Ultimate Table Tennis: அல்டிமேட் டேபிள் டென்னிஸ் போட்டி தொடங்கும் தேதி அறிவிப்பு

சென்னை லயன்ஸ், புனேரி பல்தான் ஆகிய அணிகள் ஜூலை 13-ம் தேதி 4-வது சீசனின் தொடக்க ஆட்டத்தில் மோதுகின்றன.

சென்னை லயன்ஸ் அணி நடப்பு சாம்பியன் ஆகும். மகாராஷ்டிர மாநிலம், புனேவில் உள்ள பலேவாடி ஸ்போர்ட்ஸ் காம்ப்ளெக்ஸில் புனேரி பல்தானை சென்னை லயன்ஸ் அணி எதிர்கொள்கிறது.

அரையிறுதி ஜூலை 28ம் தேதியும், ஜூலை 29ம் தேதியும் நடைபெறவுள்ளது. ஜூலை 30ம் தேதி ஃபைனல் நடைபெறவுள்ளது.

பெங்களூரு ஸ்மாஷர்ஸ், தபாங் டெல்லி டிடிசி, கோவா சேலஞ்சர்ஸ் மற்றும் யு மும்பா டிடி ஆகியவை மற்ற நான்கு உரிமையாளர்கள் கோதாவில் குதிக்கின்றன.

பெங்களூர் ஸ்மாஷர்ஸ், யு மும்பா டிடி ஆகிய அணிகள் இந்தப் போட்டியின் 2வது ஆட்டத்தில் விளையாடவுள்ளது. ஜூலை 14ம் தேதி இந்தப் போட்டி நடக்கவுள்ளது.

டபாங் டெல்லி டிடிசி-கோவா சேலஞ்சர்ஸ் ஆகிய அணிகள் ஜூலை 15ம் தேதி மோதுகின்றன.

அரையிறுதி மற்றும் இறுதிப் போட்டி உட்பட மொத்தம் 18 விறுவிறுப்பான ஆட்டங்கள் இரவு 7.30 மணிக்கு தொடங்கி ஸ்போர்ட்ஸ் 18 மற்றும் ஜியோசினிமாவில் நேரடி ஒளிபரப்பு செய்யப்படுகிறது. ஜூலை 28, 29 ஆகிய தேதிகளில் அரையிறுதிப் போட்டிகளும், ஜூலை 30-ம் தேதி ஃபைனலும் நடைபெற உள்ளன.

இந்திய டேபிள் டென்னிஸ் சம்மேளனத்தின் ஏற்பாட்டில் இந்தப் போட்டிகள் நடைபெற உள்ளன.

யுடிடி சீசன் 4 இல் பிரபல ஆப்பிரிக்க டேபிள் டென்னிஸ் வீரர் குவாட்ரி அருணா (டபிள்யூஆர் 16) மற்றும் அமெரிக்காவின் லில்லி ஜாங் (டபிள்யூஆர் 24) உள்ளிட்ட முன்னணி உலகளாவிய நட்சத்திரங்கள் இந்திய நட்சத்திரங்களான சரத் கமல், மனிகா பத்ரா மற்றும் சத்யன் ஞானசேகரன் ஆகியோர் பங்கேற்கின்றனர்.

இளம் இந்திய வீரர்களை வெளிக் கொண்டுவரும் அல்டிமேட் டேபிள் டென்னிஸின், சீசன் 4 மீண்டும் வரவுள்ளது டேபிள் டென்னிஸ் ரசிகர்களை உற்சாகப்படுத்தியுள்ளது.

சீசன் 1 போட்டியில் சேஸ் சேலஞ்சர்ஸ் அணியும், சீசன் 2 போட்டியில் டபாங் டெல்லி டி.டி.சி. அணியும் சாம்பியன் பட்டம் வென்றன.