தமிழ் செய்திகள்  /  Tamilnadu  /  Devotees Attacked In Palani Murugan Temple

Palani Temple: முருக பக்தர்கள் மீது தாக்குதல்.. மண்டையை உடைத்த பாதுகாவலர்.. பழனி கோயிலில் பரபரப்பு!

Karthikeyan S HT Tamil
Jan 30, 2024 07:16 PM IST

பழனி முருகன் கோயிலில் காவடி எடுத்து வந்த பக்தர்கள் மீது தாக்குதல் நடத்தப்பட்ட சம்பவம் பரபரப்பை ஏற்படுத்தியுள்ளது.

பழனி முருகன் கோயிலில் போராட்டத்தில் ஈடுபட்டுள்ள முருக பக்தர்கள்.
பழனி முருகன் கோயிலில் போராட்டத்தில் ஈடுபட்டுள்ள முருக பக்தர்கள்.

ட்ரெண்டிங் செய்திகள்

இந்த நிலையில், பழனி மலை கோயிலுக்கு ஈரோடு, எடப்பாடியைச் சேர்ந்த பக்தர்கள் சாமி தரிசனம் செய்ய இன்று (ஜன.30) வருகை புரிந்தனர். இதில் ஈரோடு பக்தர்கள் காவடி எடுத்து செல்ல சிறப்பு வழி கோயில் நிர்வாகம் சார்பில் ஏற்பாடு செய்யப்பட்டிருந்தது. இதனிடையே, எடப்பாடி பக்தர்களும் முந்தியடித்துக் கொண்டு அந்த வழியாக உள்ளே நுழைய முயற்சி செய்தனர்.

இந்த நிலையில் கோயில் பாதுகாவலர்கள் மற்றும் அதிகாரிகள் எடப்பாடியைச் சேர்ந்த சந்திரன் என்பவரை இழுத்துக் கொண்டு சென்று தாக்கியதாகவும், இதில் அவரது மண்டை உடைத்ததாகவும் கூறப்படுகிறது. இந்த சம்பவத்தில் காயம் அடைந்த சந்திரன் மற்றும் அவரது மகன் ஆகிய இருவரும் பழனி மலைக்கோயில் உள்ள மருத்துவமனையில் அனுமதிக்கப்பட்டு சிகிச்சை பெற்று வருகின்றனர். 

இந்த நிலையில் எடப்பாடி சேர்ந்த பக்தர்கள் 500க்கும் மேற்பட்டோர் கோயில்ல் வளாகத்தில் நின்று போராட்டத்தில் ஈடுபட்டு வந்தனர். இதையடுத்து தகவல் அறிந்து சம்பவ இடத்துக்கு விரைந்து வந்த போலீசார் அவர்களுடன் பேச்சுவார்த்தை நடத்தி வருகின்றனர். தங்களை தாக்கிய பாதுகாவலர் வரும் வரை கலைந்து செல்ல மாட்டோம் என பக்தர்கள் கூறி வருவதால் அங்கு பெரும் பரபரப்பு நிலவி வருகிறது.

மேலும், கோயில் உதவி ஆணைய லட்சுமி அவர்கள் தாக்கியதாக கூறப்படும் கோயில் அதிகாரி மற்றும் பாதுகாவலர்களை சஸ்பெண்ட் செய்வதாக கூட்டத்தில் கூறினார். அதனைக் கேட்ட ஒரு பிரிவினர் சென்று விட்டார்கள். மற்றும் ஒரு பிரிவினர் அந்த பாதுகாவலர்கள் வரும் வரை நாங்கள் செல்ல மாட்டோம் என போராட்டத்தில் ஈடுபட்டு உள்ளனர். இதனால் அங்கு தொடர்ந்து பரபரப்பான சூழல் நிலவி வருகிறது.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

Google News: https://bit.ly/3onGqm9 

WhatsApp channel

டாபிக்ஸ்