PKL 2023: இரண்டாவது தொடர் தோல்வி! தடுமாறும் தமிழ் தலைவாஸ் - பாட்னா பைரேட்ஸ் அசத்தல் வெற்றி
உள்ளூர் ரசிகர்கள் முன்னிலையில் சிறப்பான ஆட்டத்தை வெளிப்படுத்த தவறிய தமிழ் தலைவாஸ் அணி தொடர்ந்து இரண்டாவது தோல்வியை சந்தித்துள்ளது .
புரோ கபடி லீக் 2023 தொடர் அகமதாபாத், பெங்களுரு, புனே நகரங்களை தொடர்ந்து தற்போது நான்காவது கட்டமாக சென்னையில் நடைபெறுகிறது. இந்த தொடரின் 34வது போட்டியும், இன்றைய நாளின் முதல் போட்டியும் சென்னை ஜவஹர்லால் நேரு மைதனத்தில் தமிழ் தலைவாஸ் - பாட்னா பைரேட்ஸ் அணிகளுக்கு இடையே நடைபெற்றது.
உள்ளூர் ரசிகர்கள் முன்னிலையில் சிறப்பான ஆட்டத்தை தமிழ் தலைவாஸ் வெளிப்படுத்தும் என எதிர்பார்க்கப்பட்ட நிலையில், பாட்னா பைரேட்ஸ் அணியின் அசத்தலான ஆட்டத்தில் சரணடைந்தது. முழு ஆட்ட நேர முடிவில் 46-33 என்ற புள்ளி கணக்கில் பாட்னா பைரேட்ஸ் வெற்றி பெற்றது. 13 புள்ளிகளை வித்தியாசத்தில் தமிழ் தலைவாஸ் தோல்வியை தழுவியது.
இந்த போட்டியில் பாட்னா பைரேட்ஸ் அணி 29 ரெயிட், 12 டேக்கிள், 4 ஆல்அவுட், ஒரு எக்ஸ்ட்ரா புள்ளிகளை பெற்றது. ஒரு சூப்பர் ரெயிட் புள்ளியும் பெற்றது.
தமிழ் தலைவாஸ் அணி 21 ரெயிட், 9 டேக்கிள், 2 ஆல்அவுட், ஒரு எக்ஸ்ட்ரா புள்ளிகளை பெற்றது. சூப்பர் ரெயிட் புள்ளிகள் எதுவும் பெறவில்லை.
பாட்னா பைரேட்ஸ் வீரர் சுதாகர் 7 ரெயிட், 4 போனஸ் என 11 புள்ளிகளை பெற்று டாப் வீரராக உள்ளார்.
தமிழ் தலைவாஸ் அணி தொடர்ச்சியாக இரண்டு தோல்விகளை பெற்று, புள்ளிப்பட்டியலில் 10 புள்ளிகளுடன் தொடர்ந்து 11வது இடத்திலேயே உள்ளது.
பாட்னா பைரேட் அணி 6 போட்டிகளில் 3 வெற்றி, 3 தோல்விகளுடன் 17 புள்ளிகளை பெற்று 6வது இடத்தில் உள்ளது.
விளையாடிய 5 போட்டிகளில் 2 வெற்றிகளை மட்டும் பெற்றிருக்கும் தமிழ் தலைவாஸ் அணி மீண்டும் வெற்றி பாதைக்கு திரும்பி கம்பேக் கொடுக்க வேண்டிய கட்டாயத்தில் உள்ளது.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
டாபிக்ஸ்