும், நெகிழியை கிளைக்கோலிக் அமிலமாக மாற்றி அவற்றை மற்ற பயனுள்ள தொழிற் பொருட்களாக மாற்றும் தொழில்நுட்பத்தை கண்டறிந்தும் அசத்தியுள்ளனர்.
கரியமில வாயுவை வளிமண்டல காற்று மற்றும் தொழிற்சாலைக் கழிவுகளில் இருந்து, ஆல்கலைன் கரைசல் மூலம் மடக்கிப் பிடித்து, அதை பயனுள்ள சின்கேஸ் எரிபொருளாக மாற்றியுள்ளனர். ஆல்கலைன் கரைசல் காரணமாக நைட்ரஜன், ஆக்ஸிஜன் வாயுக்கள் நீர்க்குமிழிகளாக வெளியேறி தப்பித்துவிடும்.
நெகிழிக் கழிவுகள் உரிய தொழில்நுட்பத்தின் முலம் கிளைக்கோலிக் அமிலமாக மாறி, அப்பொருள் காஸ்மெட்டிக்ஸ் தொழிலில் பயனாகிறது.
உணவு பரிமாறும் உபகரணங்கள் நெகிழிக்கு பதிலாக வேளாண் கழிவுகளிலிருந்து தயாரிக்கப்படும் பொருட்களை பயன்படுத்துவதன் மூலம் புவிவெப்பமடைதலைக் குறைப்பதுடன், விவசாயிகளுக்கும், சிறு, குறு தொழில்முனைவோர்களுக்கு வாழ்வாதாரமாக அமையும்.
மேலும், விவசாயக் கழிவுகள் வழக்கமாக எரிக்கப்படுவதால் எற்படும் சுற்றுச்சூழல் பாதிப்பிலிருந்தும் நாட்டை காக்க முடியும். (தலைநகர் டெல்லியிலேயே வேளாண் கழிவுகளை அருகிலுள்ள மாநிலங்கள் எரிப்பதால், சுற்றுச்சூழல் மாசடைந்தும், சுகாதாரம் பாதிக்கப்பட்டு உயிரிழப்புகள் நிகழ்வதும் தொடர்கதையாக உள்ளது)
உணவு பரிமாறும் உபகரணங்களை வேளாண் கழிவுகளிலிருந்து தயாரித்து நடைமுறையில் பயன்படுத்த தமிழக அரசு உரிய நடவடிக்கைகள் எடுக்க வேண்டும்.
எனவே தமிழக அரசு புவி வெப்பமடைதல், சுற்றுச்சூழல் பாதிப்பு போன்ற பிரச்னைகளை கருத்தில்கொண்டு, உரிய தொழில்நுட்பங்களை பயன்படுத்தி இயற்கையை பேண வழிவகை செய்ய வேண்டும் என்று மருத்துவர் புகழேந்தி கோரிக்கை விடுத்துள்ளார்.
டாபிக்ஸ்