Kovilpatti bus accident: தனியார் பஸ் - கார் மோதல்! 4 பேர் பலி

இந்த விபத்தில் காரில் பயணித்த கோவில்பட்டியை சேர்ந்த பிஎஸ்ஆர் பொறியியல் கல்லூரி மூன்றாம் ஆண்டு மாணவர்கள் செந்தில் குமார், அஜய், கார்த்திக் ஆகியோர் சம்பவ இடத்திலேயே பரிதாபமாக உயிரிழந்தனர்.

மாணவர்கள் அருண்குமார், விக்னேஷ், பேருந்தில் பயணித்த கூலித் தொழிலாளி மாடசாமி ஆகிய 3 பேர் பலத்த காயம் அடைந்தனர். இதையடுத்து காயமடைந்தவர்கள் கோவில்பட்டி அரசு மருத்துவமனையில் சிகிச்சைக்காக அனுப்பி வைக்கப்பட்டனர்.

இந்த விபத்து குறித்து தகவல் அறிந்த போலீசார் சம்பவ இடத்துக்கு விரைந்து சென்று உயிரிழந்த மூன்று பேரின் சடலத்தை கைப்பற்றி பிரேத பரிசோதனைக்காக கோவில்பட்டி அரசு மருத்துவமனைக்கு அனுப்பி வைத்தனர்

விபத்து தொடர்பாக கோவில்பட்டி மேற்கு காவல் நிலைய போலீசார் வழக்கு பதிந்து விசாரணை நடத்தி வருகின்றனர்.

தூத்துக்குடி அரசு மருத்துவ கல்லூரி மருத்துவமனையில் சிகிச்சை பெற்று வந்த மாணவர் விக்னேஷ், சிகிச்சை பலனின்றி உயிரிழந்தார் இதனால் இந்த விபத்தில் பலி எண்ணிக்கை நான்கு என உயர்ந்துள்ளது.