தமிழ் செய்திகள்  /  Sports  /  Pkl 2024: Bengaluru Bulls Loss Against Puneri Paltan, Jaipur Contionues Its Form By Beating Dabbang Delhi

PKL 2024: பெங்களுரு ப்ளேஆஃப் கனவுக்கு செக்! உச்சகட்ட பார்மை தொடரும் புனேரி பல்தால், ஜெய்ப்பூர் பிங்க் பேந்தர்ஸ்

Muthu Vinayagam Kosalairaman HT Tamil
Feb 08, 2024 04:00 AM IST

ப்ளேஆஃப்புக்கு தகுதி பெற்றபோதிலும் பார்மை தக்க வைத்துக்கொள்ளும் விதமாக ஜெய்ப்பூர் பிங்க் பேந்தர்ஸ், புனேரி பல்தான் அணிகளும் ஆட்டத்தை வெளிப்படுத்தின.

பிப்ரவரி 7ஆம் தேதி போட்டியில் பெங்களுரு வீரர் தப்பிக்க விடாமல் பிடிக்கும் புனேரி வீரர்கள் (இடது), டெல்லி வீரரை அலேக்காக தூக்கிய ஜெய்ப்பூர் வீரர்கள்
பிப்ரவரி 7ஆம் தேதி போட்டியில் பெங்களுரு வீரர் தப்பிக்க விடாமல் பிடிக்கும் புனேரி வீரர்கள் (இடது), டெல்லி வீரரை அலேக்காக தூக்கிய ஜெய்ப்பூர் வீரர்கள்

ட்ரெண்டிங் செய்திகள்

புனேரி பல்தான் ஏற்கனவே ப்ளேஆஃப் சுற்றுக்கு தகுதி பெற்ற நிலையில், டென்ஷன் இல்லாமல் இந்த ஆட்டத்தில் களமிறங்கியது. பெங்களருவை பொறுத்தவரை கட்டாய வெற்றியாக இந்த போட்டி அமைந்திருந்தது. தற்போது 7வது இடத்தில் இருக்கும் இந்த அணி வெற்றி பெற்றால் மட்டுமே ப்ளேஆஃப் வாய்ப்பை பெற முடியும். ஆனால் இந்த போட்டியில் முதல் பாதி, இரண்டாவது பாதி என முழுவதுமாக புனேரி அணி ஆதிக்கம் செலுத்தியது.

புனேரி பல்தான் வெற்றி

இந்த ஆட்டத்தில் முதல் பாதி ரெயிடிலும், இரண்டாவது பாதி டேக்கிளிலும் புனேரி அணியும், முதல் பாதி டேக்கிளிலும், இரண்டாவது பாதி ரெயிடிலும் பெங்களுரு அணி முன்னிலை பெற்றது. முழு ஆட்ட நேர முடிவில் 40-31 என்ற புள்ளிக்கணக்கில் புனேரி பல்தான் அணி பெங்களுரு புல்ஸ் அணியை வீழ்த்தியது.

இதையடுத்து போட்டியில் புனேரி பல்தான் அணி 20 ரெயிட், 16 டேக்கிள், 2 ஆல்அவுட், 2 எக்ஸ்ட்ரா புள்ளிகளை பெற்றது. சூப்பர் ரெயிட் புள்ளிகள் பெறவில்லை. பெங்களுரு புல்ஸ் அணி அணி 17 ரெயிட், 14 டேக்கிள் புள்ளிகளை பெற்றது. ஆல்அவுட், எக்ஸ்ட்ரா புள்ளிகளை பெறவில்லை. ஒரேயொரு சூப்பர் ரெயிட் புள்ளிகள் மட்டும் பெற்றது.

புனேரி பல்தான் வீரர் அஸ்லாம் இனாம்தார் 5 ரெயிட், 2 டேக்கிள், 4 போனஸ் என 11 புள்ளிகளை பெற்றார். பெங்களுரு புல்ஸ் வீரர் சுஷில் 8 ரெயிட், 1 போனஸ் என 9 புள்ளிகளை பெற்றார்.\

இந்த சீசனில் இரு அணிகளுக்கு இடையிலான இரண்டு மோதல்களிலும் புனேரி பல்தான் அணியே வெற்றி பெற்றுள்ளது

தபாங் டெல்லி vs ஜெய்ப்பூர் பிங்க் பேந்தர்ஸ்

ப்ரோ கபடி லீக் தொடர் 110வது போட்டி தபாங் டெல்லி, ஜெய்ப்பூர் பிங்க் பேந்தர்ஸ் அணிகளுக்கு இடையே நடைபெற்றது. ஆட்டத்தின் முதல் பாதி ஜெய்ப்பூர் பிங்க் பேந்தர்ஸ் அணியும், இரண்டாம் பாதி தபாங் டெல்லி அணியும் ஆதிக்கம் செலுத்தின.

முதல் பாதி ரெயிட், டேக்கிள் என முன்னிலை வகித்தது ஜெய்ப்பூர் பிங்க் பேந்தர்ஸ். இரண்டாம் பாதியில் ரெயிடில் கோட்டை விட்டு டேக்கிளில் மட்டும் முன்னிலையை தக்க வைத்து கொண்டது. முழு ஆட்ட நேர முடிவில் 27-22 என்ற புள்ளி கணக்கில் தபாங் டெல்லி அணியை ஜெய்ப்பூர் பிங்க் பேந்தர்ஸ் வீழ்த்தியது

ஜெய்ப்பூர் பிங்க் பேந்தர்ஸ் அணி 14 ரெயிட், 10 டேக்கிள், 1 ஆல்அவுட், ஒரு எக்ஸ்ட்ரா புள்ளிகளை பெற்றது. சூப்பர் ரெயிட் புள்ளிகள் எதுவும் பெறவில்லை.

குஜராத் ஜெயிண்ட்ஸ் அணி 15 ரெயிட், 18 டேக்கிள் புள்ளிகளை பெற்றது. ஆல்அவுட், எக்ஸ்ட்ரா, சூப்பர் ரெயிட் புள்ளிகள் எதுவும் பெறவில்லை.

ஜெய்ப்பூர் பிங்க் பேந்தர்ஸ் வீரர் வினய் 8 ரெயிட், 2 போனஸ் என 10 புள்ளிகளை பெற்று டாப் வீரராக உள்ளார். தபாங் டெல்லி வீரர் ஆஷு மாலிக் 7 ரெயிட், 2 போனஸ் என 9 புள்ளிகளை பெற்று அந்த அணியின் டாப் வீரராக உள்ளார்.

இந்த இரு அணிகளுக்கும் இடையே நடந்த முதல் போட்டியில் டிராவில் முடிந்தது. இதைத்தொடர்ந்து இரண்டாவது போட்டியில் டெல்லியை வீழ்த்தியுள்ளது ஜெய்ப்பூர் பிங்க் பேந்தர்ஸ்.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

Google News: https://bit.ly/3onGqm9 

WhatsApp channel

டாபிக்ஸ்