Crime: ஸ்ரீபெரும்புதூர் அருகே பிரபல ரவுடி என்கவுண்டரில் சுட்டுக்கொலை!
காஞ்சிபுரம் மாவட்டம், ஸ்ரீபெரும்புதூர் அருகே பிரபல ரவுடி விஷ்வா காவல்துறையினரால் சுட்டுக்கொல்லப்பட்டார்.
காஞ்சிபுரம் மாவட்டம் ஸ்ரீபெரும்புதூர் அருகே பிரபல ரவுடி விஷ்வா காவல்துறையினரால் என்கவுண்டரில் சுட்டுக்கொல்லப்பட்ட சம்பவம் பெரும் பரபரப்பை ஏற்படுத்தி உள்ளது.
காஞ்சிபுரம் மாவட்டம் ஸ்ரீபெரும்புதூர் காவல் எல்லைக்குட்பட்ட கிளாய் பகுதியைச் சேர்ந்தவர் பிரபல ரவுடி விஷ்வா. 38 வயதான இவர் மீது கொலை, கொலை முயற்சி, ஆட்கடத்தல் உள்ளிட்ட 10-க்கும் மேற்பட்ட வழக்குகள் நிலுவையில் உள்ளன. இதில், ஒரு வழக்கு தொடர்பாக காஞ்சிபுரம் மாவட்ட தனிப்படை போலீசார் விஷ்வாவை தேடி வந்தனர்.
இந்த நிலையில், சுங்குவார் சத்திரம் அருகே சோகண்டி பகுதியில் ரவுடி விஷ்வா பதுங்கி இருப்பதாக போலீசாருக்கு ரகசிய தகவல் கிடைத்தது. இதையடுத்து அப்பகுதிக்கு விரைந்த தனிப்படை போலீசார் விஷ்வாவை பிடிக்க முயன்ற போது போலீசாரை தாக்கிவிட்டு அவர் தப்ப முயன்றுள்ளார். அப்போது தற்காப்புக்காக போலீசார் சுட்டதில் ரவுடி விஷ்வா படுகாயமடைந்து சம்பவ இடத்திலேயே உயிரிழந்ததாக காவல்துறையினர் தகவல் தெரிவித்துள்ளனர். ரவுடி விஷ்வா தாக்கியதில், காவல் உதவி ஆய்வாளர் முரளிக்கு காயம் ஏற்பட்டது. தகவல் அறிந்த போலீஸ் உயர் அதிகாரிகள் சம்பவ இடத்திற்கு விரைந்துள்ளனர்.
சரித்தர பதிவேடு குற்றவாளியான விஷ்வா மீது பல்வேறு குற்ற வழக்குகள் நிலுவையில் உள்ளது. போலீசாரை தாக்கிவிட்டு தப்ப முயன்ற பிரபல ரவுடி விஷ்வா என்கவுண்டரில் சுட்டுக்கொல்லப்பட்ட சம்பவம் காஞ்சிபுரம், ஸ்ரீபெரும்புதூர் பகுதியில் பெரும் பரபரப்பை ஏற்படுத்தி உள்ளது.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், ஆன்மிகம், புகைப்பட கேலரி, வெப் ஸ்டோரி, வேலைவாய்ப்பு தகவல்கள், சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
