TNPL Today Match: நெல்லைக்கு எதிராக முழு ஆதிக்கம் - ஒரே போட்டியில் கோட்டுக்கு அந்த பக்கம் போன திண்டுக்கல்
நெல்லை அணிக்கு எதிராக பவுலிங், பேட்டிங் என ஆதிக்கம் செலுத்திய திண்டுக்கல் அணி வெற்றிப்பெற்றதுடன் புள்ளிப்பட்டியலிலும் அந்த இருந்த இரண்டாவது இடத்துக்கு முன்னேறியுள்ளது.
டிஎன்பிஎல் தொடரின் 23வது போட்டி நெல்லை ராயல் கிங்ஸ் - திண்டுக்கல் டிராகன்ஸ் அணிக்களுக்கு இடையே நடைபெற்றது. திருநெல்வேலி இந்தியா சிமெண்ட்ஸ் மைதானத்தில் நடைபெற்ற இந்த போட்டியில் முதலில் பேட் செய்த நெல்லை 7 விக்கெட் இழப்புக்கு 159 ரன்கள் எடுத்தது. அணியின் கேப்டன் அருண் கார்த்திக் அதிகபட்சமாக 39 ரன்கள் எடுத்தார். கடைசி கட்டத்தில் பேட் செய்த ஹரீஷ் 34 ரன்கள் எடுத்து பினிஷிங் கொடுத்தார்.
திண்டுக்கல் பவுலர்களி்ல சுபோத் பாட்டி, மதிவாணன் ஆகியோர் தலா 2 விக்கெட்டுகளை எடுத்தனர். அணியின் ஸ்டிரைக் பவுலரான வருண் சக்கரவர்த்தி 15 ரன்கள் மட்டுமே விட்டுக்கொடுத்து 1 விக்கெட் எடுத்தார்.
இதைத்தொடர்ந்து 160 ரன்கள் சேஸ் செய்த திண்டுக்கல் அணி, 19.3 ஓவரில் இலக்கை எட்டி வெற்றி பெற்றது. ஓபனிங் பேட்ஸ்மேன்கள் விமல் குமார் - ஷிவம் குமார் ஆகியோர் முதல் விக்கெட்டுக்கு 117 ரன்கள் பார்ட்னர்ஷிப் அமைத்தனர். விமல் குமார் 62, ஷிவம் சிங் 51 ரன்கள் எடுத்தனர்.
இந்த வெற்றிக்கு முன்னர் திண்டுக்கல் அணி மூன்றாவது இடத்திலும், நெல்லை அணி இரண்டாவது இடத்திலும் இருந்தன. இதைத்தொடர்ந்து பவுலிங், பேட்டிங் என சிறப்பாக செயல்பட்டு வெற்றி பெற்ற திண்டுக்கல் தற்போது புள்ளிப்பட்டியலில் இரண்டாவது இடத்துக்கு முன்னேறியுள்ளது. இதனால் குவாலியர் போட்டியை விளையாடும் வாய்ப்பை பிரகாசமாக்கியுள்ளது.
இன்னும் இவ்விரு அணிகளுக்கும் ஒரு போட்டி எஞ்சியுள்ளன. திண்டுக்கல் தனது கடைசி போட்டியில் சேலம் அணியையும், நெல்லை அணி, திருச்சியையும் எதிர்கொள்கின்றன.
