PKL 2023: தெலுங்கு அணியை பந்தாடிய பாட்னா வீரர்கள்! 22 புள்ளிகளில் வெற்றி
புரோ கபடி 2023 தொடரில் இன்று நடைபெற்ற முதல் போட்டியில் பாட்னா பைரேட்ஸ் அணி 22 புள்ளிகள் வித்தியாசத்தில் தெலுங்கு டைட்டன்ஸ் அணியை வீழ்த்தி வெற்றி பெற்றுள்ளது.
புரோ கபடி லீக் சீசன் 10 தொடரின் ஐந்தாம் நாளான இன்று தெலுங்கு டைட்டன்ஸ் - பாட்னா பைரேட்ஸ் அணிகளுக்கு இடையிலான போட்டி அகமதாபாத்திலுள்ள ஈகேஏ அரேனா ஸ்டேடியத்தில் நடைபெற்றது.
தெலுங்கு டைட்டன்ஸ் அணிக்கு இரண்டாவது போட்டிாக இது அமைந்துள்ளது. பாட்னை பைரட்ஸ் அணி முதல் போட்டியில் களமிறங்கிய நிலையில், தெலுங்கு அணிக்கு எதிராக முழுமையாக ஆதிக்கம் செலுத்தியது.
இந்தப் போட்டியில் 50-28 என்ற கணக்கில் தெலுங்கு டைட்டன்ஸ் அணியை, பாட்னா பைரேட்ஸ் அணி வீழ்த்தியது. 22 புள்ளிகள் வித்தியாசத்தில் வெற்றி பெற்றிருக்கும் பாட்னா அணி, 6 புள்ளிகளை பெற்று புள்ளிப்பட்டியலில் இரண்டாவது இடத்தை பிடித்துள்ளது.
இந்த சீசனில் முதல் போட்டியில் குஜராத் அணிக்கு எதிராக மோதிய தெலுங்கு டைட்டன்ஸ் தோல்வியை தழுவியது. இதையடுத்து தனது இரண்டாவது போட்டியில் பாட்னா அணிக்கு எதிராக கம்பேக் கொடுக்கும் என எதிர்பார்க்கப்பட்ட நிலையில் பெரிய அளவில் தாக்கத்தை ஏற்படுத்தவில்லை.
இந்த போட்டியில் பாட்னா அணி 24 ரெய்ட் புள்ளிகள், ஒரு சூப்பர் ரெய்ட், 16 டேக்கிள் புள்ளிகள் உள்பட 6 ஆல்அவுட் புள்ளிகள் மற்றும் 4 எக்ஸ்ட்ரா பாயிண்ட்களை பெற்று அனைத்து நிலைகளிலும் முழு ஆதிக்கம் செலுத்தியது.
தெலுங்கு அணி 17 ரெய்ட் புள்ளிகள், 1 சூப்பர் ரெயிட் புள்ளிகள், 9 டேக்கிள் புள்ளிகள் மற்றும் 2 எக்ஸ்ட்ரா புள்ளிகளை பெற்றது. ஆல்அவுட் புள்ளிகளை எடுக்கவில்லை.
பாட்னா வீரர் சச்சின் 14 ரெய்ட் புள்ளிகள் பெற்று இன்றைய ஆட்டத்தின் டாப் வீரராக ஜொலித்தார்
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
டாபிக்ஸ்