Pro Kabaddi League 2023: மூன்று புள்ளிகள் வித்தியாசம்! யுபி யோதாஸ் அணியை தோற்கடித்த யு மும்பா
புரோ கபடி லீக் தொடரின் இரண்டாவது போட்டியில் யு மும்பா அணி, யுபி யோதாஸ் அணியை வீழ்த்தி வெற்றி பெற்றுள்ளது.
புரோ கபடி லீக் 10வது சீசன் கோலாகலமாக இன்று தொடங்கியுள்ளது. இதையடுத்து இந்த சீசனின் இரண்டாவது போட்டியில் யு மும்பா - யுபி யோதாஸ் அணிகள் மோதின. குஜராத் ஜெயிண்ட்ஸ் - தெலுங்கு டைட்டன்ஸ் போட்டிக்கு அடுத்தபடியாக அகமதாபாத்திலுள்ள ஈகேஏ அரீனாவில் நடைபெற்றது.
இந்தப் போட்டியில் 34 - 31 புள்ளி கணக்கில் யு மும்பா அணி வெற்றி பெற்றுள்ளன. இரு அணிகளும் ரெய்ட் புள்ளிகளாக தலா 19 பாயிண்ட்களை பெற்றன. அதேபோல் இரண்டு அணிகளும் சூப்பர் ரெய்ட் புள்ளிகள் எடுக்கவில்லை.
டேக்கில் புள்ளி 13, ஆல் ஆவுட் 2 என எடுத்தது யு மும்பா அணி. எக்ஸ்ட்ரா புள்ளிகள் பெறவில்லை.
யுபி யோதாஸ் அணியை பொறுத்தவரை டேக்கில் பாயிண்ட் 8, ஆல் அவுட் பாயிண்ட் 2, எக்ஸ்ட்ரா பாயிண்ட் 2 எடுத்துள்ளது. யு மும்பா அணி 5 புள்ளிகள் எடுத்து புள்ளிப்பட்டியலில் இரண்டாவது இடத்தை பிடித்துள்ளது. யு மும்பா அணி முதல் போட்டியில் 3 புள்ளிகள் வித்தியாசத்தில் வெற்றி பெற்றது.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
டாபிக்ஸ்