The Ashes 2nd Test: சில சாதனைகளை படைக்க காத்திருக்கும் வீரர்கள், ஆஷஸ் டெஸ்டில் 2வது ஆட்டம் இன்று
England vs Australia: டெஸ்ட் கிரிக்கெட்டில் 500 விக்கெட்டுகள் என்ற மைல்கல்லை எட்டுவதற்கு ஆஸி., பவுலர் நாதன் லயன் இன்னும் 5 விக்கெட்டுகள் குறைவாக உள்ளார்.
வரலாற்றுச் சிறப்புமிக்க ஆஷஸ் டெஸ்ட் போட்டி தொடர் இங்கிலாந்து நடைபெற்று வருகிறது. முதல் டெஸ்ட் ஆட்டத்தில் ஆஸ்திரேலியா வெற்றி பெற்றது.
இத்தொடரின் 2வது டெஸ்ட் கிரிக்கெட் போட்டி இங்கிலாந்தின் லார்ட்ஸ் மைதானத்தில் இந்திய நேரப்படி பிற்பகல் 3.30 மணிக்கு தொடங்குகிறது.
கடந்த ஆஷஸ் தொடரில் ஆஸ்திரேலிய சாம்பியன் ஆகியுள்ளது. உலக டெஸ்ட் சாம்பியன்ஷிப்பிலும் வென்று பக்கா ஃபார்மில் உள்ளது ஆஸ்திரேலியா.
முதல் டெஸ்டில் இங்கிலாந்து சீறிப் பாய்ந்தபோதிலும் கடைசி கட்டத்தில் கோட்டை விட்டது. இதனால், ஆஸ்திரேலியா 2 விக்கெட் வித்தியாசத்தில் அந்த அணி ஜெயித்தது.
இரண்டாவது டெஸ்டில் எப்படியாவது ஜெயிக்க வேண்டும் என்ற தீவிர முனைப்புடன் இங்கிலாந்து விளையாடும். ஆஸ்திரேலியாவும் வெற்றியைத் தக்க வைக்க போராடும்.
டெஸ்ட் கிரிக்கெட்டில் 500 விக்கெட்டுகள் என்ற மைல்கல்லை எட்டுவதற்கு ஆஸி., பவுலர் நாதன் லயன் இன்னும் 5 விக்கெட்டுகள் குறைவாக உள்ளார்.
அதை இந்த டெஸ்டில் கடந்து சாதனைப் படைக்க வாய்ப்புள்ளது.
ஆஷஸ் கோப்பையை 35-வது முறையாக தக்கவைத்துக்கொள்ள ஆஸ்திரேலியா இன்னும் இரண்டு வெற்றிகளை பெற்றால் போதும்.
முதல் டெஸ்டில் இங்கிலாந்து டாஸ் வென்று, முதலில் பேட்டிங் செய்யத் தீர்மானித்தது. தொடக்க ஆட்டக்காரர்கள் அவர்களை ஒரு நல்ல தொடக்கத்திற்கு அழைத்துச் சென்று 70 ரன்கள் பார்ட்னர்ஷிப்பை உருவாக்கினர்.
நாதன் லயன் ஒல்லி போப்பை தேர்வு செய்து பார்ட்னர்ஷிப்பை முடித்தார். ஜாக் கிராவ்லி (61), ஜானி பேர்ஸ்டோவ் (78) ஆகியோரின் அரைசதம் மற்றும் ஜோ ரூட்டின் (118) அபார சதத்தால் அந்த அணி 393/8 ரன்களை குவித்தது.
முதல் இன்னிங்ஸில் 393 ரன்கள் குவித்து டிக்ளேர் செய்தது இங்கிலாந்து. இதையடுத்து ஆஸி., அணி 386 ரன்கள் எடுத்து ஆல் அவுட்டானது.
இதையடுத்து, இரண்டாவது இன்னிங்ஸை விளையாடிய இங்கிலாந்து 273 ரன்களை குவித்தது.
பின்னர் சேஸிங் செய்து 282 ரன்கள் எடுத்து வெற்றி கண்டது ஆஸ்திரேலியா.
டெஸ்ட் கிரிக்கெட்டில் 9000 ரன்களை எட்ட ஆஸி., வீரர் ஸ்டீவன் ஸ்மித் (8969) இன்னும் 31 ரன்கள் தேவை.
இங்கிலாந்து வீரர் பென் ஸ்டோக்ஸ் டெஸ்ட் கிரிக்கெட்டில் 200 விக்கெட்டுகள் என்ற மைல்கல்லை எட்ட நான்கு விக்கெட்டுகள் தேவை.
டேவிட் வார்னர் அனைத்து விதமான போட்டிகளிலும் 200 கேட்ச்களை எட்டுவதற்கு இன்னும் ஒரு கேட்ச் பிடித்தால் போதும்.
ஆஸி., பவுலர் ஜோஷ் ஹேசில்வுட் சர்வதேச போட்டிகளில் 400 விக்கெட்டுகளை எடுக்க ஒன்பது விக்கெட்டுகள் தேவை.
சில சாதனைகள் நிகழ்வதற்கான வாய்ப்புள்ள இந்த இரண்டாவது ஆஷஸ் டெஸ்ட் போட்டியும் சிறப்பாக இருக்கும் என்பதில் சந்தேகமில்லை.
டாபிக்ஸ்