PKL 2023: பெங்கால் வாரியர்ஸ் அணியை வீழ்த்திய யு மும்பா! புள்ளிப்பட்டியலில் டுவிஸ்ட்
பெங்கால் வாரியர்ஸ் அணியை வீழ்த்திய யு மும்பா அணி நான்காவது வெற்றியை பெற்றுள்ளது. மூன்று வெற்றிகளை மட்டுமே பெற்றிருந்தாலும் பெங்கால் வாரியர்ஸ் புள்ளிப்பட்டியலில் யு மும்பா அணியை விட முன்னணியில் உள்ளது.
புரோ கபடி லீக் 2023 தொடர் சென்னையிலுள்ள ஜவர்ஹர்லால் மைதானத்தில் இருக்கும் எஸ்டாட் இண்டோர் ஸ்டேடியத்தில் நடைபெற்று வருகிறது. இதையடுத்து தொடரின் 38வது போட்டி, இன்றைய நாளின் முதல் போட்டியில் யு மும்பா - பெங்கால் வாரியர்ஸ் அணிகள் மோதின.
வலுவான பெங்கால் வாரியர்ஸ் அணிக்கு எதிராக சிறப்பான ஆட்டத்தை வெளிப்படுத்தியது யு மும்பா அணி. முழு ஆட்ட நேர முடிவில் 39-37 என்ற புள்ளி கணக்கில் யு மும்பா அணி பெங்கால் வாரியர்ஸ் அணியை வீழ்த்தியது.
இந்த போட்டியில் யு மும்பா அணி 20 ரெயிட், 14 டேக்கிள், 2 ஆல்அவுட், 3 எக்ஸ்ட்ரா புள்ளிகளை பெற்றது. சூப்பர் ரெயிட் புள்ளிகள் எதுவும் பெற்வில்லை.
பெங்கால் வாரியர்ஸ் அணி 21 ரெயிட், 13 டேக்கிள், 2 ஆல்அவுட், ஒரு எக்ஸ்ட்ரா புள்ளிகளை பெற்றது. சூப்பர் ரெயிட் புள்ளிகள் எதுவும் பெறவில்லை.U
அதே போல் பெங்கால் வாரியர்ஸ் வீரர் மனிந்தர் சிங் 8 ரெயிட், 3 போனஸ் என 11 புள்ளிகளை பெற்று சிறந்த வீரராக உள்ளார்.
யு மும்பா அணி 6 போட்டிகளில் நான்காவது வெற்றியை பெற்றுள்ளது. பெங்கால் வாரியர்ஸ் அணி 7 போட்டிகளில் 3 வெற்றிகளை பெற்றபோதிலும் 22 புள்ளிகளுடன் யு மும்பா அணியை விட ஒரு புள்ளி அதிகமாக பெற்று புள்ளிப்பட்டியலில் 4வது இடத்தில் உள்ளது.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
டாபிக்ஸ்