TNPL Today Match: முதல் இடத்துக்கான போட்டி! திண்டுக்கல் மீதான ஆதிக்கத்தை தொடரும் முனைப்பில் சேப்பாக் அணி
புள்ளிப்பட்டியலில் டாப் இடத்தை பிடிப்பதற்கான போட்டியாக திண்டுக்கல் டிராகன்ஸ் - சேப்பாக் சூப்பர் கில்லிஸ் அணிகள் மோதும் இன்றைய போட்டி அமைந்துள்ளது. தற்போது முதல் இடத்தில் இருக்கும் திண்டுக்கல் அணி அதை தக்கவைத்துக்கொள்ள முயற்சியில் ஈடுபடும் என எதிர்பார்க்கலாம்.
டிஎன்பிஎல் 2023 தொடரில் இன்று இரண்டு போட்டிகள் நடைபெறவுள்ளன. முதல் போட்டியில் திண்டுக்கல் டிராகன்ஸ் - சேப்பாக் சூப்பர் கில்லிஸ் அணிகள் மோதுகின்றன. இந்த இரு அணிகளும் இதுவரை மோதிக்கொண்ட 5 முறையும் சேப்பாக் அணியே வெற்றி பெற்று ஆதிக்கம் செலுத்தியுள்ளது.
ஆனால் நடப்பு சீசனில் விளையாடிய இரண்டு போட்டிகளிலும் வெற்றி பெற்று திண்டுக்கல் அணி புள்ளிப்பட்டியலில் முதல் இடத்தில் உள்ளது. சேப்பாக் கில்லிஸ் அணியை பொறுத்தவரை முதல் இரண்டு போட்டிகளில் வெற்றி பெற்றாலும் கடந்த போட்டியில் லைக்கா கோவை கிங்ஸ் அணிக்கு எதிராக தோல்வியை தழுவியது. தற்போது புள்ளிப்பட்டியலில் 3வது இடத்தில் உள்ளது.
இன்றைபோட்டியில் வெற்றி பெறும் அணி புள்ளிப்பட்டியலில் முதல் இடத்துக்கு முன்னேறும். இதையடுத்து இந்த போட்டியானது மாலை 3.15 மணிக்கு திண்டுக்கல் என்பிஆர் காலேஜ் மைதானத்தில் நடைபெறுகிறது.
திண்டுக்கல் அணியில் பேட்டிங்கில் ஆதித்யா கணேஷ், பாபா இந்திரஜித் ஆகியோர் முக்கிய வீரர்களாக உள்ளனர். பவுலிங்கில் ரவிச்சந்திரன் அஸ்வின், வருண் சக்கரவர்த்தி என சிறப்பான ஸ்பின் அட்டாக்கை கொண்ட அணியாக உள்ளது.
தற்போது வரை 3 போட்டிகளில் விளையாடியுள்ள வருண் சக்கரவர்த்தி 7 விக்கெட்டுகளை வீழ்த்தி, இந்த சீசனில் அதிக விக்கெட்டுகள் வீழ்த்தியவர்கள் பட்டியலில் டாப் இடத்தில் உள்ளார்.
சேப்பாக் சூப்பர் கில்லிஸ் அணியை பொறுத்தவரை பாபா அப்ரஜித், நாரயண் ஜெகதீசன், உதிராசாமி சசிதேவ், ராஜகோபால் சதீஷ் ஆகியோர் உள்ளனர். பவுலிங்கில் ராஹில் ஷா, ஹரீஷ்குமார் ஆகியோர் உள்ளனர்.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
