PKL 2023: முதல் வெற்றியை பதிவு செய்த ஹரியானா ஸ்டீலர்ஸ்! நான்காவது தொடர் தோல்வியுடன் பெங்களுரு புல்ஸ்
விளையாடிய நான்கு போட்டிகளிலும் தோல்வியை தழுவி வெற்றிக்கணக்கை இன்னும் தொடங்காமலேயே உள்ளது பெங்களுரு புல்ஸ். ஹரியானா ஸ்டீலர்ஸ் முதல் வெற்றியை பதிவு செய்துள்ளது
புரோ கபடி லீக் 2023 தொடரின் எட்டாவது நாளான இன்று நடைபெற்ற முதல் போட்டியில் பெங்களுரு புல்ஸ் - ஹரியானா ஸ்டீலர்ஸ் அணிகள் மோதின. தொடர்ச்சியாக இரண்டாவது நாளாக பெங்களுரு அணி இன்றைய போட்டியில் களமிறங்கியது. ஹரியானா அணியின் அற்புத ஆட்டத்துக்கு எதிராக அடிபணிந்தது பெங்களுரு புல்ஸ். இந்த போட்டியில் 38-32 புள்ளிக்கணக்கில் ஹரியானா அணி வெற்றி பெற்றது. இதன் மூலம் தொடரின் முதல் வெற்றியை ஹரியானா அணி பதிவு செய்ததது.
இன்றைய போட்டியில் ஹரியானா ஸ்டீலர்ஸ் அணி 16 ரெயிட் புள்ளிகள், 16 டேக்கிள், 4 ஆல்அவுட், 2 எக்ஸ்ட்ரா புள்ளிகளை பெற்றுள்ளது. சூப்பர் ரெய்டு புள்ளிகள் எடுக்கவில்லை.
பெங்களுரு புல்ஸ் அணியை பொறுத்தவரை 19 ரெயிட், 10 டேக்கிள், 2 ஆல்அவுட், ஒரு எக்ஸ்ட்ரா புள்ளிகளை பெற்றுள்ளது. அத்துடன் ஒரு சூப்பர் ரெயிட் புள்ளிகளையும் பெற்றுள்ளது.
தோல்வி அடைந்த போதிலும் பெங்களுரு புல்ஸ் அணி வீரர் பரத் சிறப்பான ஆட்டத்தை வெளிப்படுத்தி அதிகபட்சமாக 14 புள்ளிகளை பெற்றார். இவர் 11 ரெயிட், 3 போனஸ் புள்ளிகளை எடுத்தார்.
புரோ கபடி லீக் 2023 தொடரில் இதுவரை அதிகபட்சமாக 4 போட்டிகள் விளையாடிய பெங்களுரு புல்ஸ், அனைத்து போட்டிகளிலும் தோல்வியை தழுவி வெற்றிக்கணக்கை தொடங்காமலேயே உள்ளது.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
டாபிக்ஸ்