Pak vs SL: அதே நாள், அதே இடம், அதே அணி..! 365 நாள்களுக்கு பிறகு கிடைத்த வெற்றி - இலங்கையை வீழ்த்திய பாகிஸ்தான்
இலங்கை அணிக்கு எதிரான |முதல் டெஸ்ட் போட்டியில் பாகிஸ்தான் அணி 4 விக்கெட் வித்தியாசத்தில் வெற்றிபெற்றுள்ளது. இங்கிலாந்துக்கு எதிராக ஹாட்ரிக் தோல்வி, நியூசிலாந்துக்கு எதிராக இரண்டு டிராவுக்கு பிறகு பாகிஸ்தான் அணிக்கு 365 நாள்கள் கழித்து பெற்ற வெற்றியாக இது அமைந்துள்ளது.
இலங்கையில் சுற்றுப்பயணம் மேற்கொண்டுள்ள பாகிஸ்தான் அணி இரண்டு போட்டிகள் கொண்ட டெஸ்ட் கிரிக்கெட் தொடரில் விளையாடி வருகிறது. இதில் இரு அணிகளுக்கும் இடையேயான முதலாவது டெஸ்ட் போட்டி ஜூலை 16ஆம் தேதி காலே மைதானத்தில் தொடங்கியது.
இந்தப் போட்டியில் முதலில் பேட் செய்த இலங்கை, முதல் இன்னிங்ஸில் 312 ரன்கள் எடுத்தது. பாகிஸ்தான் பவுலர்களில் ஷாகின் அப்ரிடி, நசீம் ஷா, அப்ரார் அஹ்மத் ஆகியோர் தலா 3 விக்கெட்டுகளை கைப்பற்றினர்.
இதைத்தொடர்ந்து முதல் இன்னிங்ஸை தொடர்ந்த பாகிஸ்தான் 461 ரன்கள் குவித்தது. பாகிஸ்தான் பேட்ஸ்மேன் சவுத் ஷகீல் இரட்டை சதமடித்தார். 208 ரன்கள் எடுத்த அவர் கடைசி வரை ஆட்டமிழக்காமல் இருந்தார். இதனால் பாகிஸ்தான் அணி 149 ரன்கள் முன்னிலை பெற்றது. இலங்கை பவுலர்களில் ரமேஷ் மெண்டிஸ் 5 விக்கெட்டுகளை எடுத்தார்.
இலங்கை அணி தனது இரண்டாவது இன்னிங்ஸில் பெரிய ஸ்கோரை இலக்காக நிர்ணயிக்க தவறியது. சீரான இடைவெளியில் பேட்ஸ்மேன்கள் அவுட்டான நிலையில், 279 ரன்களுக்கு அனைத்து விக்கெட்டுகளையும் இழந்தது. இதனால் பாகிஸ்தானை விட 130 ரன்கள் மட்டும் முன்னிலை பெற்ற நிலையில், பாகிஸ்தான் அணிக்கு 131 ரன்கள் என்ற எளிய இலக்கை நிர்ணயிக்கப்பட்டது.
இதையடுத்து இந்த இலக்கை சேஸ் செய்த பாகிஸ்தான் அணி 6 விக்கெட் இழப்புக்கு 133 ரன்கள் எடுத்து வெற்றி பெற்றது. இரண்டாவது இன்னிங்ஸில் இலங்கை பவுலர் பிரபாத் ஜெய்சூர்யா 4 விக்கெட்டுகளை எடுத்தார்.
பாகிஸ்தான் அணி முதல் இன்னிங்ஸில் முன்னிலை பெற காரணமாக இருந்து இரட்டை சதம் விளாசிய சவுத் ஷகீல் ஆட்ட நாயகனாக தேர்வு செய்யப்பட்டார்.
இந்த வெற்றியின் மூலம் 2023-25 சுழற்சிக்கான உலக டெஸ்ட் சாம்பியன்ஷிப் முதல் போட்டியை பாகிஸ்தான் அணி வெற்றியுடன் தொடங்கியுள்ளது. அத்துடன் கடந்த ஜூலை மாதம் 20ஆம் தேதி பாகிஸ்தான் அணி கடைசியாக டெஸ்ட் போட்டியை வென்றது. இதே காலே மைதானத்தில் நடைபெற்ற அந்த டெஸ்ட் போட்டியில் இலங்கை அணியை 4 விக்கெட் வித்தியாசத்தில் வீழ்த்தியது.
இதைத்தொடர்ந்து அப்படிய அது ரிப்பீட் ஆகும் விதமாக அதே நாளில், அதே மைதானத்தில், அதே அணியை மீண்டும் 4 விக்கெட் வித்தியாசத்தில் வென்றுள்ளது.
இந்த தொடருக்கு அடுத்தபடியாக இங்கிலாந்து, நியூசிலாந்து அணிகளுக்கு எதிராக உள்ளூர் தொடரில் பாகிஸ்தான் அணி விளையாடியது. இதில் இங்கிலாந்துக்கு எதிராக 3-0 என தோல்வி அடைந்த பாகிஸ்தான், நியூசிலாந்துக்கு எதிராந இரண்டு போட்டிகளிலும் டிரா செய்தது.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
டாபிக்ஸ்