HT Flop Story: ’மாட்டிறைச்சியை விற்று மட்டையான ட்ரம்ப்!' Trump Steaks தோற்ற கதை!
Published Dec 28, 2023 07:00 AM IST
”HT Flop Story: ட்ரம்ப் என்ற பெயர் ப்ரீமியம் மாட்டிறைச்சியை மக்களுக்கு அருகில் கொண்டு சென்றாலும் அவர்களின் நாவுக்கு சுவை ஊட்டுவதாக இல்லை, எரிச்சல் ஊட்டுவதாக இருந்தது”
Trump Steaks - HT Flop Story
தோல்வி அடைந்த பிராண்டுகள் குறித்தும் தொழில்முனைவோர்கள் குறித்தும், தோல்விக்கான காரணங்கள் குறித்தும் விளக்கும் வணிகத் தொடர் HT Flop Story
அமெரிக்க முன்னாள் அதிபரும், முன்னணி தொழில் முனைவோருமான டொனால்ட் ட்ரம்பின் பிரீமியம் மாட்டிறைச்சி தயாரிப்புகளை டிரம்ப் ஸ்டீக்ஸ் என்ற பெயரில் சந்தைப்படுத்திய நிலையில் அது சறுக்கிய சம்பவம் உற்றுநோக்கப்பட வேண்டியதாக உள்ளது.
தொடக்கம்
அமெரிக்க தொலைக்காட்சிகளில் நடக்கும் ரியாலிட்டி ஷோக்கள் மூலம் ட்ரம்ப் பிரபலமாகி கொண்டிருந்த காலமான 2007ஆம் ஆண்டு மே 8ஆம் தேதி அன்று ஆரவாரத்துடன் டிரம்ப் ஸ்டீக்ஸ் என்ற பெயரிஉல் மாட்டிறைச்சி விற்பனையை தொடங்கினார்.ஆனால் அறிமுகம் ஆகி 60 நாட்களை கடப்பதற்குள் ஜூலை மாதம் 2007ஆம் ஆண்டிலேயே பிராண்ட் இழுத்து மூடப்பட்டது.