PKL 2023: 25 புள்ளிகள் வித்தியாசத்தில் வெற்றி! பெங்களுரு புல்ஸ் அணியை புரட்டி எடுத்த புனேரி பல்தான்
பெங்களுரு புல்ஸ் அணியை புரட்டி எடுத்த புனேரி பல்தான் அணி 25 புள்ளிகள் வித்தியாசத்தில் மிகப் பெரிய வெற்றியை பெற்றுள்ளது.
புரோ கபடி லீக் 2023 தொடரின் புனே பலேவாடி ஸ்போர்ஸ் கிளப் மைதானத்தில் இன்று கடைசி நாள் போட்டி நடைபெற்றது. இதையடுத்து இன்று நடைபெற்ற முதல் போட்டியில் ஜெயப்பூர் பிங்க் பேந்தர்ஸ் அணி, யுபி யோதாஸ் அணியை வீழ்த்தி வெற்றி பெற்றது.
இதன் பின்னர் நடைபெற்ற இரண்டாவது போட்டியில் புனேரி பல்தான் - பெங்களுரு புல்ஸ் அணிகள் மோதின. சிறப்பாக விளையாடிய புனேரி அணியின் ஆட்டத்துக்கு ஈடுகொடுக்க முடியாத பெங்களுரு புல்ஸ் அணி சரணடைந்தது. முழு ஆட்ட நேர முடிவில் 43-18 என்ற புள்ளிகணக்கில் பெங்களுரு அணி தோல்வியை தழுவியது. புனேரி பல்தான் அணி 25 புள்ளிகள் வித்தியாசத்தில் மிகப் பெரிய வெற்றியை பெற்றது.
இன்றைய போட்டியில் புனேரி பல்தான் அணி 17 ரெயிட், 17 டேக்கிள், 6 ஆல்அவுட், 3 எக்ஸ்ட்ரா புள்ளிகளை பெற்றுள்ளது. சூப்பர் ரெயிட் புள்ளிகள் பெறவில்லை.
பெங்களுரு புல்ஸ் அணி 10 ரெயிட், 8 டேக்கிள் புள்ளிகள் மட்டுமே பெற்றது. ஆல்அவுட், எக்ஸ்ட்ரா சூப்பர் ரெயிட் புள்ளிகள் என எதுவும் பெறவில்லை.
புனேரி பல்தான் அணி வீரர் மோஹிக் கோயத் 7 ரெயிட், 1 டேக்கிள், என 8 புள்ளிகளை பெற்று டாப் வீரராக உள்ளார்.
தொடர்ச்சியாக சிறப்பான ஆட்டத்தை வெளிப்படுத்தி வரும் புனேரி பல்தான் அணி விளையாடிய 6 போட்டிகளில் 5 வெற்றிகளை பெற்று 26 புள்ளிகளுடன் முதல் இடத்தில் உள்ளது.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
டாபிக்ஸ்