PKL 2023: பரபரப்பான ஆட்டம்! சமனில் முடிந்த பெங்கால் வாரியர்ஸ் - ஜெயிப்பூர் பிங்க் பேந்தர்ஸ் போட்டி
இந்த சீசனில் முதலாவது டிரா போட்டியாக பெங்கால் வாரியர்ஸ் - ஜெயிப்பூர் பிங்க் பேந்தர்ஸ் அணிகளுக்கு மோதிய போட்டி அமைந்துள்ளது.
புரோ கபடி லீக் தொடரில் இன்று நடைபெற்ற போட்டியில் பெங்கால் வாரியர்ஸ் - ஜெயிப்பூர் பிங்க் பேந்தர்ஸ் அணிகள் மோதின. பரபரப்பாக சென்ற இந்த போட்டி 28-28 என்ற புள்ளிக்கணக்கில் சமன் ஆனது.
பெங்கால் வாரியர்ஸ் அணி 16 ரெயிட், 7 டேக்கள், 2 ஆல்அவுட், 3 எக்ஸ்ட்ரா புள்ளிகளை பெற்றது. ஜெயிப்பூர் அணி 17 ரெயிட், 9 டேக்கிள், 2 எக்ஸ்ட்ரா புள்ளிகளை பெற்றுள்ளது. ஆல்அவுட் புள்ளிகளை ஜெயிப்பூர் அணி பெறவில்லை.
இரண்டு அணிகளும் சூப்பர் ரெயிட் புள்ளிகள் எதுவும் எடுக்கவில்லை. அத்துடன் இந்த சீசனில் சமனில் முடிவுற்ற முதல் போட்டியாக இன்றைய ஆட்டம் அமைந்துள்ளது.
ஜெயிப்பூர் வீரர் பவானி ராஜ்புட் 6 ரெயிட், 4 போனஸ் என 10 புள்ளிகளை பெற்று இன்றைய போட்டியில் டாப் வீரராக இருக்கிறார்.
ஜெயிப்பூர் அணி விளையாடிய இரண்டு போட்டிகளில் ஒரு தோல்வி, ஒரு டிரா என புள்ளிப்பட்டியலில் 8வது இடத்தில் உள்ளது.பெங்கால் வாரியர்ஸ் அணியை பொறுத்தவரை 2 போட்டிகளில் ஒரு வெற்றி, ஒரு டிரா என இரண்டாவது இடத்தில் உள்ளது.
டாபிக்ஸ்