PKL 2023: தமிழ் தலைவாஸ் இரண்டாவது தோல்வி! யு மும்பா அணிக்கு எதிராக மோசமான ஆட்டம்

யு மும்பா அணி சிறப்பாக விளையாடி புள்ளிகளை பெற, அவர்களுக்கு ஈடு கொடுக்கும் வகையில் தமிழ் தலைவாஸ் அணியும் விளையாடின. ஆனால் புள்ளி பெறுவதற்காக தமிழ் தலைவாஸ் மேற்கொண்ட முயற்சிகள் அனைத்தும் பலன் அளிக்காமல் போக, முழு ஆட்ட நேர முடிவில் 46-33 புள்ளி கணக்கில் யு மும்பா அணி வெற்றி பெற்றது.

இன்றைய போட்டியில் யு மும்பா அணி 26 ரெயிட், 14 டேக்கிள், 4 ஆல்அவுட், 2 எக்ஸ்ட்ரா புள்ளிகளை பெற்றுள்ளது. இரண்டு சூப்பர் ரெயிட் புள்ளிகளையும் பெற்றுள்ளது.

தமிழ் தலைவாஸ் அணி 23 ரெயிட், 10 டேக்கிள் புள்ளிகள் மட்டுமே பெற்றது. ஆல்அவுட், எக்ஸ்ட்ரா, சூப்பர் ரெயிட் புள்ளிகள் என எதுவும் பெறவில்லை.

யு மும்பா வீரர் குமான் சிங் 8 ரெயிட், 1 டேக்கிள், 3 போனஸ் உள்பட 11 புள்ளிகளை பெற்று டாப் வீரராக உள்ளார்.

யு மும்பா அணி 5 போட்டிகளில் 3 வெற்றியுடன், 16 புள்ளிகளை பெற்று நான்காவது இடத்தில் உள்ளது. தமிழ் தலைவாஸ் அணி தனது நான்காவது போட்டியில் இரண்டாவது தோல்வியை தழுவி 10 புள்ளிகளுடன் 11வது இடத்தில் கீழே இறங்கியுள்ளது.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9