PKL 2023: யுபி யோதாஸ் முதல் வெற்றி! எதிரணிக்கு அதிக புள்ளிகளை தாரைவார்த்திருக்கும் தெலுங்கு டைட்டன்ஸ்
தெலுங்கு டைட்டன்ஸ் அணிக்கு எதிராக சிறப்பான ஆட்டத்தை வெளிப்படுத்தி சீசனின் முதல் வெற்றியை ருசித்துள்ளது. தெலுங்கு டைட்டன்ஸ் இரண்டு தொடர் தோல்விகளுடன் அதிக புள்ளிகளையும் எதிரணிக்கு விட்டுக்கொடுத்த அணியாக உள்ளது.
புரோ கபடி லீக் 2023 தொடரின் எட்டாவது நாளான இன்று நடைபெற்ற இரண்டாவது போட்டியில் யுபி யோதாஸ் - தெலுங்கு டைட்டன்ஸ் அணிகள் மோதின. தொடக்கம் முதலே தெலுங்கு டைட்டன்ஸ் அணிக்கு எதிராக ஆதிக்கம் செலுத்தி வந்த யுபி யோதாஸ் முழு ஆட்ட நேர முடிவில் 48-33 என்ற மிகப் பெற வித்தியாசத்தில் வென்றது. அத்துடன் தொடரின் முதல் வெற்றியையும் பெற்றது.
இன்றைய போட்டியில் யுபி யோதாஸ் அணி 22 ரெயிட் புள்ளிகள், 16 டேக்கிள், 6 ஆல்அவுட், 4 எக்ஸ்ட்ரா புள்ளிகளை பெற்றுள்ளது. ஒரேயொரு சூப்பர் ரெய்டு புள்ளிகளை பெற்றது.
தெலுங்கு டைட்டன்ஸ் அணி 21 ரெயிட், 12 டேக்கிள் புள்ளிகள் மட்டுமே பெற்றன. ஆல்அவுட், எக்ஸ்ட்ரா, சூப்பர் ரெயிட் புள்ளிகள் என எதுவும் எடுக்கவில்லை.
முதல் போட்டியை போல் இன்றைய போட்டியிலும் சிறப்பாக விளையாடிய யுபி யோதாஸ் வீரர் சுரேந்தர் கில், அதிகபட்சமாக 14 புள்ளிகளை பெற்றார். இவர் 12 ரெயிட், 2 போனஸ் புள்ளிகளை எடுத்தார்.
இன்று தனது இரண்டாவது போட்டியில் களமிறங்கிய யுபி யோதாஸ் வெற்றி பெற்றுள்ளது. இது இந்த சீசனில் யுபி யோதாஸ் அணி பெறும் முதல் வெற்றியாகும்.
விளையாடிய இரண்டு போட்டிகளிலும் தோல்வியை தழுவிய தெலுங்கு டைட்டன்ஸ் அணிக்கு எதிராக 28 புள்ளிகள் எடுக்கப்பட்டுள்ளன. இதுவே அதிகபட்ச புள்ளிகளாக உள்ளது.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
டாபிக்ஸ்