Vembakottai: அள்ள அள்ள ஆச்சரியம் தரும் வெம்பக்கோட்டை.. அகழாய்வில் தங்கத்தாலி..!

விருதுநகர் மாவட்டம் சாத்தூர் அருகே வெம்பக்கோட்டையில் விஜயகரிசல் குளத்தில் வைப்பாற்று கரையோரம் உச்சிமேடு பகுதியில் அகழாய்வு பணிகள் நடைபெற்று வருகின்றன. முதலாம் கட்ட அகழாய்வில் 3,254 பொருட்கள் வரை கண்டுபிடிக்கப்பட்டுள்ளது. 

இந்நிலையில் அந்த பொருள்கள் அந்த பகுதியில் பொதுமக்கள் மற்றும் பள்ளி மாணவ மாணவிகளுக்கான கண்காட்சிக்காக வைக்கப்பட்டுள்ளது. இந்நிலையில் இதே இடத்தில் இரண்டாம் கட்ட அகழாய்வு கடந்த ஏப்ரல் 6-ம் தேதி துவங்கி இதுவரை 16- குழிகள் தோண்டப்பட்டுள்ளது. இதில் சங்கு வளையல்கள், புகை பிடிப்பான் கருவி, சுடுமண்ணாலான பானை, பாசி மணிகள் உள்ளிட்ட 3,200-க்கும் மேற்பட்ட பொருள்கள் கண்டுபிடிக்கப்பட்டுள்ள நிலையில் தற்போது தங்கத்தாலி கண்டுபிடிக்கப்பட்டுள்ளது. இது 40 விழுக்காடு வரைமட்டும் தங்கம் கலக்கப்பட்ட தங்க தாலி என தெரிய வந்துள்ளது. தங்கத் தாலி 56 மில்லி கிராம் இருக்கும் என ஆராய்ச்சியாளர்கள் தெரிவித்துள்ளனர். அகழாய்வில் கண்டெடுக்கப்பட்டுள்ள தங்கத்தாலி இன்றைய நகைகளுடன் போட்டியிடும் வகையில் அத்தனை நேர்த்தியாக தயாரிக்கப்பட்டுள்ளது. 

மேலும் 40 விழுக்காடு மட்டும் தங்கம் கலக்கப்பட்ட தாலியை முன்னோர்கள் பயன்படுத்தியதாக ஆராய்ச்சியாளர்கள் தெரிவித்துள்ளனர். இதில் இருந்து அப்பகுதியில் வாழ்ந்த முன்னோர்கள் தங்கத்தால் ஆன நேர்த்தியான ஆபரணங்களை பயன்படுத்தி உள்ளனர் என ஆய்வாளர்கள் தெரிவித்துள்ளனர்.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9 

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.