PKL 2023: 30 புள்ளிகள் வித்தியாசத்தில் மிரட்டல் வெற்றி! பெங்கால் வாரியர்ஸ் அணியை புரட்டி எடுத்த புனேரி பல்தான்
நேற்று ஹரியானாவுக்கு எதிராக தோல்வியை தழுவிய புனேரி பல்தான், இன்று பெங்கால் வாரியர்ஸ் அணியை புரட்டி எடுத்து மிகப் பெரிய வெற்றியை பதிவு செய்துள்ளது.
புரோ கபடி லீக் 2023 தொடர் புனேவில் உள்ள பலேவாடி ஸ்போர்ட்ஸ் காம்பிளக்ஸ் மைதானத்தில் நடைபெறுகிறது. இதில் இன்று நடைபெற்ற முதல் போட்டியில் புனேரி பல்தான் - பெங்கால் வாரியர்ஸ் அணிகள் மோதின. உள்ளூர் ரசிகர்களுக்கு மத்தியில், அவர்களின் ஆதரவுடன் சிறப்பான ஆட்டத்தை வெளிப்படுத்திய புனேரி பல்தாஸ், முழு ஆட்ட நேர முடிவில் 49-19 என்ற புள்ளி கணக்கில் மிகப் பெரிய வெற்றியை பெற்றது.
30 புள்ளிகள் வித்தியாசத்தில் புனேரி பல்தான் அணி வெற்றி பெற்றிருக்கும் நிலையில், இந்த சீசனின் மிகப் பெரிய வெற்றியாக இது அமைந்துள்ளது. இது புனேரி பல்தான் அணிக்கும் இரண்டாவது வெற்றியாகும்.
இன்றைய போட்டியில் புனேரி பல்தான் அணி 16 ரெயிட், 24 டேக்கிள், 6 ஆல்அவுட், 3 எக்ஸ்ட்ரா புள்ளிகளை பெற்றுள்ளது. சூப்பர் ரெயிட் புள்ளி எதுவும் பெறவில்லை.
பெங்கால் வாரியர்ஸ் அணி 14 ரெயிட், 3 டேக்கிள், 2 எக்ஸ்ட்ரா புள்ளிகளை பெற்றது. 2 சூப்பர் ரெயிட் புள்ளிகளை பெற்ற போதிலும், ஆல்அவுட் புள்ளிகள் எதுவும் பெறவில்லை.
யு மும்பா அணி வீரர் அமீர்முகமது ஜஃபர்தானேஷ் சிறப்பான ஆட்டத்தை வெளிப்படுத்தினார். இவர் 10 ரெயிட், 3 போனஸ் என 13 புள்ளிகளை பெற்று டாப் வீரராக உள்ளார்.
புனேரி பல்தான் வீரர் மோஹித் கோயத் 7 ரெயிட், 2 டேக்கிள், 3 போனஸ் புள்ளிகளுடன் மொத்தம் 12 புள்ளிகளை பெற்று டாப் வீரராக உள்ளார்.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
டாபிக்ஸ்