PKL Points Table: ப்ரோ கபடி லீக் புள்ளிப் பட்டியலில் முதலிடம் பிடித்த அணி!
இன்றைய ஆட்டத்தில் ஜெய்ப்பூர், டபாங் டெல்லி அணி மோதும் ஆட்டம், இரவு 8 மணிக்கும், தமிழ் தலைவாஸ்-குஜராத் ஜெயன்ட்ஸ் மோதும் ஆட்டம் இரவு 9 மணிக்கு நடைபெறவுள்ளது.
செவ்வாய்கிழமை நடைபெற்ற புரோ கபடி லீக் சீசன் 10 ஆட்டத்தில் புனேரி பல்தான் ஆதிக்கம் செலுத்தி 46-28 என்ற புள்ளிக்கணக்கில் பாட்னா பைரேட்ஸ் அணியை வீழ்த்தியது.
பங்கஜ் மோஹித் சூப்பர் 10 ஐ கொண்டு வந்ததால் ஆட்டத்தின் நட்சத்திரமாக இருந்தார், அபினேஷ் நடராஜன் ஹை 5 உடன் முடித்தார்.
புனேரி பல்தான், கடந்த வாரம் தொடர்ந்து மூன்று ஆட்டங்களில் வெற்றி பெற்ற பிறகு தற்போது நேற்றைய ஆட்டத்திலும் சிறப்பாக செயல்பட்டு வெற்றி பெற்றது.
புனேரி பல்தான் அணி ரெய்டு மூலம், 25 புள்ளிகளையும், சூப்பர் ரெய்டு மூலம் 2 புள்ளிகளையும், டேக்கிள் புள்ளிகள் மூலம் 15 ரெய்டுகளையும் பெற்றது.
ஆல் அவுட் பாயிண்ட்ஸ் 6 கிடைத்தது. பங்கஜ் மோஹித் 10 ரெய்டு புள்ளிகளையும், 1 டேக்கிள் புள்ளியையும் எடுத்தார்.
மோஹித் கோயத் 7 புள்ளிகளை ரெய்டு மூலமும் 2 புள்ளிகளை டேக்கிள் மூலமும் எடுத்தார்.
அஸ்லாம் இனாம்தர் ரெய்டு, டேக்கிள் மூலம் தலா 2 புள்ளிகளை பெற்றார். பாட்னா பைரேட்ஸ் அணி ரெய்டு மூலம் 17 புள்ளிகளையும், சூப்பர் ரெய்டு மூலம் ஒரு புள்ளி கூட எடுக்கவில்லை.
டேக்கிள் பாயிண்டுகள் 8-ஐ பாட்னா எடுத்தது. எக்ட்ரா பாயிண்ட் மூலம் 3 பாயிண்ட் பாட்னாவுக்கு கிடைத்தது.
பாட்னா வீரர் சச்சின், ரெய்டு மூலம் 2, டேக்கிள் மூலம் 2, போனஸ் மூலம் 4 என மொத்தம் 8 பாயிண்டுகளை அணிக்காக எடுத்துக் கொடுத்தார்.
இந்த வெற்றியின் மூலம், புள்ளிப் பட்டியலில் முதலிடத்திற்கு வந்தது புனேரி பல்தான். ஒரே ஒரு தோல்வி மூலம் அந்த அணி 31 புள்ளிகளை பெற்று முதலிடத்தில் உள்ளது.
பாட்னா இந்த சீசனில் இதுவரை ஒரே ஒரு வெற்றியை மட்டுமே பெற்றுள்ளது. அந்த அணி 17 புள்ளிகளுடன் 9வது இடத்தில் உள்ளது.
இதனிடையே, இன்றைய ஆட்டத்தில் ஜெய்ப்பூர், டபாங் டெல்லி அணி மோதும் ஆட்டம், இரவு 8 மணிக்கும், தமிழ் தலைவாஸ்-குஜராத் ஜெயன்ட்ஸ் மோதும் ஆட்டம் இரவு 9 மணிக்கு நடைபெறவுள்ளது.
ப்ரோ கபடி லீக் சீசன் 10
புரோ கபடி என்பது Mashal ஸ்போர்ட்ஸ் பிரைவேட் லிமிடெட் மற்றும் டிஸ்னி ஸ்டார் நிறுவனங்களின் முன்னோடி முயற்சியாகும். கடந்த 2014-ம் ஆண்டு தொடங்கப்பட்ட கபடி விளையாட்டில் அதிரடியான புதுமைகளை புகுத்தி, வீரர்களுக்கும், ரசிகர்களுக்கும் ஆர்வத்தை தூண்டும் விளையாட்டாக உருவெடுத்துள்ளது. இந்திய அமெச்சூர் கபடி சம்மேளனத்தின் (ஏ.கே.எஃப்.ஐ) ஆதரவுடன், சர்வதேச கபடி கூட்டமைப்பு (ஐ.கே.எஃப்) மற்றும் ஆசிய கபடி கூட்டமைப்பு (ஏ.கே.எஃப்) ஆகியவற்றின் பங்கேற்பு உறுப்பினர்களின் ஆதரவுடன், லீக் கடந்த சீசன்களில் மிகப்பெரிய வளர்ச்சியைக் கண்டது. இப்போது 10வது சீசன் கபடி நடக்கிறது.
டாபிக்ஸ்