தமிழ் செய்திகள்  /  விளையாட்டு  /  Utt 2024: அல்டிமேட் டேபிள் டென்னிஸ் 5வது சீசன்! இந்த முறை கூடுதலாக இரண்டு அணிகள் - புதிய பயிற்சியாளர்கள்

UTT 2024: அல்டிமேட் டேபிள் டென்னிஸ் 5வது சீசன்! இந்த முறை கூடுதலாக இரண்டு அணிகள் - புதிய பயிற்சியாளர்கள்

Muthu Vinayagam Kosalairaman HT Tamil
Jun 03, 2024 05:55 PM IST

அல்டிமேட் டேபிள் டென்னிஸ் 5வது சீசன் கூடுதலாக இரண்டு அணிகள் சேர்க்கப்பட்டுள்ளன. புதிய பயிற்சியாளர்கள் ஆக நான்கு இந்திய பயிற்சியாளர்கள் மற்றும் மூன்று வெளிநாட்டினர் இந்த சீசனில் யுடிடி அணியில் அறிமுகமாகவுள்ளனர்.

அல்டிமேட் டேபிள் டென்னிஸ் 5வது சீசனின் இந்த முறை கூடுதலாக இரண்டு அணிகள்
அல்டிமேட் டேபிள் டென்னிஸ் 5வது சீசனின் இந்த முறை கூடுதலாக இரண்டு அணிகள்

ட்ரெண்டிங் செய்திகள்

எட்டு அணிகளின் உரிமையாளர்கள்   ஒரு வெளிநாட்டு மற்றும் ஒரு இந்திய பயிற்சியாளரைத் தேர்ந்தெடுத்தனர். 

இரண்டு புதிய அணிகள் 

அல்டிமேட் டேபிள் டென்னிஸ் தொடரின் ஐந்தாவது சீசனாக இருக்கும் இந்த முறை அகமதாபாத் எஸ்ஜி பைபர்ஸ், ஜெய்ப்பூர் பேட்ரியாட்ஸ் ஆகியவை புதிய அணிகளாக சேர்க்கப்பட்டுள்ளன. இதனால் இந்த லீக் எட்டு அணிகளாக விரிவடைந்துள்ளது.

கடந்த சீசனில் கோவா சேலஞ்சர்ஸ் அணியை வெற்றிக்கு அழைத்துச் சென்ற நான்கு முறை ஒலிம்பியனான நெதர்லாந்தைச் சேர்ந்த எலினா டிமினாவை,பெங்களூரு ஸ்மாஷர்ஸ் தேர்வு செய்துள்ளது. 

அகமதாபாத் எஸ்ஜி பைபர்ஸ் அனுபவம் வாய்ந்த பிரான்சிஸ்கோ சாண்டோஸைத் தேர்ந்தெடுத்துள்ளது. இது அவரது ஐந்தாவது யுடிடி பங்கேற்பாக உள்ளது.  தபாங் டெல்லி டிடிசி மற்றும் ஜெய்ப்பூர் பேட்ரியாட்ஸ் முறையே இந்திய பயிற்சியாளர்கள் சச்சின் ஷெட்டி மற்றும் சோம்நாத் கோஷ் ஆகியோரை தேர்வு செய்தன.

புதிய பயிற்சியாளர்கள்

அகமதாபாத் எஸ்ஜி பைபர்ஸுடன் ஜெய் மோடக், பெங்களூரு ஸ்மாஷர்ஸுடன் அன்ஷுமன் ராய், கோவா சேலஞ்சர்ஸுடன் முன்னாள் தேசிய சாம்பியன் சுபாஜித் சாஹா மற்றும் சென்னை லயன்ஸ் அணியுடன் சுபின் குமார் ஆகிய நான்கு இந்திய பயிற்சியாளர்கள் இந்த சீசனில் யுடிடி அணியில் அறிமுகமாகவுள்ளனர். 

ஷெட்டி மற்றும் ஸ்லோவேனிய பயிற்சியாளர் வெஸ்னா ஓஜ்ஸ்டர்செக் ஆகியோரின் வெற்றிகரமான கூட்டணியை தபாங் டெல்லி டி.டி.சி மீண்டும் இணைத்தது. 

இங்கிலாந்து அணியின் தற்போதைய தலைமை பயிற்சியாளர் ஜான் மர்பியை, யு மும்பா தேர்வு செய்துள்ளது, அதே நேரத்தில் அன்ஷுல் கார்க்கை தக்க வைத்துக் கொண்டது குறிப்பிடத்தக்கது. 

கோவா சேலஞ்சர்ஸ் ஹங்கேரிய மகளிர் அணியின் பயிற்சியாளர் சோல்டன் பர்டோஃபியை தேர்வு செய்துள்ளது. மேலும் சென்னை லயன்ஸ் அணியை ஸ்வீடன் தேசிய அணியின் தலைமை பயிற்சியாளர் டோபியாஸ் பெர்க்மேன் வழிநடத்துகிறார்.

யுடிடி போட்டிகள் எப்போது?

ஆகஸ்ட் 22 முதல் செப்டம்பர் 7 வரை சென்னையில் திட்டமிடப்பட்டுள்ள வரவிருக்கும் சீசன், யுடிடியின் பயணத்தில் ஒரு அற்புதமான அத்தியாயமாக இருக்கும் என்று உறுதியளிக்கிறது. இந்திய டேபிள் டென்னிஸ் கூட்டமைப்பின் ஆதரவின் கீழ் உரிமையாளர் அடிப்படையிலான லீக்கை நீரஜ் பஜாஜ் மற்றும் விட்டா டானி ஆகியோர் ஊக்குவிக்கின்றனர்.

அணிகள் மற்றும் பயிற்சியாளர்கள் (தேர்வு வரிசையில்)

பெங்களூரு ஸ்மாஷர்ஸ்: எலினா டிமினா (நெதர்லாந்து), அன்ஷுமன் ராய்

அகமதாபாத் எஸ்ஜி பைபர்ஸ்: பிரான்சிஸ்கோ சாண்டோஸ் (போர்ச்சுகல்), ஜெய் மோடக்

தபாங் டெல்லி டிடிசி: சச்சின் ஷெட்டி, வெஸ்னா ஓஜ்ஸ்டர்செக் (ஸ்லோவேனியா)

யு மும்பா டிடி: ஜான் மர்பி (அயர்லாந்து), அன்ஷுல் கார்க்

கோவா சேலஞ்சர்ஸ்: சோல்டன் படோர்பி (ஹங்கேரி), சுபாஜித் சாஹா

புனேரி பால்டன் டேபிள் டென்னிஸ்: ஜார்க் பிட்ஜிஜியோ (ஜெர்மனி), பராக் அகர்வால்

ஜெய்ப்பூர் பேட்ரியாட்ஸ்: சோம்நாத் கோஷ், ரொனால்ட் ரெடெப் (குரோஷியா),

சென்னை லயன்ஸ்: டோபியாஸ் பெர்க்மன் (சுவீடன்), சுபின் குமார்

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:

ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.

WhatsApp channel

டாபிக்ஸ்