HBD MS Dhoni: 7ஆம் ஜெர்சி எண் தோனிக்கு 7 தனித்துவமான விஷயங்களை குறிப்பிட்டு பிறந்தநாள் வாழ்த்து!சேவாக் வித்தியாச டுவிட்
டுவிட்டரில் எல்லோரையும் தனது வித்தியாச டுவிட் பதிவால் ரோஸ்ட் செய்யும் வீரேந்தர் சேவாக், 7 தனித்துவமான விஷயங்களோடு குறிப்பிட்டு எம்எஸ் தோனியை உயர்ந்த மனிதன் என கூறி பிறந்தநாள் வாழ்த்து கூறியுள்ளார்.
கிரிக்கெட் களத்தில் பவுண்டரி, சிக்ஸர்கள் பறக்க விட்டு ரசிகர்களுக்கு விருந்து அளிப்பவராக இருந்து வந்தார் இந்திய அணியின் முன்னாள் ஓபனிங் பேட்ஸ்மேனான வீரேந்தர் சேவாக். கிரிக்கெட்டிலிருந்து ஓய்வு பெற்ற பிறகு உள்ளூர் கிரிக்கெட் லீக் தொடரில் அவ்வப்போது பங்கேற்று வரும் இவர், சமூக வலைத்தளங்களில் தொடர்ந்து ஆக்டிவாக இருந்து வருகிறார்.
எங்கு, எந்த போட்டிகள் நடந்தாலும் அதை பற்றி தனது கருத்தை வேடிக்கையாக பதிவு செய்து ரசிகர்களை குஷிப்படுத்தி வரும் சேவாக், இந்திய வீரர்களின் ஆட்டம் மட்டுமில்லாமல், அவர்களது தனிப்பட்ட விஷயங்கள் குறித்தும் தனித்துவமாக டுவிட் செய்து கவனத்தை ஈர்ப்பவராக உள்ளார்.
அந்த வகையில் ஐசிசி நடத்திய மூன்று வகை வெள்ளை பந்து தொடர்களை வென்ற ஒரே கேப்டனகாவும், இந்தியாவுக்கு டி20 மற்றும் 50 ஓவர் உலகக் கோப்பை பெற்று தந்த கேப்டனாகவும் இருந்து வரும் எம் எஸ் தோனிக்கு தனது பாணியில் தனித்துவமான முறையில் வாழ்த்துகளை தெரிவித்துள்ளார்.
இதுதொடர்பாக சேவாக் தனது டுவிட்டரில், " சொர்க்கத்தில் சூர்ய கடவுள் செல்லும் தேரில் 7 குதிரைகள் உள்ளன. ரிக் வேதத்தில் உலகில் 7 பகுதிகள் உள்ளன. 7 பருவங்கள், 7 கோட்டைகள், 7 சுவரங்கள், திருமணத்தில் 7 சடங்குகள், உலகின் 7 அதிசயங்கள் உள்ளன. இவற்றுடன் 7வது மாதம், 7வது நாளில் உயர்ந்த மனிதன் எம்எஸ் தோனியின் பிறந்தநாள்" என குறிப்பிட்டுள்ளார்.
தோனியின் பிறந்தநாளுக்கு முன்னாள், இந்நாள் வீரர்கள் என அனைவரும் வாழ்த்துகளை தெரிவித்து வருகின்றனர். ரசிகர்களும் தோனியின் பிறந்த நாளுக்கு அவரது சிறந்த ஆட்டம், இன்னிங்ஸின் புகைப்படங்கள், விடியோக்களை பகிர்ந்து வாழ்த்துகளை தெரிவித்து வருகின்றனர்.
தோனி - சேவாக் இணைந்து பல்வேறு சிறந்த இன்னிங்ஸை இந்திய அணியில் இணைந்து விளையாடியபோது வெளிப்படுத்தியுள்ளனர்.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
டாபிக்ஸ்