PKL 2023: முதல் பாதி கலக்கல்! இரண்டாம் பாதி சறுக்கல் - பெங்கால் வாரியர்ஸ் அணிக்கு எதிராக வீழ்ந்த தமிழ் தலைவாஸ்
பெங்கால் வாரியர்ஸ் அணிக்கு எதிராக முதல் பாதி வரை முழுமையான ஆதிக்கம் செலுத்திய தமிழ் தலைவாஸ், இரண்டாம் பாதியில் அதை தக்க வைக்க தவறியதால் தோல்வியை தழுவியது.
புரோ கபடி லீக் 2023 தொடரின் ஒன்பதாவது நாளான இன்று நடைபெற்ற முதல் போட்டியில் தமிழ் தலைவாஸ் - பெங்கால் வாரியர்ஸ் அணிகள் மோதின. பரபரப்பாக நடைபெற்ற இந்த போட்டியில் முதல் பாதியில் முன்னிலை வகித்த தமிழ் தலைவாஸ், இரண்டாம் பாதியில் அதை தக்க வைக்க தவறியது. முற்றிலும் சொதப்பலான ஆட்டத்தை வெளிப்படுத்தி தோல்வியை தழுவியது. முழு ஆட்ட நேர முடிவில் 48-38 என்ற புள்ளி கணக்கில் பெங்கால் வாரியர்ஸ் அணி வெற்றி பெற்றது.
இந்த வெற்றியின் மூலம் விளையாடிய 3 போட்டிகளில் 2 வெற்றி, 13 புள்ளிகளுடன் இரண்டாவது இடத்துக்கு முன்னேறியது. அத்துடன் இந்த தொடரில் இதுவரை தோல்வியை சந்திக்காத அணியாகவும் இருக்கிறது.
இன்றைய போட்டியில் பெங்கால் வாரியர்ஸ் அணி 26 ரெயிட் புள்ளிகள், 2 சூப்பர் ரெயிட், 14 டேக்கிள், 6 ஆல்அவுட், 2 எக்ஸ்ட்ரா புள்ளிகளை பெற்றுள்ளது.
தமிழ் தலைவாஸ் அணி 21 ரெயிட், 10 டேக்கிள் புள்ளிகள், 4 ஆல்அவுட், 3 எக்ஸ்ட்ரா புள்ளிகளை பெற்றது.
பெங்கால் வாரியர்ஸ் அணி வீரர் மனிந்தர் சிங் 13 ரெயிட், 3 போனஸ் என 16 புள்ளிகளை வென்ற டாப் வீரராக ஜொலித்தார்.
தற்போதைய நிலவரப்படி தமிழ் தலைவாஸ் விளையாடிய 2 போட்டிகளில் ஒரு வெற்றி, ஒரு தோல்வியை பெற்றுள்ளது. 5 புள்ளிகளை பெற்றிருக்கும் தமிழ் தலைவாஸ் புள்ளிப்பட்டியலில் 7வது இடத்தில் உள்ளது
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
டாபிக்ஸ்