HBD Vijender Singh: 14 போட்டிகளில் 13 வெற்றி..! இந்தியாவுக்காக ஒலிம்பிக்கில் பதக்கம் வென்ற வீரர்

விஜேந்தர் சிங்குக்கு முதல் அங்கீகராம் மாநில அளவிலான விளையாட்டு போட்டியில் கிடைத்தது. பாக்ஸிங் விளையாட்டில் இவருக்கு முதல் முதலாக கிடைத்த பதக்கம் வெள்ளிப்பதக்கமாக இருந்தது. பின்னர் தங்கம் பதக்கம் வென்ற இவர், அனைத்திந்திய யூத் பாக்ஸிங் சாம்பியன் பட்டத்தை வென்றார். தொடர்ந்து 2003 இல் நடந்த ஆஃப்ரோ ஆசிய விளையாட்டில் வெள்ளி வென்று கவனத்தை ஈர்த்தார்.

தேசிய அளவில் பிரபலமான வீரராக உருவெடுத்த விஜேந்தர் சிங், 2004 ஏதன்ஸ் ஒலிமபிக்கில் பங்கேற்றார். இதன் பின்னர் 2006இல் காமென்வெல்த் போட்டியிலும் பங்கேற்று தோல்வியை தழுவினார்.

ஆனாலும் துவண்டு போகாமல் தொடர்ந்து தீவிர பயிற்சிகளில் ஈடுபட்ட இவர் 2006இல் தோகாவில் நடைபெற்ற ஆசிய விளையாட்டில் வெண்கலம் வென்றார். இந்தியாவுக்காக அவர் வென்ற முதல் பதக்கமாக இது அமைந்தது.

இதைத்தெடார்ந்து 2008 பீய்ஜிங் ஒலிம்பிக்கில் வெண்கலம், 2009இல் உலக சாம்பியன்ஷிப்பில் வெண்கலம் வென்றார் விஜேந்தர் சிங். காமென்வெல்த் விளையாட்டில் 2006, 2014 ஆகிய ஆண்டுகளில் வெள்ளியும், 2010இல் வெண்கலமும் வென்றார்.

அதேபோல் 2010 ஆசிய விளையாட்டில் முதல் முறையாக தங்கம் வென்றார். ஆசிய சாம்பியன்ஷிப் விளையாட்டில் 2007இல் வெள்ளி, 2009இல் வெண்கலம் வென்றுள்ளார்.

சர்வதேச அளவில் 14 போட்டிகளில் பங்கேற்றிருக்கும் விஜேந்தர் சிங் ஒரேயொரு தோல்வியுடன் 13 போட்டிகளில் வெற்றி பெற்றுள்ளார். இதில் நாக்அவுட்டில் மட்டும் 9 வெற்றிகள் அடங்கும்.

பத்மஸ்ரீ விருதை வென்றவரான விஜேந்தர் சிங் பாலிவுட் படங்களிலும் நடித்துள்ளார். அகில இந்திய காங்கிரஸ் சார்பில் 2019 பொது தேர்தலில் தெற்கு டெல்லி தொகுதியில் போட்டியிட்டு தோல்வியை தழுவிய விஜயேந்தர் சிங் அரசியல்வாதியாகவும் உள்ளார்.

ஆண்களுக்கான இந்திய பாக்ஸிங் மிடில் வெய்ட் பிரிவில் பதக்கங்களை அள்ளியிருக்கும் வீரராக இருந்து வரும் விஜேந்தர் சிங்குக்கு இன்று பிறந்தநாள்.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9