TNPL Today Match Preview: ஹாட்ரிக் வெற்றியை குறிவைக்கும் சேப்பாக் சூப்பர் கில்லீஸ்-வீழ்த்துமா கோவை?
TNPL 2023: இந்த சீசனின் முதல் ஆட்டத்தில் ஐட்ரீம் திருப்பூர் தமிழன்ஸை லைகா கோவை கிங்ஸ் வீழ்த்தியது. இதேபோல், 2வது ஆட்டத்தில் சேலம் அணியை சேப்பாக் சூப்பர் கில்லீஸ் வீழ்த்தியது.
டிஎன்பிஎல் கிரிக்கெட் போட்டியின் 9வது லீக் ஆட்டம் இன்று நடைபெறவுள்ளது. இன்றிரவு 7.15 மணிக்கு தொடங்கவுள்ள இந்த ஆட்டத்தில் லைகா கோவை கிங்ஸ், சேப்பாக் சூப்பர் கில்லீஸ் மோதுகின்றன.
திண்டுக்கல் என்.பி.ஆர் கல்லூரி மைதானத்தில் நடைபெற்று வரும் தமிழ்நாடு பிரீமியர் லீக் 2023 தொடரின் 09-வது லீக் ஆட்டத்தில் லைகா கோவை கிங்ஸ் அணியும், சேப்பாக் சூப்பர் கில்லீஸ் அணியும் மோதுகின்றன.
இந்த சீசனின் முதல் ஆட்டத்தில் ஐட்ரீம் திருப்பூர் தமிழன்ஸை லைகா கோவை கிங்ஸ் வீழ்த்தியது. இதேபோல், 2வது ஆட்டத்தில் சேலம் அணியை சேப்பாக் சூப்பர் கில்லீஸ் வீழ்த்தியது.
பின்னர், திருப்பூர் தமிழன்ஸ் அணியையும் சேப்பாக் சூப்பர் கில்லீஸ் அணி வீழ்த்தி வெற்றி பெற்றது.
மற்றொரு ஆட்டத்தில் நெல்லை ராயல் கிங்ஸிடம் லைகா கோவை கிங்ஸ் தோற்றது. சென்ற ஆண்டு பைனல் போட்டியில் கோவையும், சேப்பாக்கும் மோதின.
மழை காரணமாக கோப்பை பகிர்ந்தளிக்கப்பட்டது. இந்நிலையில், மீண்டும் இந்த சீசனில் இரு அணிகளும் சந்திக்கின்றன.
எனவே எதிர்பார்ப்பு எகிறியுள்ளது. சேப்பாக் சூப்பர் கில்லீஸ் நல்ல ஃபார்மில் உள்ளது. லைகா 2 ஆட்டங்களில் விளையாடி 1 இல் வெற்றி மற்றொன்றில் தோல்வியை தழுவியிருக்கிறது.
லைகா கோவை கிங்ஸ்
பி.சச்சின், ஜே.சுரேஷ்குமார் (விக்கெட் கீப்பர்), சாய் சுதர்சன், ராம் அரவிந்த், யு.முகிலேஷ், ஷாருக்கான் (கேப்டன்), எம்.முகமது, கிரண் ஆகாஷ், மணிமாறன் சித்தார்த், ஜடாவேத் சுப்பிரமணியன், கே.கவுதம் தாமரை கண்ணன்.
சேப்பாக் சூப்பர் கில்லீஸ்
என்.ஜெகதீசன் (கேப்டன், விக்கெட் கீப்பர்), பாபா அபராஜித், எஸ்.ஹரீஷ்குமார், சஞ்சய் யாதவ், ராஜகோபால் சதீஷ், உத்திரசாமி சசிதேவ், ரஹில் ஷா, ராக்கி பாஸ்கர், ராமலிங்கம் ரோஹித், எம்.சிலம்பரசன், எம்.விஜு அருள்.
தமிழ்நாடு பிரீமியர் லீக் (Tamil Nadu Premier League) ஆண்டுதோறும் நடைபெறும் ஓர் உள்ளூர் கிரிக்கெட் போட்டி ஆகும். 2016-இல் தமிழ்நாடு கிரிக்கெட் சங்கத்தால் தொடங்கப்பட்ட இந்தப் போட்டி, இந்தியன் ப்ரீமியர் லீக் போட்டி போன்று தமிழக அளவில் நடைபெறும் கிரிக்கெட் தொடர் ஆகும்.
இந்தப் போட்டிகள் மூலம் பல இளம் வீரர்களின் திறமைகள் அடையாளம் காணப்படும் என்பதில் மாற்றுக் கருத்து இருக்க முடியாது. இன்று முதல் 7வது சீசன் போட்டி தொடங்கி நடந்து வருகிறது.
தமிழ்நாடு கிரிக்கெட் சங்கத்தில் பதிவு செய்துள்ள வீரர்கள் மட்டுமே இந்தப் போட்டியில் விளையாட முடியும். இதன் தொலைக்காட்சி ஒளிபரப்பு உரிமையை ஸ்டார் இந்தியா குரூப் பெற்றுள்ளது.
ஸ்டார் ஸ்போர்ட்ஸ் 1 சேனலில் இந்தப் போட்டியைக் கண்டு ரசிக்கலாம். நமது தமிழக வீரர்களுக்கு ஆதரவு தரலாம்.
Fancode செயலியிலும் இந்தத் தொடரை நேரலையில் கண்டு ரசிக்க முடியும். கடந்த முறை மிக பிரமாண்டமாக நடந்து முடிந்தது.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
டாபிக்ஸ்