Rifle: ரைபிள் நேஷனல் செலக்ஷன் டிரையல்: தமிழக வீரர் ஸ்ரீ கார்த்திக் வெற்றி

அனிஷ் பன்வாலா, ஸ்ரீ கர்திக் சபரி ராஜ் மற்றும் நிஷ்சல் ஆகியோர் தற்போது நடைபெற்று வரும் குரூப் ஏ ரைபிள்/பிஸ்டல் நேஷனல் செலக்ஷன் டிரையல் 5 மற்றும் டிரையல் 6 இல் முதல் வெற்றியாளர்கள் ஆகினர்.

இந்தப் போட்டி டெல்லியில் டாக்டர் கர்னி சிங் துப்பாக்கி சுடுதல் ரேஞ்சில் நடைபெற்று வருகிறது.

சனிக்கிழமை தொடங்கி ஞாயிற்றுக்கிழமை முடிவடைந்த ஆடவருக்கான ஆர்.எஃப்.பி தகுதிச் சுற்றில் அனிஷ் 600-க்கு 584 புள்ளிகள் பெற்றார்.

இறுதிப் போட்டியில், தலா ஐந்து ரேபிட் ஃபயர் ஷாட்டுகளின் எட்டு தொடர்களில் 40-க்கு 35 புள்ளிகள் எடுத்தார்.

ஆடவருக்கான 10 மீட்டர் ஏர் ரைபிள் துப்பாக்கி சுடுதல் போட்டியில், தமிழக வீரர் கார்த்திக் சபரி ராஜ், இறுதிப்போட்டியில் அசாமின் ஹிருதய் ஹசாரிகாவை 0.2 புள்ளிகள் வித்தியாசத்தில் வீழ்த்தினார். கார்த்திக் 253.2 புள்ளிகள் பெற்றார். பஞ்சாபின் அர்ஜூன் பாபுதா 231.5 புள்ளிகளுடன் மூன்றாவது இடத்தில் உள்ளார்.

தகுதிச் சுற்றில் ஸ்ரீ கார்த்திக் 633.5 புள்ளிகளுடன் முதலிடத்தைப் பிடித்தார். தகுதிச் சுற்றில் ஹிருதய் ஐந்தாவது இடத்தைப் பிடித்தார்.

ராஜஸ்தானின் பவேஷ் ஷெகாவத் 29 புள்ளிகளுடன் 2-வது இடத்திலும், பஞ்சாபின் அன்ஹத் ஜவாண்டா 22 ரன்களுடன் 3-வது இடத்திலும் உள்ளனர்.

மகளிர் 3பி பிரிவில், போபால் உலகக் கோப்பை வெண்கலப் பதக்கம் வென்ற பஞ்சாபின் சிஃப்ட் கவுர் சாம்ரா, 592 புள்ளிகளுடன் முதலிடத்தில் இருந்தார். ஹரியானாவின் நிஷ்சல் 585 புள்ளிகளுடன் எட்டாவது மற்றும் இறுதி தகுதி இடத்தைப் பிடித்தார். ஆனால் இறுதிப் போட்டியில் மிகவும் நிலையாக இருந்து, முதல் இரண்டு இடங்களுக்குள் இருந்தார். பெரும்பாலும் முன்னணியில் இருந்தார்.

இறுதியாக 457.7 புள்ளிகளுடன் இறுதிப் போட்டியில் வெற்றி பெற்றார், இது குஜராத்தின் அனுபவமிக்க லஜ்ஜா கோஸ்வாமியை விட வெறும் 0.4 புள்ளிகள் அதிகம். ஒடிசாவின் ஸ்ரேயாங்கா சதாங்கி 446.7 புள்ளிகளுடன் மூன்றாவது இடத்தில் உள்ளார்.