PKL 2023: ஹாட்ரிக் வெற்றியை பெற்ற ஹரியானா ஸ்டீலர்ஸ்! புனேரி பல்தான்ஸ் தோல்வி
முதல் போட்டிக்கு பின்னர் சிறப்பான ஆட்டத்தை வெளிப்படுத்தி வரும் ஹரியானா ஸ்டீலர்ஸ், புனேரி பல்தான் அணியை வீழ்த்தி வெற்றி பயணத்தை தொடர்கிறது.
புரோ கபடி லீக் 2023 தொடரின் போட்டிகள் அகமதாபாத், பெங்களுரு நகரங்களுக்கு அடுத்தபடியாக தற்போது புனேவில் உள்ள பலேவாடி ஸ்போர்ட்ஸ் காம்பிளக்ஸ் மைதானத்தில் நடைபெறுகிறது. இதையடுத்து இன்று நடைபெற்ற இரண்டாவது போட்டியில் புனேரி பல்தான்ஸ் - ஹரியானா ஸ்டீலர்ஸ் அணிகள் மோதின. தொடரில் சிறந்த அணியாகவும், எதிரணி மீது ஆதிக்கம் செலுத்தும் அணியாக இருந்து வந்த ஹரியானா ஸ்டீலர்ஸ், புனேரி பல்தான்ஸ் அணியை வீழ்த்தி ஹாட்ரிக் வெற்றி பெற்றது. முழு ஆட்ட நேர முடிவில் 44-39 என்ற புள்ளி கணக்கில் ஹரியானா வெற்றியடைந்தது.
இன்றைய போட்டியில் ஹரியானா அணி 23 ரெயிட், 15 டேக்கிள், 4 ஆல்அவுட், 2 எக்ஸ்ட்ரா புள்ளிகளை பெற்றது. ஒரு சூப்பர் ரெயிட் புள்ளியையும் பெற்றது.
புனேரி பல்தான் அணி 22 ரெயிட், 11 டேக்கிள், 2 ஆல்அவுட், 4 எக்ஸ்ட்ரா புள்ளிகளை பெற்றுள்ளது. இவர்களும் ஒரு சூப்பர் ரெயிட் புள்ளியை பெற்றனர்.
ஹரியானா ஸ்டீலர்ஸ் அணி வீரர் வினய் 10 ரெயிட், 1 போனஸ் என 15 புள்ளிகளை பெற்று டாப் வீரராக உள்ளார். முதல் போட்டியில் தோல்விக்கு பின்னர் அடுத்தடுத்து மூன்று வெற்றிகளை பெற்றுள்ளது ஹரியானா ஸ்டீலர்ஸ் அணி. அத்துடன் தொடரில் மிகவும் சவால் மிக்க அணியாகவும் உருமாறி வருகிறது.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
டாபிக்ஸ்