TNPL Match Preview: நெல்லையை எதிர்கொள்கிறது சேப்பாக் சூப்பர் கில்லீஸ்-சேலம் மைதானம் எப்படி?

சேலத்தில் இன்று பிற்பகல் 3.15 மணிக்கு இந்த ஆட்டம் தொடங்குகிறது.

முந்தைய ஆட்டத்தில் சேலம் ஸ்பார்ட்டன்ஸை வீழ்த்திவிட்டு உற்சாகத்துடன் வருகிறது நெல்லை ராயல் கிங்ஸ்.

அதேநேரம், சேப்பாக் சூப்பர் கில்லீஸ் திண்டுக்கலிடம் முந்தைய ஆட்டத்தில் தோல்வி அடைந்திருக்கிறது.

நெல்லை ராயல் கிங்ஸ் அணி இதுவரை 4 ஆட்டங்களில் விளையாடி அதில் 3 இல் ஜெயித்துள்ளது. 1 இல் மட்டும் தோல்வி அடைந்துள்ளது. மொத்தம் 6 புள்ளிகளை பெற்றுள்ளது.

சேப்பாக் சூப்பர் கில்லீஸ் 4 ஆட்டங்களில் விளையாடி 2 இல் தோல்வி 2 இல் வெற்றியுடன் 4 புள்ளிகளுடன் உள்ளது.

நெல்லை அணி புள்ளிப் பட்டியலில் 3வது இடத்திலும், சேப்பாக் அணி 4வது இடத்திலும் உள்ளன.

சேலம் எஸ்.சி.எஃப் மைதானம் ஸ்பின் பவுலிங்கிற்கு சாதகமானது. பேட்டிங் செய்யும் அணி ஃபில்டிங் கட்டுப்பாடுகளை கடந்து பந்து அடித்து விரட்ட வேண்டும்.

டாஸ் ஜெயிக்கும் அணி, முதலில் பவுலிங்கை தேர்வு செய்யவே அதிகம் வாய்ப்பிருப்பதாக கூறப்படுகிறது.

நெல்லை ராயல் கிங்ஸ்

1.ஸ்ரீ நெரஞ்சன் ஆர், 2. அருண் கார்த்திக்(கேப்டன்), 3. அஜிதேஷ் ஜி(டபிள்யூகே), 4. ரித்திக் ஈஸ்வரன்(விக்கெட் கீப்பர்), 5. சோனு யாதவ், 6. பி சுகேந்திரன், 7. லக்ஷ்மேஷா சூர்யபிரகாஷ், 8. எஸ் லக்ஷய் ஜெயின், 9. என்எஸ் ஹரீஷ், 10. எம் பொய்யாமொழி, 11. சந்தீப் வாரியர்

சேப்பாக் சூப்பர் கில்லீஸ்

1.சந்தோஷ் ஷிவ், 2. நாராயண் ஜெகதீசன்(கேப்டன்), 3. பிரதோஷ் ரஞ்சன் பால் (விக்கெட் கீப்பர்), 4. பாபா அபராஜித், 5. சஞ்சய் யாதவ், 6. ஹரிஷ் எஸ் குமார், 7. உத்திரசாமி சசிதேவ், 8. ராமலிங்கன் ரோஹித் , 9. லோகேஷ் ராஜ், 10. ரஹில் ஷா, 11. பி ராக்கி

தமிழ்நாடு பிரீமியர் லீக் (Tamil Nadu Premier League) ஆண்டுதோறும் நடைபெறும் ஓர் உள்ளூர் கிரிக்கெட் போட்டி ஆகும்.

இந்தப் போட்டிகள் மூலம் பல இளம் வீரர்களின் திறமைகள் அடையாளம் காணப்படும் என்பதில் மாற்றுக் கருத்து இருக்க முடியாது.

2016-இல் தமிழ்நாடு கிரிக்கெட் சங்கத்தால் தொடங்கப்பட்ட இந்தப் போட்டி, இந்தியன் ப்ரீமியர் லீக் போட்டி போன்று தமிழக அளவில் நடைபெறும் கிரிக்கெட் தொடர் ஆகும். 7வது சீசன் போட்டி தற்போது நடைபெற்று வருகிறது.

இதுவரை லைக்கா கோவை கிங்ஸ் அணி, நெல்லை ராயல் கிங்ஸ், சேப்பாக் சூப்பர் கில்லீஸ், திண்டுக்கல் டிராகன்ஸ் ஆகிய அணிகள் வெற்றி பெற்றுள்ளன.