The Ashes: மெக்கல்லம், பென் ஸ்டோக்ஸ் கூட்டணியில் இப்படி நடப்பது இதுவே முதல்முறை

இங்கிலாந்து அணி 4வது டெஸ்டில் சிறப்பாக செயல்பட்ட போதிலும் அவ்வாறு நடந்தது அந்த அணியின் ரசிகர்களுக்கு அதிர்ச்சியாக அமைந்தது.

முதல் இரண்டு டெஸ்டில் ஆஸ்திரேலியா வெற்றி பெற்ற நிலையில், 3வது டெஸ்டில் இங்கிலாந்து வென்றது.

இதையடுத்து, நான்காவது டெஸ்டிலும் இங்கிலாந்து வெற பெற கடுமையாக முயற்சி செய்தது.

திட்டமிட்டபடி, மான்செஸ்டரில் கடந்த 19ம் தேதி போட்டி தொடங்கியது.

இங்கிலாந்து அமி டாஸ் வென்று பவுலிங்கைத் தேர்வு செய்தது. இதையடுத்து, முதலில் விளையாடிய ஆஸ்திரேலியா முதல் இன்னிங்ஸில் 317 ரன்களை எடுத்தது.பின்னர் விளையாடிய இங்கிலாந்து 592 ரன்கள் குவித்தது.

பின்னர் ஆஸி., 2வது இன்னிங்ஸை தொடங்கியது. அந்த அணி 5 விக்கெட் இழப்புக்கு 214 ரன்கள் எடுத்திருந்தது. கடைசி நாளில் மழை இடைவிடாது பெய்து கொண்டிருந்ததால், ஆஸி., பின்னிலையில் இருந்தபோதிலும் ஆட்டம் டிரா என அறிவிக்கப்பட்டுவிட்டது.

2-1 என்ற கணக்கில் ஆஷஸ் தொடரை தக்க வைத்துள்ளது ஆஸ்திரேலியா. வரும் 27ம் தேதி 5வது டெஸ்ட் போட்டி தொடங்குகிறது.

இந்தப் போட்டியில் ஆஸி., ஜெயித்தால் தொடரை 3-1 என்ற கணக்கில் கைப்பற்றும்.

ஆஸி., கேப்டன் பேட் கம்மின்ஸ் கூறுகையில், "நாங்கள் ஆஷஸ் தொடரை தக்க வைத்துள்ளோம். ஆனால், இது எங்களுக்குச் சிறந்த வாரமாக அமையவில்லை. அடுத்த போட்டி எப்படி இருக்கும் என்பதில் இப்போதே ஆர்வமாக இருக்கிறோம். 2019 இல் எப்படி இருந்தோமோ அதே போன்று தான் இந்தப் போட்டித் தொடரிலும் செயல்பட்டு வருகிறோம்" என்றார் கம்மின்ஸ்.

இங்கிலாந்து கேப்டன் பென் ஸ்டோக்ஸ் கூறுகையில், "நாங்கள் மிகச் சிறப்பாக செயல்பட்டோம். ஆனால், இப்படி ஆகும் என எதிர்பார்க்கவில்லை" என்றார்.

பென் ஸ்டோக்ஸ், பயிற்சியாளர் பிராண்டன் மெக்கலம் ஆகியோரின் தலைமையில் கடந்த 17 டெஸ்ட்களில் முதல் முறையாக ஒரு டெஸ்ட் டிரா ஆகியிருக்கிறது. 2-2 என்பது நன்றாக இருக்கும். அதற்காக முயற்சிப்போம். 3-1 ஆக விட மாட்டோம்" என்றார்.