PKL 2023: நடப்பு சாம்பியன் ஜெய்ப்பூரை வீழ்த்தி முதல் வெற்றியை பெற்ற பெங்களுரு புல்ஸ்
நடப்பு சாம்பியனான ஜெயிப்பூர் பிங்க் பேந்தர்ஸ் அணியை வீழ்த்தி சீசனின் முதல் வெற்றியை பதிவு செய்துள்ளது பெங்களுரு புல்ஸ்.
புரோ கபடி லீக் 2023 தொடரின் 12வது நாளான இன்று நடைபெற்ற இரண்டாவது போட்டியில் பெங்களுரு புல்ஸ் - ஜெயிப்பூர் பிங்க் பேந்தர்ஸ் அணிகள் மோதின. நான்கு தொடர் தோல்விகளுக்கு பின் வெற்றிக்கான தேடலில் இருந்த பெங்களுரு புல்ஸ், விஸ்வரூபம் எடுக்கும் விதமான ஆட்டத்தை வெளிப்படுத்தியது. முழு ஆட்ட நேர முடிவில் 32-30 என்ற புள்ளி கணக்கில் பெங்களுரு புல்ஸ் அணி, ஜெய்ப்பூர் பிங்க் பேந்தர்ஸ் அணியை வீழ்த்தியது.
இதன் மூலம் நடப்பு சாம்பியனை வீழ்த்தி சீசனின் முதல் வெற்றியை பெங்களுரு புல்ஸ் அணி பெற்றுள்ளது. நான்கு தொடர் தோல்விகளை சந்தித்த பெங்களுரு புல்ஸ், வெற்றி கணக்கை தொடங்கியுள்ளது.
இன்றைய போட்டியில் பெங்களுரு புல்ஸ் அணி 16 ரெயிட் புள்ளிகள், 13 டேக்கிள், 2 ஆல்அவுட், ஒரு எக்ஸ்ட்ரா புள்ளிகளை பெற்றுள்ளது.
ஜெயிப்பூர் பிங்க் பேந்தர்ஸ் அணி 23 ரெயிட், 16 டேக்கிள் புள்ளிகள், 9 டேக்கிள் புள்ளிகள், 2 ஆல்அவுட் மற்றும் 3 எக்ஸ்ட்ரா புள்ளிகளை பெற்றுள்ளது.
பெங்களுரு புல்ஸ் அணி வீரர் பரத் 6 ரெயிட், 1 டேக்கிள், 2 போனஸ் என 9 புள்ளிகளை பெற்றிருந்தார். அதேபோல் ஜெயிப்பூர் பிங்க் பேந்தர்ஸ் அணி வீரர் அஜித் குமார் 9 டேக்கிள் புள்ளிகளுடன் 9 புள்ளிகளை எடுத்தார்.
விளையாடிய 3 போட்டிகளில் 2 வெற்றி, ஒரு தோல்வியுடன் புள்ளிப்பட்டியலில் 10 புள்ளிகளை பெற்று 6வது இடத்தில் உள்ளது.
இந்த வெற்றிக்கு பின் 9 புள்ளிகளை பெற்று, பெங்களுரு புல்ஸ் 9வது இடத்துக்கு முன்னேறியது.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
டாபிக்ஸ்