Lionel Messi: இன்டர் மியாமி அணியில் லயோனல் மெஸ்ஸி.. இனி ஆட்டம் வேற மாதிரி இருக்கும்!
நட்சத்திர கால்பந்தாட்ட வீரர் லயோனல் மெஸ்ஸி அமெரிக்க இன்டர் மியாமி அணியில் இணைந்தார்.
அர்ஜெண்டினா கால்பந்து அணியின் நட்சத்திர வீரரான லயோனல் மெஸ்ஸிக்கு உலகம் முழுவதும் ரசிகர்கள் உள்ளனர். இவர் தற்போது அமெரிக்காவில் உள்ள இன்டர்நியாமி கால்பந்து ஆட்ட கிளப் அணியில் இணைந்துள்ளார். இந்த செய்தி அதிகாரப்பூர்வமாக அறிவிக்கப்பட்டுள்ளது.
கால்பந்தாட்ட வீரர் லயோனல் மெஸ்ஸி, பார்சிலோனா அணிக்காக நீண்ட காலம் விளையாடி வந்தார். அந்த அணியின் நிர்வாகத்துடன் ஏற்பட்ட கருத்து வேறுபாடு காரணமாக வெளியேறினார்.
அதன் பின்னர் இரண்டு ஆண்டுகள் பாரிஸ் செயிண்ட் ஜெர்மைன் அணிக்காக விளையாட ஒப்பந்தம் செய்யப்பட்டார். கடந்த வாரம் அந்த ஒப்பந்தம் முடிவுக்கு வந்தது. அதன் காரணமாக அந்த அணியை விட்டு விலகினார்.
அதற்குப் பிறகு அவர் எந்த அணியில் இணைவார் என உலகம் முழுவதும் எதிர்பார்ப்பு அதிகரித்தது. அதேசமயம் மெஸ்ஸியின் பழைய அணியான பார்சிலோனா அணியுடன் இணைவார் என எதிர்பார்க்கப்பட்டது.
இதனை மெஸ்ஸியின் தந்தை ஜார்ஜ் மெஸ்ஸியும், பார்சிலோனா அணியின் தலைவர் இருவரும் எதிர்பார்ப்பைக் கிட்டத்தட்ட உறுதி செய்து விட்டனர். இதற்கு இடையில் அமெரிக்க இன்டர் மியாமி கிளப் அணியும், சவுதி அரேபியா அல் ஹிலால் அணியும் மெஸ்ஸியை ஒப்பந்தம் செய்ய முயன்று வருவதாகக் கூறப்பட்டது.
இந்நிலையில் அமெரிக்க இன்டர் மியாமி அணியை லயோனல் மெஸ்ஸி தேர்வு செய்துள்ளார். இதுகுறித்து கடந்த மாதம் தொடக்கத்தில் லயோனல் மெஸ்ஸி இந்த தகவலை உறுதி செய்தார்.
அப்போது அவர், இன்டர் மியாமி அணியுடன் நான் இணைகிறேன். இது நூறு சதவீதம் உறுதியாகும். பணம்தான் முக்கிய தேவை என்றால் சவுதி அரேபியாவின் கிளப்பில் நான் இணைந்திருப்பேன். எனது எண்ணம் அப்படி அல்ல, பணம் சார்ந்து நான் யோசிக்கவில்லை என தெரிவித்தார்.
தற்போது அமெரிக்க இன்டர் மியாமி அணியில் லயோனல் மெஸ்ஸி இணைந்தது அதிகாரப்பூர்வமாக வெளியிடப்பட்டுள்ளது. லயோனல் மெஸ்ஸி இணைந்ததை இன்டர்நியாமி கிளப் தனது பீட்டர் பக்கத்தில் வீடியோ வெளியிட்டு உறுதி செய்துள்ளது.
பிஃபா உலகக் கோப்பை கால்பந்து தொடர் வரும் 2026 ஆம் ஆண்டு கனடா, மெக்சிகோ, அமெரிக்காவில் நடைபெற உள்ளது. அமெரிக்கா அண்ணியுடன் மெஸ்ஸி இணைந்திருப்பது புதிய எதிர்பார்ப்பை அதிகப்படுத்தியுள்ளது.
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
டாபிக்ஸ்